أحببت أخت زوجتي الجزء الثاني 2

49

متكي على السرير راسو باش يترشق وحلقو مبلع خزر للفطور حدو شهيتو مقطوعة ......قص عليه التلفون لقاها إيلين تنهد ورد.....*رامي: نعم إليين ...*إيلين: ممم صوتك مخنوق كيف صرت توا؟!!..*رامي: لاباس شفما؟؟.....*إيلين: كيما تعرف ليوم 18 شهر مداخيل الموظفين لكل لازم تسنييها باش تمشي لصحابها....حل عينيه يدقق مع واش تقول جات في بالو نادية .سكت شوي وعاد حكى ...*رامي: ابعثهم مع نادية إيلين مانجمش نجي ......*إيلين: باهي ...سكر وتبسم وهو يخمم فيها وقت تكون عندو في بيتو اما مش عارف إذا باش تجي ولا لا كبس على راسو وخذى حبة كاشي بالاك يخف الوجع شويا مشات لنادية دزت الباب ودخلت ....*إيلين: اهلا نادية ...*نادية: اهلا .ً......*إيلين: عيشك خوذ الدوسيات متاع الحسابات وامشي للعنوان هذا عند سي رامي باش يوقعهم خاطر ليوم 18 وماينجمش يجي حلت فمها ....*نادية: شنية!؟علاش انا خلي سناء تاخذهم ......*إيلين: براحتك قولها مهم يتوقعو ليوم يالله باي وطلعت وخللتها. .....تنفخ وتخمم ....*نادية: هذا لي بقى نمشي لبيتو ........لمتهم الكل برشا وطالعة ماشية لسناء لقاتها تضبط في شعرها مع المرايا قربتلها ومن بعد وقفت تخمم الي هو مريض يعني شباش يصير وكان تاخذهم هي علاش حتى سناء تروح دقايق وهي تحكي بينها وبين مخها تروح ولا ماتروحش لين إقتانعت وعادت رجعت على طريقها مشات لبيروها خذات صاكوشتها وطلعت من الشركة ماشية لبيتو ............................صقر وصل للجامعة بحياة جات تنزل ...*صقر: حياة ...غزرتلو ......هز دزة فلوس مدهالها ....غزرتلها عوجت فمها وغزرتلو ......*حياة: نحبش ميرسي .....*صقر: شد قتلك!!!¡!!! .....نفخت وشدتهم .....*حياة: وهاني شديتهم اما آخر مرة مانحبش كل مرة ناخذ منك ...تبسم قرب باسها من خدودها ومسح على شعرها ......*صقر: دير بالك على روحك ....بقات تغزرلو ببهتة .....*حياة: ب.ا.هي وجات نازلة من بعد تلفتتلو قربتلو باستو على خدو بوسة مرصوصة ونزلت بقى يتبع فيها لين دخلت ومشى ...........*حياة: افففف شبيه يتحول كل مرة دوخني....زربت للتيدي دقت ودخلت خزرت للأستاذ حسبت روحها غلطت خاطر مش نفسو تلفتت للطلاب نفسهم ڨروبها .........*حياة: اا..سلام .......غزر فيها من تحت للفوق ...*وليد: تفضل مادموزال ..!!!..دخلت ومشات قعدت حد لجين. ....*حياة: تهمس شكونو هاذ؟؟؟؟؟........*لجين: البروف الجديد ....*حياة: كيف يعني بدلوهنا في نص العام ....*لجين: اسكت خير من اكا الشايب شوفو قداش يفتق ....*حياة: بفففف هذا لي يهمك ستانست على طريقة لول .....*وليد: مادموزال لي في التالي اطلع برا .....*لجين: ا.نا؟!؟....*وليد: لا مولات ستيل الروك الراقي ..صاحبة السروال المشقوق ..ضحكو .......روطار وكلام زايد كمل حكاياتك برا ...على كلمة سروال المشقوق والراقي قحرتلو حستو يتمسخر شبي الكل عندو مشكل مع لبسها صقر وكمل عليها هذا ....الفوار طلعلها من وذنيها الكلام لي ماقالتوش لصقر فشاتو في الأستاذ......*حياة: اسمي حياة وماعادش تناديني اكاكا مفهوم؟! لبسي وانا حرة فيه مشقوق ولا مخيط ..نعري ولانستر مافماش لي عندو دخل في شنية نلبس وشنية لا خصوصي إذا كان استاذ جديد ومبتدأ بحالك واااضح ؟!؟؟؟!!!!! ......لجين تحل فمها باب متاع زوج جهات وڨروبها قعدو باهتين ومصدومين ......اما الأستاذ بقى يغزرلها منزل حواجبو اول مرة في التاريخ يتوجهلو كلام هاكا خبرة 10 سنين ردتها في الصفر تكلم معاها ببرود .....*وليد: إيجا هوني .....هزت صاكها ومشات عندو مكتفة يديها .*حياة: اتفضل!!........*وليد: اسمك الكامل؟!!؟......*حياة: حياة إبليڨجي ......وترشق الكل بالضحك ......كان باش يكتب مع كلمة ثانية قحرلها ......*وليد: اطلع برا؟!؟......*حياة: نعم!!.....*وليد: اططلع برااااااا؟؟!؟!!! تهزت وتنفضت ومشات طالعة والصمت طغى على الكلاس..

