أحببت أخت زوجتي الجزء الثاني 2

53

..

وصلت عندو تخزر لمنظرو بالدبش العادي مش الرسمي متبدل 180 درجة من مدة ماشافتوش هاك تبسمت وحضنتو ..*حياة: صباااح نوووور ..عيشك على لكسبوزي.......جبدت عليه تخزرلو وتتبسم .....*صقر: عندك خمس دقايق تطلع تبدل دبشك وترجع .....*حياة: اا.ه علاش وخزرت لروحها ؟!!؟؟؟......خزر لساعتو ......*صقر: قريب تتعدى دقيقة .....تثبت معاه باز يمزح والي هذا مش عد تنازلي بعدت الفكرة من راسها وحكات ...*حياة: شبيني انااااا ..؟؟!؟؟؟؟؟ علاش نبدل ؟؟؟؟؟؟...حط يدو على كرشها العارية قرصها ....*حياة: اااي علاش هاكا .!!؟؟ ....*صقر: الدقيقة الثانية توا .....خرجت عينيها فيه هذا من نيتو يحسب في الوقت .... *صقر: اتحررررك!!!!!!! قفزت ورجعت على طريقها مزروبة وتنفخ ....*حياة: إذا وقعت مرة اخرى بسبتك مش باش نسامحك تفهم وكنفرت خدودها من الغش ....وصلت لغرفتها تزرب نحاتهم رماتهم بالقاوي ولبست مريول نوار سروال دجين بلو وفاست دجين بلو وسبادريها النوار زادا وهبطت مزروبة تخزر للوقت لقاتو تعدى برشا نفخت ...دوب وصلت تحت درج جاتها فكرة تبسمت بخبث ..(اختفت البرائة 😂😂😂😂) ......قعدت في لرض ....*حياة: ايي توجع رجلي اييي ههههه ...مسكت ضحكتها وكملت تندب استبطاها رجع دخل .......حاطة يدها على خدها ومعوجة شفايفها مجاش بح صوتها وهي تمثل شاتقول وهو لاخلط .......دخل بهدوء بطبيعتو حسو مايتسمعش مشى جهة غرفتها لقاها قاعدة تحت الدرج مدورة ظهرها استغرب .. .....*صقر: حياة!!!!!!!!!!!!!! ....على صوتو تكبست وبلعت ريقها ....حكمت رجلها قدامها وتلفتتلوو بملامح الملاك 😂😂😂😂.......*صقر: شبيك؟!؟!!!! وقربلها ......*حياة: وقعت ......*صقر: واش مشكلتك مع الدرج ونزل على ركبتو ....*حياة: انت قتلي نزرب كيف هاذيك المرة ......خزر لرجليها ....*صقر: وعلاش ماقمتش؟! موجوعة!!!؟؟ ......تلبكت ...*حياة: اااه......رفدها وراجع لغرفتها .....توترت وقت تفكرت البروف ولكسبوزي .....*حياة: وييين ماشي لازم نمشي الجامعة !!......خزرلها.....*صقر: كيف باش تمشي وانت موجوعة؟!!!! .......*حياة: مش موج.وعة .عقد حواجبو يغزرلها قاتلو موجوعة وبعدها لا وقاعدة في لرض عرفها تمثيل وكذب ....*صقر: وعلاش كنت قاعدة في لرض؟!!!! دخلها في حيط مالقات ماتقول عضت شفتها ........حطها على لرض .....حطت يديها وراها كي لي عمل حاجة كبيرة وقاعد يتحاسب .....*صقر: شنية قتلك على الكذب حياة !؟!! ....على جملتو صفارت وبلعت ريقها ...ياما خذات كفوف من ورا جملتو هاذي......قربلها وجهو ترعبت ورجعت ورا .....*صقر: تكلم!!!!!......*حياة: ا..نت قتلي .از.رب ..تعداو خمس د.قا.يق و خ.فت ......بعد كلامها برد هز يدو باش يحطها على ذقنونتها قفزت في بلاصتها .....بقى يخزرلها داهش يعني للدرجة ذي مخوفها منو ....حط يدو على ذقنونتها وطلعلها راسها ......*صقر: ماتخافش مني حياة....بقات تخزرلو .....*صقر: باهي؟!! ....عملتلو براسها إيه .....تبسم حط يديه على خدودها وقربلها باس جبينها وحضنها بالقاوي غمضت عينيها توا عاد ارتاحت حضنتو تتبسم ...جبد عليها وقرصها من خدها ...*صقر: ڨشرودة وزيد تكذب ....ضمت شفايفها تبسم .....*صقر: سامحتك المرة هاذي حاجة كبيرة ماتكذبش فيها حياة باهي؟!! وحط يدو على خدها.....*حياة: باهي ......تبسم حكم يدها وهبط بيها
🙏🙏🙏🙏🙏🙏🙏🙏🙏

