أحببت أخت زوجتي الجزء الثاني 2

61

الحلقة 61: وليد طلع في طوموبيلو ومشى بعدما مشات حياة مع كوم الطوموبيلات خلاتو يحير من راجل اختها يمكن عندو برشا فلوس هذا التفسير الوحيد اما ماريحوش جملة خصوصي بعد تصرفو الوقح معاه كي مدلو الفلوس ولي حيرو اكثر تصرفو المبالغ فيه معاها كي هزها نورمال وخذاها يعني هي عايشة معاه وهو لي ممكن عمل فيها هاكاكا ...حبس في تركينة من الطريق مرا كبيرة .. ديما يتعدى من هوني يلقاها ...دوب شافتو تبسمت ..نزل عندها ....باس يديها ...تبسمتلو ...*يرضى عليه ياولدي باس راسها وحطلها اكا الفلوس لي عطاهاله صقر في وسط منديلها ومشى خلاها باهتة من كم المبلغ الكبير ...افكار ماخذاتو وافكار جايباتو يمكن الشي لي ضاع منو وهو غافل خلاتو يهتم بحياة ويحب يعرف عليها برشا ماحبش طريقتو كي إستفزها حس بروحو كي ضغط عليها واستغلها اما الحل الوحيد باش يعرف حكايتها ويمكن تكون نفس الحكاية متاعو ......قص عليه تلفونو يصوني خزر للرقم غمض عينيه ثواني نفخ ورد ......*وليد: شاتحب؟!؟.......*.......*وليد: مانيش ولدك وماعادش تطلبني يرضى عليك فهمتي!!؟....*.........*وليد: وقت نجم نسامح روحي باش نسامحك وسكر عليها .................................صقر وصل القصر نزل من الطوموبيل حلت الباب ونزلت بالشويا مازاال بطنها فيها إضطرابات قدملها باش يهزها......*حياة: مليحة باش نمشي وحدي ....*صقر: متأكدة؟!....*حياة: إيه ..سيبها ومشات قدامو بالشويا ..سارحة تخمم في الشي لي طلبو البروف خلى مخها دايخ تحاول تفهم اما شي ..باقي يخزرلها بشك من وقت ديمارا مش مريحو الوضع .......سمح صوت تلفون وراه غزرلها لقاها دخلت وهو رجع فتح طوموبيل لقاه تلفونها من ورا جبدو اسم لجين مسجل عليه ...هزو ودخل يلوج عليها باز طلعت لغرفتها مشى طالع وعاد حبس غزر للتلفون وبربش فيه وسط الأرقام لقى رقم بلا اسم ماكانش موجود في تلفونها وقت بربش فيه من قبل كي بدللها التلفون ..فضولو باش ياكلو هز تلفونو وعيط في الرقم يصوني لين رد عليه بألو يكرر فيها لين سكر عليه وكبس على التلفون في يدو بعصب يحاول يتمالك روحو ماإحتاجش ذكاء برشا باش يعرف الي هو البروف كمل طريقو دز الباب ودخل عليها ريحها مكاش .......تلفت للحمام عرفها ثما .....بدلت خصوصيتها ..وهي تنحي في دبشها لمحت البقعة الكبيرة الكحلة على جنبها مسحت على جبينها جا في بالها وليد نفخت مش عارفة شنية تعمل وكملت لبست روب موv متاع راحة واسعة ...غسلت وجهها ويديها وطلعت ...لقاتو في غرفتها....مسحت وجهها ومشات قعدت في سريرها تغطات ونامت قدام انظارو..........*حياة: شاتحب ؟!!......هز حاجبو من طريقة كلامها غير قبل شوي كانت لباس حطلها التلفون متاعها حدها مثبت معاها ..قعد حدها يغزر مع وجهها لصفر حط يدو عليه .