أحببت أخت زوجتي الجزء الثاني 2

85

لحلقة 85: درارج طوموبيل آدم حبست عند الصالة وطوموبيل صقر لي مع نادية تعداو للقصر هزو يوسف لي وصلو آزر ومشاو للصالة ............حياة وآدم لقاو الجوجمة ظيوف كارثة عرس ضخم من معارف هشام لاسماعيل وللعايلات الزوج .....قعدت عند طابلة بعدما نحات الفاست تاعها خلاتها عند المستقبل متاع الصالة وتغزر وراها مش عارفة وين مشى صقر ونادية ....هزت كاس محطوط وباش تحطو في فمها خذاه آدم منها وشربو ....*آدم: ماخصناش فضايح خليك عاقلة قد الستيل والمظهر لي نتي عليه .....*حياة: بلاتي !!!؟......*آدم: ايوا ...تعداو دقايق صقر وصل الصالة مع نادية ويوسف ..حكم طابلة زادا مع نادية وقعدو ...دوب خلط للصالة لمحتو بعينيها ... خذى زوج كيسان وهو يغزرلها بنظرات نارية قصت على سرحتو فيها صوت نادية .......*نادية: نسيت جملة ماقلتش لحياة على الخطبة منعرش شنية رد فعلها ....جبد الكاس من فمو وغزرلها مضيق عينيه ....*صقر: مازال ماعرفت؟!؟ ً....*نادية: مازال !!!!........*صقر: مممم ...وغزرلها قاعدة مع آدم بالشكل ذاك تنرفز علاخر ....يوسف يغزر لحياة ومميل راسو دوب صحاها جرا ليها شدها من رجلها وهز يد آدم في يدو .......غزرتلو .....*حياة: يوسف عزييزي وهبطت تبوس فيه وتضحك ...آدم نزل زادا وباسو ...*آدم: مممم هاك لابس كوستيم في بالي نتا العريس يايوسف ....*يوسف؛ هههڨه.....*آدم: اما وينها العرووس؟!.....بقى يغزر للصالة لمح زوج بنات صغار ....*يوسف: اذيكا الشقرا ....تلفت آدم غزر بنت صغيرة ترششق بالضحك .....*حياة: تعلم فيه من توا عيب عليك ....*آدم: هههههههه مالا تحب الشقراوات اما علاش ماحبيتش الثانية .....*يوسف: خاطر شعرها مجعد مانحبوش ...حياة عضت شفتها ...وآدم غزرلها بجدية ضام شفايفو بالسيف اما نجمش مال بجهة وتطرطق شايخ عليها بالضحك .......*آدم: اووه ياأمي مانجمتش ..عوجت فمها ونفخت خدودها مغششة تغزرلو بجدية ونازلة على لرض برجلها رايحة جاية .....*آدم: تقووولش برك تغششت ...غزرتلو عاقدة حواجبها ....*آدم: يااااعمري على اكا الخدود فشهم ڨشرودة نضحكو رانا قربلها وهمسلها بصوت جدي ....*آدم: طالعة ...طالعة ..طالعة ....مومياااااااااء وترشق مرة اخرى ..حلت فمهها خدعها ... بدات تضرب فيه لين هرب .......*ميس: شبيكم شلقتو الناس عليكم ....*حياة: اوووف خوك باش ياااكلني .....صقر واقف على اعصابو باقيلو ظفر عقل باش مايمشيش يعمل جريمة في خوه ......غمض عينو وبعد نظرو وهز كاس يشرب .....غزر للساعة 7:30 .... *صقر: رامي ماجاش ...دوب سمعت اسمو تلبكت وبدات تفرك في صباعها .....هز التلفون ويطلب فيه اما شي مايردش...طلع حواجبو ورجعو لجيبو .....جا كاتب العدل وقعو وبالشهود لي هوما وليد ورفيقة زينب ....مدلهم العقد حطو موسيقى وقامو يشطحو ليكوبل مع بعض......نادية مشات لطابلة حياة وآدم لي لحقت فيها جميلة زادا ولحقهم صقر واستوات العايلة في طابلة وحدة ً..حياة منزلة حواجبها تغزر للعرايس يشطحو تحاول تبعد نظرها على صقر لي حستو مرة على مرة يغزرلها .........جميلة تغزر للصالة ..صالة نادرة وفينو عجبتها برشا ....*جميلة: صقر ولدي شرايك تعمل خطبتك بنادية هوني الصالة باهية عجبتني برشا

.....

