أحببت أخت زوجتي الجزء الثاني 2

87

الحلقة87:
لحقت 7:30..الصالة تملات من ظيوف صقر ونادية زادا لي تعرفت عليهم في الشركة منهم الين لي بهتت من الموضوع في لول اما تقبلاتوو في ساع وتشارلي زادا عايلة صقر حضرو رواحهم ومشاو للصالة حتى لجين جات بعدما قنعت امها ب66 كشفة ...........حياة في غرفتها بعدما حطت لمساتها الأخيرة على روحها لبست فاست كوار فوق روبها النوار ونزلت البيت فارغ ....قنعتهم يمشو وهي باش تلحقهم بعدما ماتكمل تحضير روحها خاطر كانت في الجامعة والي باش تاخذ طاكسي عادي .............................صقر ونادية وصلو الصالة بيناتهم يوسف يديه في يديهم ويضحك ....دوب دخلو بدى التصفيق والتصفار فرحانين بيهم ...لجين تصفق وتلوج على حياة نفخت وتطلب فيها ...........خذات طاكسي وماشية لنفس الصالة دقايق تعدات وهي وصلت ومع طوموبيل رامي بالوقت لي عرضو صقر بالطبيعة ......نزلو في نفس الوقت ....تثبت للصالة نفسها متاع عرس زينب لي كانت منها بداية اوجاعها كأنو إختارها بلعاني باش يزعجها ...قدمت بنفس خطوات رامي لين تلاقو غزرلها تبسم ......*رامي: حياة....غزرتلو ....*حياة: رامي لاباس ؟!....*رامي: لا شكيرة....ضحكت ضحكة باهتة كل حاجة سابقة كانت تضحكها رجعتلها باهتة توا ....*حياة: سامحني .....*رامي: عادي نفذلك شنية حوالك ..*حياة: لاباس وانت....*رامي: الحمد الله ......يسالو في بعض ومافيبالهمش الي عايشين نفس الوضع نفس الوجيعة نفس القهرة ونفس الأحاسيس القاتلة .......تلفتت قدامها رسمت ملامحها الباردة والجدية في نفس الوقت ودخلت مابقاش اوان توا للضعف والدموع والوجيعة ..الدنيا مش صقر ومش باش تموت بلابيه ومافماش إنسان يموت بسبة إنسان قانون حطتو في مخها من اسبوع وباش تطبقو ..نحات الفاست وخلطت هي وياه
.......

