أحببت أخت زوجتي الجزء الثاني 2

76

الحلقة76: ....هزت كتافها ..*حياة: هاكا ...دخلت إيلين بالوقت تبسمت دوب شافت نادية فايقة قربتلهم ...*إيلين: ممم فاقت القطوسة الكبيرة .....*نادية: ههه اهلا إيلين لاباس؟!....*إيلين: انا نسال ولا انت مممم فما خرائط فوجههك ....*نادية: والله!!!!؟! وبدات تتلمس .....*إيلين: هههه نفذلك يابنتي زوج جروح صغار كهو في خشمك وخدك واكيد الضربة الكبيرة لي ورا راسك ساتحس فروحك توا؟؟؟...*نادية: جعاااانة .....*إيلين: ههههههه يابنتي وانا ساليتك على كرشك .....*نادية : ههه لاباس ....*إيلين: إيه وواضح هاهي شهيتك مفتوحة تبارك الله .....*نادية: هههه والله ......*إيلين: وانت عزيزتي حياة لباس!!!!!؟؟.........*حياة: لاباس عيشك إيلين ....باش نجيبلك تاكل توا شي ...*نادية: باهي ......طلعت تجري دزت فيه في الباب لين تلخلخت....شدها من كتافها ....*صقر: رد بالك شبيك....*حياة: شي وتعدات باش تطلع من الكلينيك ....طلع حاجب وهبط حاجب وشدها .....*صقر: وين ماشية؟؟؟؟؟؟!....*حياة: برا......*صقر: وين برا؟؟...*صقر: افففف برا الكلينيك باش نجيب ماكلة غير متاع الكلينيك مش مليحة ..وانت علاش تسال وقحرتلو ....تنرفز من نبرتها ....*صقر: معاك فلوس؟!؟؟....حمارت وحكت شعرها نسات جملة ومن خوفها نسات ماجابتش من البيت......بدات تلعب بصباعها ...*حياة: نسيت ماجبتش معاايا ......*صقر: وطالعة نورمال هاكا وين راهوو مخك ....نفخت .....*صقر: إيجا..حكم يدها وطلعو مع بعض ..وجهها زاد حمار سرسبت صباعها بالشوي وجبدتهم من وسط يدو وتغزر قدامها ..ً...ضم شفايفو وكبس يدو ..يحاول يتصرف كيما كانو قبل وعلى اساس علاقتهم الطبيعية لولا اما لاقي الصد صحيح صعيبة عليه اما باش يتأقلم هذا واش جا فبالو ..........................*إيلين: لازم نرجع الشركة تعرف ..ورامي مممم من قبيل يعيط وهذا وين شفتو .ً.....دوب سمعت اسمو وهي انقلبت وسكتت .....*إيلين: ممم 7 مكلالمات منعرش يلاعرف بيك ولا لا ..: المهم توا لازم نرجع عزيزتي على سلامتك وجات طالعة .....*إيلين:اااه نادية نسيت ماقتليش كيفاش وقعت بربي!؟؟.....*نادية: زلقت رجلي وانا متعدية ..وزيد كنت لابسة العالي برشا وتاعبة من التدريب على اذاكا .....*إيلين: ممم رد بالك المرة الجاية وجات طالعة تحل الباب قبالها ....*إيلين: اااه رامي جيت بربي سامحني ماسمعتش التلفون ...عينو على نادية طول لي دوب دخل قلبها ضرب وبقات تغزرلو .....*رامي: ماعليه ً...*إيلين: يالله بااي نادية ....*نادية: باي .ً..طلعت وهو سكر الباب وقدملها بقى يغزرها وترها بنظراتو بدات تلعب بصباعها تفكرت الشي لي صار آخر مرة ..قاعدة على اعصابها وبدات تهرب في عينيها ......عض شفتو وهو يغزر لوجها لي صفر وخدها وخشمها مضروبين زادا وراسها ملفوف طول الطريق متوتر وخايف وكان تكون حالتها اسوأ...تنهد كي طلعت لاباس بلاما يخمم نزل وباس خدها ...حلت فمها لشنية عمل كأنو مافما شي ًبيناتهم وجبدت شوي اما كان باسها وجبد ...غزرتلو بقحرة بعينيها .....جاهو الضحك على منظرها وهي مكشرة فيه بعيونها الخضر ....وحتى وهي في حالتها هاذي جاتو مغرية ...حط يدو على خدها...عينيها توسعو وضربتها ....*نادية: برشا هاكا سي رامي خليك بعيد وعلاش جيت اصلا ......حكملها خشمها بصباعو كمشت عينيها خاطر وجعها عض شفتو من فازتها عزت عليه ....حلت عينيها تقحرلو ....*رامي: كيفاش علاش!! باز باش نطمن على عارضتي لي باش تقدملي تصاميمي وغمزها ....عصبت علاخر متمنية شي نهار يعتارف إذا فما شي عندو جيهتها ويتخلى على انانيتو .... حط صبعو على الجرح الصغير لي في خدها ونزل باسو بقات مصدومة كل مرة يفاجئها بأسلوب وكل مرة يقربلها هاكا يشلها ...*رامي: نحب الجرح ذا يشفى ...نفسو يضرب في وجهها وعينيه في عينيها طلع بشفايفو لخشمها وباسو ....*رامي: وهذا زادا لازم يشفى .....دوخها ....غزرتلو منزلة حواجبها تعبت علاخر من تناقضو مرات تحسو يستغل فيها ومرات تحس تعاملو معاها صادق تحب تتخلص من الحرب لي بيناتهم وتكسر الجمود وتكشف المجهول المخبي باش تريح راسها ..غزرتلو منزلة حواجبها ودايخة من وجهو لي فوق وجهها .....*نادية: رام.ي .....قلبو ضرب من إسمو لي طلع من فمها بلا رسميات غزرلها متفاجئ كأنو يستفسر .....*نادية: شاتح.ب مني ؟!؟.....سؤالها دوخو نزل غزر في شفايفها طول لي قدام شفايفو ....
.....

