وصللها الشركة. نزلت تبسمتلو .....*نادية: ميرسي سي رائد ....*رائد: بلاماتشكرني اتهلى فروحك باش نبقو على اتصال الموضوع باش ياخذ شي زوج ايام ان شاء الله مايكونش فما مشكل ....تبسمت ...*نادية: لا خوذ راحتك عادي توا باش ندخل ....سلمت عليه ومشات داخلة وكلشي صار تحت انظار رامي لي قاعد لفوق يخزر من بلار بيروه ومتحول دمو يغلي هاذي خلطتو عاد للشركة ..نبهها ورجعت حكات مع بوه وزيد نازلة من طوموبيلو مخو تحرڨ وهو يخمم وين كانو وعلاش كانو يحكو نظراتو ليها وهي داخلة قريب يثقبو البلار مع وراه إيلين تحكي وهو غايب على الوعي يستنى فيها غير وقتاش تخلط فيقو كلامها وقت قالت نادية ...تلفتلها ومشى قعد على بيروه ........*رامي: شبيها؟!!؟......*إيلين: الموضوع لي حكيت عليه في إجتماع فرقة فرنسا انو نادية باش تكون الوجه الإعلاني للشركة..عدت طرحتو عليها وحتى فرقة المونتاج وكمال ..كرم عاجبتهم خصوصي انو وجه جديد مستنية رايك نعرف باش تواف....قص عليها....*رامي: بجدك !؟؟؟ ههههه تحب نحط عقد مع المحاسبة نادية؟!؟....*إلين: مستغربة...علاش؟؟؟ وين المشكل كنت متأكدة منك لي غادي توافق علاش الكلام هذا!!!!!!!....*رامي: الكلام لي قلتيه في بالي كنت تفذلك كهو قدام فرقة فرنسا وتبقى نادية تخدم هوني اما يطلع جدي هاذي لي ماتوقعتهاش جملة .....*إيلين: كانت متأكدة الي ماغاديش تقبل عكسي تماما على اذاكا ماتحمستش جملة ..حيرتني شنية السبة حتى ترفض وحدة بحالها!!!!!!!؟؟......*رامي: مليح لي ماتحمستش برشا خاطر عارفة روحها ماعندها حتى خبرة في التصوير والأزياء......*إيلين: شبيك رامي راهو كاين كرم المصور يعرف شنية يعمل والمدربين متاع الأزياء وكلش... كيفها كيف اي وحدة جاتنا .......رامي: بلاما تحاول مش باش نوقع على دوسيها حط إعلان برا لعارضة خلاف ...وهي تبقى في خدمتها ..باهية وماخصها شي ..........*إيلين: وااااو برافو وكان عرفتك ترفض كنت خليتها طلعت لفرنسا قحرلها ....*رامي: اليين!!....نفخت .....*الين: منعرش شباش يكون موقفي إن شاء الله ماتتغشش كهو .......*رامي: ماعندك علاش تحكي معاها انا باش نحكي توا اطلبها تخلط للبيرو متاعي ........*إيلين؛ باهي مع انو نتمنى تبدل رايك...ومشات.......................................... حياة طلعت من الجامعة تعدات على البلاصة لي كانت فيها لقات وراقي بحثها مازالو مقطعين لتوا ....لي يلم الزبل مشى وخلاهم لمتهم من لرض وحطتهم في المهملات ودارت ماشية لقاتو في وجهها تنهدت ......*حياة: س..سامحني على الكلام والفازا متاع قبيل كنت معصبة .. ماتاخذش على تصرفي هذاك عيشك...وقت نكون في مشاكل منعرش شنية نعمل غلي كلو نسيبو في حد ثاني وانت طلعت لول هاني لميت الوراق لي طيشتهم توا .......تبسم ....*عادي كلنا عندنا مشاكل وربي يحلها كلها ...تبسمت ...*حياة: إن شاء الله ميرسي برشا اسمي حياة نقرى هوني ومدتلو يدها باش تسلم عليه .....نحى القفاز وسلم عليها .*وانا كريم، وكيما شايفة نخدم هوني .....تبسمت....*حياة: ربي يعاونك .....*كريم: عيشك ...تبسمت..*حياة: توا ماشية ...*كريم: بالسلامة ........تعدات وخلاتو تتنهد طفل بحالو بالاك في عمرها قاعد يلم في الزبل في عوض يكون يقرى في الجامعة باين مشاكلو اسوأ من مشاكلها ......حبست طاكسي ومشات للبيت مش حابة تستنى زادا صقر باش يخلط .....وصلت القصر لقات البادي ڨارد عند الباب كي العادة دخلت حلو عليها الخدم طلعت لغرفتها حطت صاكها بفدة ورمات روحها على السرير هزت المخدة على راسها وغمت عليه ظلت مدة هاكاكا من بعد قامت جبدت كايي وقعدت تقرى شويا نفس المودول وفوندامونتال.......تخمم في الصفر لي عطاهولها مسحت على وجهها وشعرها قلبها باش يخرج من محلو من فازتو الأسباب تافهة لي قالها عليها علاش حتى يمدلها صفر وزيد كل مرة يتكرر سيناريو الأهل في لول مع استاذ سليم وتوا مع هذا علاش تضطر كل مرة تشرح لحد الي ماعندهاش اهل ومتوفيين علاش دايما تنحط فمواقف هاكا وتبدى تفسر وتحلل الفكرة قهرتها .....رمات الكايي بغش وبدات تبكي
🙏🙏🙏🙏🙏🙏