جبدت شويا عليه بسبتو توا قاعد البروف يستفز فيها وكان ماشافش اكا البقعة ماكانتش دخلت في الدوامة هاذي كبس على يدو الثانية بالقاوي من فازتها لي مش عارف علاش عملتها .....*حياة: نحب نام ......غزرلها بنظرات حادة وحكى .....*صقر: شكونو؟؟؟!!.....نزلت حواجبها تخزرلو بإستغراب!!.....*حياة: على شكون تحكي؟!؟؟......*صقر: لي كنت معاه في الكلينيك شكونو؟!؟؟.....بهتت من السؤال الغريب....*حياة: قتلك الي هو بروفي !!!!!.....*صقر: ماقتلكش قولي شنية يخدم سألتك شكونو وعلاش من غير الكل جاك هو هزك الكلينيك؟؟!!!!!!!.....عرفت مخو وين مشى هو لي لقاها معاه هاكا في الكلينيك ويحكي هاك ولي خزروها في الجامعة طالع بيها من الحمام شباش يحكو الفكرة تدوخ المخ ........*حياة: منعرش يمكن غضتو على اذاكا عاوني ولا كنت تحب نظل واقعة حتى نموت......قحرلها.....*صقر: وعلااااااااش هووو بالضضبط علااااش مش غي...قصت عليه وقامت قاعدة ...*حياة: ما تصيييحش عليااااا وكان هزني واحد ثاني ماكنتش سألتني علااااش هو زادا ؟!؟؟؟...علاش تصيح عليا توا ورمات الكاس لي جنبها على لرض ...ماعادش تصييح عليا ودزتو وغزلو عينيها .....حس بيها كي طلعلها الضغط وحس روحو كثر عليها وهي تاعبة ......حط يدو على خدها يهدي فيها ...*صقر: خلاص حياة ..وحضنها ..*صقر: ماصحتش عليك كلامي اكاكا ......نزلو دموعها ..لي فيها وزاد عليها ......*حياة: لا قاعد تصيح عل.يا وطول الوقت تص.يح وتعص.ب ......*صقر: شششش يزي مش نصيح عليك ..جبدلها وجهها عليه ومسحلها دموعها بصوابعو ..بقات تغزرلو من ورا الدموع .....*صقر: خلاص ياروحي مانحبكش تبكي .....مسحت عيونها ....*حياة: نحب نام .....*صقر: باهي... باس راسها غمضت عيونها وتمدت ...غطاها بقات تغزرلو من بعد نامت ...طلع من عندها دوب خرج وحواحبو تعقدو تفكيرو مازال في اكا البروف ونيتو جهة حياة ماريحوش من نظراتو الغريبة ليه .............رامي رجع للشركة بعد لي صار كأنو مافما شي هز التلفون وطلب سناء .....*رامي: جيبيلي استمارة استقالة واخلط عندي ......*سناء: اا..باهي .....*تشارلي: شبيييه انخطف لونك انتي زادا .....*سناء: قال استمارة استقالة وانا ناخذهالو اااع مايكونش يقصدني انا ..نحبش نستقييييل .....*تشارلي: مممم نتهنى منك هاهاها ...قحرتلو ....*سناء: ابعد من قدامي ومشات لبيروه .....*تشارلي: هه روووحي بلا رجعة ...خزر نادية من بعيد صاح عليها لين تنفضت مشالها حضنها ......*نادية: فجعتني....*تشارلي: موااح موااح ييي توحشتك شبيك ماتجيش لعندي تحت ....*نادية: نخدم راني عزيزي وخنقتني ...*تشارلي: بففف خدمة خدمة خدمة افرغو شوي هاني انا نخدم وقت نحب ونفرغ وقت نحب هاهاها ..إيجا إيجا ناخذو سيلفي وحل تلفونو يصور .ضحكت عليه ...*نادية: مش باهية الفوطو ييي هات انا نصور وخذاتلو التلفون
........