نادية وصلت الشركة تعدات طول لبيرو إلين دقت ودخلت لقات إلين عاد كى تركح في بيروها .....*نادية: صباح نور.....وقعدت ....*إيلين: وبيك نادية مبكرة عليا ههه ....*نادية: باش نحكي معاك في موضوع مانجمتش نستنى .....*إيلين: باهي قول ....*نادية: نحب نيميرو متاع الفرقة لي عملنا اجتماع معاهم مالك نظن اسمو للراجل .........*إيلين: مستغربة ..فرقة فرنسا ؟!!!علاش!؟؟؟ ....نادية ماتقولش رفضت عرضنا؟!!؟وباش ت.....قصت عليها ...*نادية: لا اتهنى العرض وافقت عليه ومش متحمسة برشا خاطر متوقعة الرفض من الطرف الثاني .*الين: اما طرف تقصد رامي؟!! .....قتلك الي انا باش نحكي معاه اتهنى .....*نادية: مهم تنجم تمدلي نمروه لمالك .....*الين: ارقام شركائنا مش عندي تلقاهم عند كمال لفوق اطلع عندو ......*نادية: باهي عيشك باش نمشي لخدمتي توا ......وطلعت في مخها الف فكرة وفكرة ....طلعت لفوق خذات النيميرو متاع مالك من كمال مدير العلاقات العامة ورجعت نزلت ..مشات لبيروها قعدت وراه وتخمم جا لبالها طول رائد شمسي وكلامو اذاكا نهار وقت سالها إذا عاجبها الشغل والخدمة في الشركة هاذي ورامي خذى منها الكارت متاعو تنهدت ماعندها حل غيرو... اصلا انسان مش كيفما يحكو عليه تلاقاتو برشا مرات وماشافت منو كان الخير عكس ولدو لي ماشافت منو غير الشر لحد لآن ومتحكم فيها وذلها وهانها بابشع كلام .......................حياة دخلت لونفي بعدما وصلها صقر قاعدة مع لجين وباقي الطلبة ويستنو في البروف .......*لجين: حضرت لكسبوزي ...*حياة: إيه حضرتو منعرش علاش طلب نمدوه في المحاضرة بفففف بروف يعيي ....*لجين: منعرش حتى انا استغربت ...ماعليه مهم نعملو لي علينا ....*حياة: باش نمشي الحمام توا نجي دبشي قدامك !!....*لجين: باهي ماطولش ....طلعت من لونفي ومشات........ً............صقر وصل لبيت اهلو وحدو اكيد يوم خاص بالنسبة ليه خالي من كل خدمة باش يريح راسو بشوفة امو اكيد شكون غيرها ماهو يخلط للبيت في خاطرها وفي خاطر خواتاتو كهو وآدم ينجم يشوفو كل وقت .....دق الباب حلت عليه فاطمة الخدامة من وقت صغير وهي عندهم ......دوب شافتو فرحت علاخر رحبت بيه وهو تكفى يتبسم تبسيمة خفيفة وتعدى داخل يثبت في البيت الشي لي متأكد منو انو اسماعيل مش في البيت ...مشى طول للصالون ....مثبت معاها عينيها في التلفزيون عاقدة فمها وتبدل في القنوات ....تبسم ....مشى قعد طول حدها تلفتت فيه دوب وصل عندها تبسمت تبسيمة عريضة فرحانة بشوفتو.....حضنها وحطلها راسها على صدرو ...حضنتو عينيها مغزلين بالدموع ....*جميلة: علاش غايب ابني هاكا عليا كل المدة هاذي .نهون عليك وانا مقلقة عليك .....*صقر: هاني لاباس ست جميلة ...ضربتو ...*جميلة: امك راني ....تبسم وباس جبينها ......*جميلة: وينو يوسف علاش ماجبتوش؟!! ....*صقر: يقرى راهو يما ...*جميلة: ااا نسيت اولدي ...مش يبكي على حياة ونادية وقت كان هنا ديما يجو يشوفوه .....*صقر: معايا راهم عايشين .....*جميلة: وووه !!!؟ كيفاش عايشين معاك هاذي؟؟! ....*صقر: في خاطر يوسف كهو باش مايظلوش ماشيين جايين والقصر كبير يوسع .....ً.....*جميلة: ابني ماش وكان تزوجت خيرلك وليوسف زادا عيش ابني ماترفضش مازالك صغير ونحب نشوفك فرحان باش يريح ڨلبي ......*صقر: وشكون قالك رافض .....حلت عينيها فيه باهتة في بالها باش يعصب ويرفض خاطر تعرف قداش كان يحب ياسمين لدرجة تعادى هو وبوه في خاطرها .....*جميلة: ماتكون تزوجت يالمقصوف في غيابي تعملها انت ؟؟؟...ضحك ....*صقر: مش للدرجة هاذي .....تنهدت مرتاحة مازالت حايرة من حالو ....*جميلة: ووينتا نفرح بيك ....*صقر: يتبسم...لحقت تحب تفرح بيا ......*جميلة:هيه نحب نتعرف على كنتي وإن شاء تاخو وحدة عاقلة ورزينة واعية وفاهمة تناسبك وتناسبها ولازم تكون طيبة وبنت ناس باش يبغيها يوسف ولدي ....*صقر: إن شاء الله.