رامي صارلو كثر من نص ساعة من وقت قال لإيلين تقول لنادية تخلط اعصابو تحرڨت ورجلو طالعة نازلة على لرض مش باش يتنازل ويمشيلها ......وهو وسط افكارو ...تفتح الباب أخيرا.....صوت طالونها ضرب في الغرفة غزرلها بنظرة نارية حذف كل لي صار في بيتو من مخو مافي دماغو كان المشهد متاعها مع بوه ...عكسها تماما لي مافي مخها غير اذاك المشهد والإهانة تزرعو في راسها ...كلامو حفظاتو بتفاصيلو وقت كانت في بيتو والشي لي عملو فيها كلشي استرجعاتو وهي تخزرلو في عينيه بالضبط وكان جات النظرات تقتل كان مات خاطر لي عملو معاها كبير ومش باش تسامحو وفي نفس الوقت باش تنسى فكرة حبها ليه خاطرها أضحوكة في حق نفسها والموضوع تمسخيرة من اساسو مستحيل تخمم الي يجي نهار وتتفاهم مع الكائن لي قدامها.....حاولت تنسى الأحداث لي في مخها على اقل باش تنجم تسمع شباش يقول وقعدت قبالو بلاما يقولها حطت رجل على رجل وكتفت يديها بهدوء عكسو تماما لي من داخل يغلي .......*نادية: نعم تعز شي!؟؟؟؟؟ هاني تفضل !!!!!...........*رامي: في بالك الي طلبتك قبل نص ساعة ؟!؟؟! .......*نادية: في بالي وكان عندي خدمة وضحكت على جنب تستفز فيه اصلا هي طولت قصدا تحب تنتقم منو بكل الطرق على الشي ليى عملو فيها. ..........*رامي: خدمة مع من؟!؟؟...مع رائد شمسي؟!؟؟.....غزرتلو متفاجئة شويا ماتوقعتش يشوفها خاطر ماكانش في الشركة الصباح وتوقعت مايجيش العشية .........*نادية: قاعد تراقب فيا؟!؟؟؟.........*رامي: جاوب على السؤال وماتردش بسؤال انا لي نسال هوني ....*نادية: ههه بصفتك شكون؟!؟؟....*رامي: مديرك.......*نادية: مممم مادام قلت مديري ....مديري شدخلو في حياتي الخاصة!؟؟!؟!...كبس على قبضتو ........*رامي: نظن كلامي كان واضح من قبل على بابا وماتحتاجش نعاودولك وبطرق ثانية .......*نادية: مايسالش نحب نسمع وتبسمت ...حاول يبرد اعصابو قد لي ينجم مش حاب يتهور......*رامي: شبينك وبينو حتى تنزل من طوموبيلو تكلللللم!!!!!!.........*نادية: على هذا جبتني لهوني ؟؟؟؟ وقفت ردت شعرها ورا وحكات .......*نادية: نظن ماعندك حتى دخل باش تساال على موضوع شخصي وخارج نطاق الخدمة سي مديري وتوا نستأذن ....قبل ماتخرج كان حاكم ذراعها غرس صوابعو فيه بكل غش وردها قدامو بالقاوي لين صاحت يحكي ويلز على سنيه ..........*رامي: رائد شمسي تبعد عليه تفهم ولالا ....خزرت في يدو لي هازة ذراعها خزرة شيطانية وخزرتلو بغل .....ً....*نادية: مانفهمش ودزتو بالقاوي عليها لين سيبها وهزت صبعها فوجهو ........*نادية: رد بالك تمسني مرة اخرى رد بالك نحذرك رامي شمسي مش كل مرة تتجاوز حدودك معايا وبقات تمسح على ذراعها خاطر وجعها ........بقى يغزرلها منزل حواجبو وحط يديه في جيابو ....حاول يغير طريقتو للسياسة عرف روحو وجعها خاطر خرجاتو من صينيتو ........*رامي: شكاين في مخك ماتقراش صحف وجرايد ماتدخلش انترنت جاهلة ولا شنية !!¡!!!.......عرفتو يقصد في شخصية بوه النسائية والماضي متاعو يعني خايف عليها من بوه فرحت علاخر برغم عصبها لقات حاجة تستفزو بيها ...قربتلو اكثر لين صارو شفايفها في وذنو بهت من الفازا .....وحكات بصوت يهمس ...*نادية: ماتخافش.. رائد شمسي مش ساقط كيفما يحكو عليه ...يمكن لي قاعدين يحكو هوما الأسقط ....سكتت ثواني ورجعت حكات ....*نادية: خاطرو مايتعداش على بنات الناس في بيتو جبدت عليه شوي وخزرت في وجهو تتبسم ....نزل على يديه في جيابو ووجهو حمار باش يترشق من العصب عرفها تقصد فيه .......طلعت وخلاتو مزهبل من كلامها ...دوب طلعت وهو شد في الكرسي للحيط .....وكان زادت دقايق كان شدها فركها من بعضها ..................مشات لبيروها حاسة بالإنتصار على الأقل نجمت ترجعلو الفازا متاعو ...توا هاذو زوج ايام لازم تتجنبو قد لي تنجم لين تطلع من الشركة خصوصي بعد لي رفض خدمتها متاع الأزياءاصلا كانت عاملالها حساب ووافقت قدام إيلين كهو
أنت تقرأ
أحببت أخت زوجتي الجزء الثاني 2
Lãng mạnرواية منقولة من الكاتبة الشابة الجزائرية: سعاد عامري، و هي رواية ممزوجة بين اللهجتين : الجزائرية و التونسية.