وبدات تصور ويعملو في لي جاست لين خرج فيهم
...*رامي شقاعدين تعملو!؟؟؟!؟؟.....تلفتتلو ملبكة ورجعت قحرتلو .....*تشارلي: إيجا رمروم تصور معانا ..قحرلو قحرة موت وخذالو التلفون يشوف في شكل التصاور وتمركز على شفايفها لي مبوزتهم تلفتلها قحرلها .هزت حاجبها فيه وردتلو القحرة اضعاف ....محى التصاور وردلو التلفون .......*تشارلي: ييي شبيك زادا ؟!؟....*رامي: اهبط .....*تشارلي: ااه ڨلبي ضااعو التصااااور شرييير علاش محيتهم ذكرايااااتي معاك نادية مشااو ......جاها الضحك عليه وهوما تصورو غير ضروك ....*تشارلي: اااااع علاش هااك حبيتهم ......*رامي: تشااااااااارلي!!!!!!...قفز .......*تشارلي: بففف باهي باهي رايح صحاب الشركة هاذي هبلو علاخر غير انا لي باقي خذى تلفونو ومشى ......بقى يقحرلو حتى مشى وتلفتلها .....*رامي: اخلط ورايا!!!!...هزت حاجبها ولفت شفايفها وهي تخزر لظهرو ماشي ...ردت شعرها ورا ..نفخت ولحقاتو.......دخل البيرو ودخلت وراه عاقدة عبستها ....قعد ورا بيروه ملامحو بدات تهدى بالشوي وهو يغزرلها مش عارف كيفاش يتصرف معاها اول مرة يعجز قدام مرا في عوض يقربها منو اكثر خلاها تنفرو وتهرب منو لدرجة لجئت لبوه لي يكرهو باش تتخلص من شركتو مجرد فكره انو عينيها يبعدو عليه وماعادش يشوفهم تخليه يهبل ....تغزرلو وتغزر ليدو الملفوفة ماعرفتش شنية صار معاه حبت تسالو ومن بعد تراجعت شدخلها آخر مرة اهتمت لحالو وهو مريض خذات إهانة وطلعت طفات الموضوع وثبتت معاه طول عليها وهو يغزرلها لين حكات وقصت على غزلو بيها في ڨلبو .....*نادية: شتريد؟!؟ وكتفت يديها ......*رامي: اقعد!!.....غزرتلو ثواني وقعدت .......سحب ورقة الإستقالة مكاشي عليها ومسنيي وكلش وهي فارغة من الإسم ومدهالها قدامها ....خزرتلها مستغربة .....*نادية: شنية هاذي!؟؟!!!!......*رامي: عمرها!!!!....هزتها تخزر فهمت كلشي تبلونطات الشي لي تحوس عليه مدوهولها توا اما شنية باش يصير في 15مليون متاع العقد مافهمتش نيتو حواجبها بعدما كانو في وضع الدهشة رجعو انعقدو ......*نادية: شنية هذا ؟؟شقصدك يعني تحب نستقيل؟!!؟.....*رامي: مش هذا لي حبيتو!!؟ ......*نادية: إيه أما ...وسكتت كانت باش تحكيلو الي هي ماتنجمش تدفع المبلغ ..دوب تفكرت اتفاقها مع بوه تراجعت على واش كانت باش تقول ..هزت ستيلو تعمر فيها وتخمم ..توقع ضرك ومن بعد تجيبلو المبلغ من بوه وتتنقل تخدم لهيه هذا لي كانت تحوس عليه وهاهو جاها على طبق من ذهب.....عمرتها وحطت يدها على مكان سينياتور غزرتلو بشك وعادت حطت راسها وسينيات ومدتهالو..جبد عقدهم زادا النسخة ليى مافيهاش المبلغ اكيد مدهالها .....*رامي: وقع هوني ....*نادية: شنية هاذو ؟!! ...*رامي: العقد متاعنا باز باش توقع عليه باش يتفسخ وبعدها تصير حرة تماما عدا الورقة هاذي طبعا متاع شرط المبلغ مش باش تتوقع حتى تجيب المبلغ ........*نادية: غدوا نوقع عليها !!....*رامي: براحتك !! .....هزت العقد ووقعت عليه وحطت الستيلو ........*رامي: توا صرت مستقيلة تماما ومايربطك اي شي بالشركة هاذي نادية جلال .....تبسمت من تحت لتحت توا عاد ارتاحت المهم ماعملهاش مشكل وهو ليةطلب منها تستقيل من عندو بلاما تعب راسها .....وقفت ومشات طالعة ورجعت تلفتت فيه غزرت فيه غزرة اندرى كيف وخرجت .....تكى على بيروه يتبسم عارفها مستحيل تقبل المبلغ من بوه بلاما تخدم عندو ماتنجمش تاخذ مبلغ كبير اكاكا و هي بلا خدمة ومش عارفة مين ترجعولو حدسو مش باش يكذبو ويعرفها كيفاش تفكر ...وباش ترجعلو اما ترجعلو وهي ماعندها اي علاقة بالشركة ومابيناتهم حتى خدمة ...وساعت تبسيمتو وهو يخطط شنية باش يطلب منها مقابل المبلغ هذا إذا اتحقق لي في بالو وبوه عمل لي قالو عليه عارفو قالو كلمة ومش باش يرجع فيها اما كلشي وارد ............مشات لبيروها مرتاحة وفرحانة الي باش تطلع من هوني لمت دبشها كلو بصفتها وحدة مستقيلة في كرطون شدتو بسكوتش وطلعت اصلا صارت العشية ولازم ترجع للقصر