الشي لي ماتعرفوش انو الرجال دايما يحبو يوصلو حبهم بالفعل ولي ماتأمنش بيه البنت خاطرها تستخايلو استغلال في كل الحالات وتأمن بالكلام والرومنسيات والإعترافات قبل كلشي ولي الراجل ابعد كل البعد عليهم ......نزل بشفايفو لشفايفها غمضت عينيها وخذات نفس عالي ..شفايفها تحلو وحدهم ..قربو يطيرها كل مرة ..وكل مرة وحشها يزيد ليه بالرغم في نفس الشركة اما تحب تشوفو كل وقت وكل دقيقة تكذب على روحها كهو وقت تفكر العكس ..غمض عينيه وحط شفايفو على شفايفها يبوس فيها بحنية...يحب يعطيها جواب على سؤالها يحب يوصللها احساسو ومشاعرو بطريقتو .. بدات تأن تحتو صدرها طالع هابط ...شدت شفتو بين شفايفها تبوس فيه حتى هي صدماتو وشيخاتو من مخو في نفس الوقت حل عينيه المثمولين ونزل عليها كثر يبوس فيها بالقاوي هبلاتو وخرجتلو عقلو........ في لحظة فاقت على روحها شنية عملت انصدمت فروحها كيف تجاوبت معاه حلت عينيها ودزتو بالقاوي ...لين توجعت من جنبها جهة بطنها لي مقسح من الوقعة ....*نادية: اااااه .....تفجع عليها ...*رامي: نادية لاباس؟! وشد كتفها خايف عليها ....دورت وجهها للجهة لخرى وتملصت منو ....*نادية: اطلع !!!!!.....*رامي: شنية يوجعك!!؟ خلين...*نادية: اطططلع قتللك ونزلو دموعها بالوقت ..ماتحبش يبوسها ماتحبش يحسسها بضعفها ماتحبش يمس بدنها كل مرة كيفما يعمل ...تحبو يكون صريح يقولها بمشاعرو يعلن حبو ليها وقتها باش تمدلو كلشي باش تعطيه حياتها الكل ....مسح على شعرو بعصب هو عبرلها بطريقتو اما تلقى الرفض كيف كل مرة بالرغم الي تفاعلت معاه اما هذا مايعنيلو والو وقت تختمها بتجريحو ...مشى طالع وتفتح الباب بالوقت دخل صقر وحياة تلبك وهو في قمة غشو ......*صقر: ااه هاك هنا وقتاش جيت وقدم سلم عليه ....*رامي: اهلا إيه اطمنت عليها وماشي توا....بقى يغزرلو مش على بعضو ....*صقر: لاباس؟!؟....*رامي: لاباس مع الشركة تعرف وانت ؟؟.....*صقر: مريڨل كلشي ....*رامي: مليح ..اما شنية تعمل هوني!!؟؟ وغزر لحياة يسلم عليها..*رامي: لاباس حياة!!......*حياة: لاباس عيشك .......*صقر: عايشين معايا بالطبيعة لازم نكون هنا وحط يديه في جيوبو يغزرلو بشك .....*رامي: عايشين معاك؟!؟؟؟! والله!؟ مافي باليش رجعو !!..وتلفت في نادية لي استغلت كلامهم مع بعض قبل ومسحت دموعها ....*صقر: اإيه ...المهم فما موضوع لازم نحكو فيه اما من بعد توا لازم نوصللهم للبيت .....*رامي: باهي وتلفت فيها ....على سلامتك مرة اخرى مادموزال نادية ومشى بعدما ودعهم .....العصب يهز فيه وينفض .....الخبر التالي لي قالو صقر انو عايشة معاه حرڨلو مخو ...من قبل كانت تجيه نورمال اما بعدما تأكد من حبو ليها ..الفكرة جنناتو ..كيفاش عايشة مع صاحبو يعني علاش حتى تتنقل من بيتها لي أجراتو ...نفخ بالقاوي ..وصل للطوموبيل ضربها برجلو تصرفها معاه وزاد عليه صقر بالخبر هذا يعرف صاحبو كي داير اما للغيرة دايما موقع شاسع ........................................*الطبيبة: تنجم تطلع توا نورمال اما لازمك ترتاح في البيت شوي فما شوي ردود في رجلك وجنبك ..معطوبين كهو وراسك لاباس عليه على سلامتك ....*نادية: عيشك ........مشات وخلاتهم ..نادية كلات شبعت وقامت دوب تحركت توجعت من جنبها ورجلها ....*حياة: شصارلك اختي لاباس؟!!...*نادية: لاباس نحب نقوم يزي مابقيت هوني لازم نمشي للبيت فديت ......قربلها صقر شدها من ظهرها ورجليها وهزها ....*نادية: شنية تعمل صقر نجم نمشي .....*صقر: مريضة راك عادي نادية ....*نادية: تعبتك عيشك .....*صقر: يزي تشكر نادية فَهَمتك قبل ..تبسمت مشى خارج من الغرفة ...حياة حطت شعرها ورا وذنها وتغزرلهم .....حبس وتلفت فيها ...*صقر: حيااة امشي ....*حياة: ااا.إيه جاية.....نفضت راسها ومشات وراهم .................................تعداو زوج ايام ونادية في البيت حياة قايمة بيها وتعاون فيها وصارت تنام معاها مرات ..11:00 متاع الليل واقفة في المطبخ خذات دبوزة ما من الفريڨو