دخلت بمشيتها الراكزة بالطالون وكل ضربة بطالونها على لرض كانت تدعس بيها على ڨلبها. ملامحها باردة مادل على شي لاوجيعة ولا فرحة وقفت في الباب متاع داخل تثبت رامي حدها حاط يديه في جيابو ..عينيه طول جات في صقر لي قاعد يحكي مع آدم زاح نظرو شويا وشافها بكامل اناقتها تتبسم وتحكي مع امو لصقر ...بقى يغزرلها ثواني من بعد قدم ......*رامي: باش نهنيهم .....*حياة: براحتك وهي قدمت زادا معاه لين لحقو عنهم ....و8 عيون جات في بعض......صقر غزرلها من تحت للفوق وهي حضنت اختها نادية لي عينيها محلولين في رامي ونفسها يطلع ويهبط .......*حياة: مبروك اختي....*نادية: ي..سلمك وجبدت عليها غزرت لصقر تبسمتلو عادي وقدمتلو حضنتو خلاتو يتكبس بكلو ماتوقعهاش جملة تعملها ..قربت لوذنو وحكات بصوت خافت .....*حياة: مبروك للمرة الثانية من اختي صقر شامي وباست خدودو ..ضحكت ضحكة تبهليل واستدارت تمشي خلاتو كي المشلول تبع تفاصيلها من ورا كي دارت مسح وجهو بعصب خذات كاس من الناذل باش تشرب .....كاس عصير اكيد ...خلطت عليها لجين وصاحت فجعتها ......*لجين: وأخييييرا جيييت اوووه ياسلام ياسلام على الزين هذا والله طالعة تقتلي طولت عليا ....*حياة: هاك جيت ........رامي سلم على عماد زادا وتعانقو وسلم على نادية من لبعاد كهو ....*رامي: مبروك ....*نادية: ي.سل.مك....وعضت شفتها بالقاوي ...*نادية: توا نجي ....*صقر: وين ......*نادية: للحمام كهو ......ومشات تزرب هاربة من نظرات رامي لي باش تقتلها ليوم ..دخلت الحمام دموعها طول نزلو ماتحبش صقر ماتحبش تعرس بيه ماتحبش ترتبط فيه متمنية وكان استنات نهار كهو نهار باش تترمى في حضن رامي حتى مين كان اناني معاهها ماحسبتهاش توا وهي تشوف فيه توا تحبو وماتنجمش تعيش بلا بيه مش عارفة كيف باش تكمل حياتها مع صقر ..الفكرة حرڨتلها ڨلبها .................حياة حكمت طابلة وقعدت مع لجين وتتفرج على الحضور سارحة عكسو لصقر لي نظرو كلو عليه يغزر للبسها لملامحها لشعرها لبدنها لسيقانها من وقت رفضها وهي تبدلت في مظهرهاالكل معولة تخرجو على عقلو ..بالرغم الي يحب التغيير والإختلاف اما شعرها المجعد يموت فيه اول مرة يحب حاجة ومايحبهاش تتبدل ..تفكيرو فيها خلاه يفد مايحبش يفكر فيها مسح علىى شعرو وهز كاس نبيذ شربو دفعة وحدة ..*آدم: بالعقل شبيك .....*مصطفى: آدم إيجا شوي .....*آدم: باهي خلى صقر ومشى مع صاحبو لي عرضو ......*مصطفى: حبيت نسالك على اكا البنت شكونها ...*آدم: انو وحدة؟....*مصطفى: لي لابسة الروب النوار بالشعر المجعد ...قحرلو ....*آدم: غير إنسى اذيكا تابعتنا ومن العايلة رد بالك تغلط مصطفى نحسب روحي منعرفكش .....*مصطفى: افففف شبيك لصقت فيا رقصة كهو ...ومشى ماخلاهش يرد لين قص عليها هي ولجين تحكي .....*مصطفى: سلام.....*حياة: سلام.....*لجين: تعرفو حياة؟؟.....*حياة: هأه.....*مصطفى: ممم حياة ..اسمك حلو تقبل تشطح معايا شوي؟؟؟!!! ..كانت باش ترفض من بعد قبلت باش تغزل صقر ...قامت ححكمت يدو تبسم بحماس مشاو لوسط الصالة الضو تسلط عليهم خاطر كانو اول ثنائي يقومو .......صقر ضيق عينيه وحواجبو تعقدو يتنفس في النار دوب شافهم ....*نادية: شكونو هاذ لي قاعدة تشطح معاه حياة .....*آدم: صاحبي ...غزرلو صقر وقحرلو قحرة موت ........حط يدو على حزامها ويدو الثانية في يدها وبداو يشطحو ..ثواني وقام الكل يشطح اما انظار الصقر ماغابتش الكل عليها ........*مصطفى: محلاك تعرف .....*حياة: عيشك ....*مصطفى: مادام عرفت اسمك باش نقولك اسمي ..انا مصطفى ...*حياة: متشرفين....نزل يدو شويا لدريارها تكبست حست بيه وين حاب يوصل ....حط يدها الثانية على كتفو وهبط يدو الثانية عند يدو لولا مع دريارها وجبدها اكثر عندو .......تنرفزت جات تجبد وتلمح صقر جايهم طول . حضنتو من رقبتو وكبست عليه تحب تهبلو وتخرجو على عقلو تحرڤلو ڨلبو كيفما حرڨلها ڨلبها