حياة حسبتها غلطت ضحكت .....*حياة: متاعش خطبة تحكي عليها خالتي .....*جميلة: مافيبالكش !؟ خطبة اختك بولدي صقر الخميس هذا .......قلبها خض فرد خضة ....غزرت لنادية مازالت مش مصدقة ....*نادية: نسسيت نقولك حياة سامحني ..باش نعرسو وباش يكون افضل شي ليوسف ولد اختي ولينا زادا انا وصقر وتبسمت تبسيمة صفرا تحاول تخبي وجيعتها ... .....حياة بدنها تحس فيه يحرق صدرها ضياق وبدا يطلع ويهبط ڨلبها تقول رمح ودزوه وسطو ..غزرت لصقر تحبو ينفي الشي لي سمعتو وذنها واستوعبو مخها وكوى ڤلبها وشواه...شفايفها مفتوحين تستنى فيه شنية يحكي عمرها ماإستنات شي في حياتها قد ماإستنات توا شفايفو تتحرك ويعكس الكلام تحبو يقولها مقلب تحبو يقولها كلنا ضحكنا عليك يابهلولة ماتصدقش كلشي استغبات روحها لأبعد حد عينيها لي بداو يتحجرو بالدموع ومانعة الدموع تنزل واخيرا تحركت شفايفو وتكلم مبعد نظرو عليها وتلفت لأمو ........*صقر: نشوف جميلة منعرش .....في اللحظة اذيكا حياة صارت موت ..الدنيا وقفت ڨلبها تحس فيه باش يوقف ..اوجاع الدنيا كلها تقول تلمتلها في ڨلبها فرد مرة نفسها ضياق قاعدة طلع في الهوى بالسيف كلشي صار يوجع فيها ....اصوات الصالة غابت على وذنها كلام صقر صار صدى يتعاود في مخها قبل وذنها مابقات كان جملتو دور في راسها غزرلها وياريت ماغزرلها عدسات عينو لعبو وهو يغزر لحالتها قطرة الدم مابقات في وجهها ..نظرة اللوم ذبحاتو وهو مدقق معاها...يقولو الي دايما العقل هو الصح والڨلب ديما جرتو غالط اما في بعض الأحيان يمكن العكس يمكن يكون قرار قاسي يدمر برشا ناس برشا قلوب ويخرڤ ارواح حتى وغلط الڤلب يمكن تكون اضرارو طفيفة تخليك تتعلم باش توقف مرة اخرى على رجليك اما العقل وقت يقرر باش تكون اضرارو كبيرة برشا ياطلع عبد لسابع سما ياتنزلو لسابع ارض وتسكر عليه مافماش وسط عند العقل وهذا الشي لي صار مع حياة لحظتها حست روحها وقعت في بير ..بير عمقو في سابع ارض وسكر عليها صقر ماخلالهاش ضو ولا هوى تعيش بيه ..لحظتها خذى روحها ..مش عارف قداش قهرها قهرتها وكان تلمها كلها وتوزعها على الكرة الأرضية يبقى منها حتى كي رفض حبها ماحستش بالوجيعة هاذي وجيعة عرسو من اختها ...غزرتلو اندرى كيف نظرة روهجاتو نظرة مغطية بطبقة زجاجية من الدموع  #عيوني_تدمع_كل_يوم_بسبابك_ما_دقت_النوم علاش تلوم قلبي لي هواك اوبغاك بجنون او #غادي_تندم_عليا_بزاف_اوغيفوت_الفوت لارجوع وخا تتأسف قلبي غيموت  #حرام_عليك_عذابك_خلاني_ننسى_الماضي اونبدا من جديد ذكريات مشات من بالي او اليوم غادي نروح لبعيد  #همومي_مازال تدوم او ضنوني مازال تقول غادي ترجاع او ماينفع لاندمة ولاكذوب وخا تدمع اوتعيا تبكي حس بنار #غير_خليني من حياتي غير مشي دوق من مرار