..................................

نادية وصلت لبيت رامي خطوة قدام وعشرة ورا تنفخ .......*نادية: اففف شجابني انا هنا ياربي باز هبلت ... شدخلني انا وكان خليت سناء تجي ...واقفة عند الباب لين تفتح قدامها ....*نادية: اا مس.اء النور تخزرلها مرا شويا كبيرة الظاهر البون ...*مساء نور تفضل انسة...*نادية: سي رامي هوني ...*إيه اتفضل قاعد يستناك ....*نادية: عيشك ...دخلت تخزر لبيتو وصلت للصالون ....*عفوا مادموزال السي رامي مريض قال نبعثك لغرفتو ......تلبكت ...*نادية: اا مريض برشا !؟؟؟ماجا حد عندو!؟؟....*لا حتى حد اتفضل لعندو باش نطلع انا عندي شغل برا .....*نادية: ااه باهي ....*غرفتو لفوق على اليسار عالسلامة.....*نادية: عيشك .......مشات طلعت من البيت وهي قامت طلعت مع الدرج تثبت وصلت لكوروال فيه زوج غرف دقت في وحدة منهم مافماش رد ...دزت الباب بالشويا لقات غرفة فارغة ..رجعت طلعت ومشات للغرفة الثانية .....دقت زادا مافماش رد ..دزت الباب ودخلت قدمت شويا باش تبانلها الغرفة لين شافتو ...حلت عينيها فيه وبلعت ريقها وقت شافتو نايم وبلاش مريول ...وجهو صفر هو اصلا صفر وزاد...بقات تخزرلو من بعيد ماعرفتش شتعمل .....*نادية: ميس....وسكتت عضت شفتها متوترة وقربت شويا ...*نادية: ميسيو رامي!!!!......تثبت مع الفطور متاعو الظاهر ماكلاش ...هزت مغرف وبدات تقرقب في السني وشي ماقامش ......نفخت ......*نادية: ميييسيو راااامي!!!؟ ......وماردش خافت عليه مخها بدى يطلع ويهبط في الأفكار الخايبة بالاك زاد عليه المرض قربت وجهها لوجهو برشا تدقق مع نفسو لي ضرب في وجهها ارتاحت ...حطت يدها مترددة على جبينو تتحسس حرارتو ..هي مستو وهو حل عينيه قلبها حستو طاح في كفها وجها حمار باش يترشق جبدت في ساع ...خزرلها ماتوقعهاش تجي في بالو باش تجيه سناء ولا وحدة من بنات الشركة ... وبهت وقت لقاها في الوضع لي كانت فيه....*رامي: نادية؟!......*نادية: اا..كن..ر..في بالي ...ناديتك ومار.ديتش في بالي صارلك شي ....تبسم من تحت لتحت عليها وهي تحكي معاه وتخزر في جهة اخرى خزر لروحه عريان من لفوق عرف علاش داخلة بعض كثر .....*رامي: ڤريب كهو يعني مش لدرجة نموت وضحك.....*نادية: لا اما ق.لت منعر.فش خاطر مارديتش...عيشك ممكن تلبس باش نحكو في الخدمة......قام في بلاصتو زاد لبكها .....*رامي: برشا سخانة مانجمش .هاك قست حرارتي سخون برشا مش هاك طبيبة نادية؟؟...وتبسم بخبث......عرفتو يحشم فيها خاطر مستو ...تنهدت وحكات ... .*نادية:ممكن نرجعو للخدمة من فضلك هي الأهم توا من المواضيع الفارغة وماعنديش برشا وقت ً......تبسيمتو خفافت وحاجبو طلع يغزرلها بحدة ً...يحاول يفتح بابها اما سكراتو قبل مايعمل شي .ً.....*رامي: عطيني الوراق!!! ....هزت صاكها وجبدت الدوسيات مدتهمله.....*نادية: هاذو هوما تنجم تسنيي باش نرجع لخدمتي...حكم الدوسيات جا باش يسنييهم من بعد تراجع يثبت معاهم ويقلب فيهم ثبت الوراق في بعض وشقهم على ربعة ً...حلت فمها .....*نادية: ش..شاعملت؟؟!!!!!!!!!!!!!!!!!.....*رامي: مانسنييش على النسخ جيبلي الأصلي مادموزال نادية ....ورماهم قدامها في لرض نصهم لحقو عند وجهها ....كبست على يديها من العصب ....*نادية: شنية هذا قانون جديد وقتاش بديت تسنيي على الأصليين ماش هاذوك يبقاو عندنا في الأرشيف!!؟ ......*رامي: إذا ماتعرفش تخدم علاش تدخل لخدمة ماتعرفلهاش ......بقات مصدومة في التحول لي صرا من دقايق ...حاولت تبرد اعصابها قد لي تنجم.... .*نادية: في بالي قدمت استيقالتي وعلى ماأظن نتا لي كبشت وضحكت بإستهزاء على جنب .ً..ً.....*رامي: مش انا لي كبشت دوسيك كبش الطلعة ماش كي الدخلة وكنت تنجم تدفع الفلوس وتطلع بسهولة .....وجها حمار من الغش قاعد يستفز فيها عارفها ماتنجم تدفع المبلغ لي في الدوسي .....

....................