أحببت أخت زوجتي الجزء الثاني 2

63

الحلقة 63: تعدى قريب نص النهار نادية في بيرو سي رائد مقابلاتو عاد كي جاتو بقى يدقق معاها تبسم وحكى ......*رائد: كيف حوالك لاباس؟!؟ .......*نادية: لاباس عيشك وانت ...*رائد: الحمد الله باش نحكي معاك في موضوع مهم نادية نتمنى تفهمني ......دققت معاه توترت من كلامو ....*نادية: تفضل سي رائد شفما !!!!!!........*رائد: بخصوص الخدمة لي قتلك عليها تلغات ......عينيها توسعو وهي تخزرلو ...*نادية: اما ع.لا.ش؟!؟؟.....*رائد: كنت حاط إعلان متاعها من قبل وطالب الي يقبلو لي تجي بالمواصفات المطلوبة وجات وحدة وقبلوها بلاما يخبروني كنت باش نطردها اما ظهرتلي بنت زوالية ومحتاجة برشا ونجمتش نرفضها نتمنى تتفهمني نادية ...حطت راسها تاكل في يديها ....*نادية: فهمتك سي رائد ماعليش باش نستأذن منك مالا ......*رائد: استنى نادية ...خزرتلو ...*رائد: انا حكيت معاك من قبل على المبلغ وماتراجعتش ....جبد شاك معبيه ومسنيي حطوهولها قدامها ..ثبتت فيه استغربت وغزرتلو.....*رائد: مش المعنى ماتخدمش عندي مانعملش لي تافقنا عليه ...هاهو ليك المبلغ تنجم تنزل وتاخذو من المحاسب تحت وبالنسبة للرد تنجم تردو في اي وقت تحب لو بغيت الدهر مش باش يكون عندي مشكل نتمنى تقبل في عوض مانجمتش نعاونك بالخدمة ..إعتابرو عون من بوك ولا عمك ......بقات حايرة هزت الشاك تغزرلو 15 مليون كيف ماهي ورجعت غزرتلو ......قامت ...*نادية: ميرسي ..وطلعت بيه في يدها تغزرلو وضايعة حاسة جبل طلع توا على كتافها نزلت للمحاسب باش تاخذ المبلغ يخزرلها يسال فيها وهي سارحة ....استأذنت منو ورجعت طلعت لبيروه دقت ودخلت ......ضيق عينيه وهو يغزرلها قربتلو وحطت الشاك ......*نادية: عيشك على كلشي نجمش نقبلو وانا مش عارفة منين نردو المهم حاولت تعاوني .....*رائد: اما قتل....قصت عليه ....*نادية: امان ماتصرش عليا سي رائد طول المدة لي باش ناخذو مش باش نكون مرتاحة فيها وباش نظل نخمم كيفاش نردو وانا بلا خدمة على اذاكا رجعتو ميرسي ......*رائد: يعني متأكدة!؟؟...*نادية: متأكدة ....*رائد: خاطر طالع من غدوا برا البلاد إذا رجعتي مش باش تلقاني على اذاكا .....*نادية: تتبسم ..سفرة موفقة سي رائد متأكدة من كلامي ......*رائد: يتبسم..ربي يوفقك مالا تستاهل كل خير ....*نادية: عيشك ...وطلعت ..بقى يغزرلها حتى خرجت تبسم ماغلطش ولدو كي حب البنت هاذي بالرغم الي مش من شيمو يعمل الشي لي عملو اما جا ولدو في النص على اذاكا رفضها في خاطرو وحاول على اقل يعمل شي مليح ليه ....هز التلفون وطلبو ...*رائد: ماوافقتش وردت المبلغ ..........رامي يسمع فيه كهو وماردش عليه جملة دوب كمل سكر عليه ورسم تبسيمة خفيفة على شفايفو ........*رامي: ماعندك وين تهرب مني توا .......ً..ً...طلعت من الشركة تخزر من ومن لشيرات الطريق... توا وحلت كثر من السابق كيف باش تدفع لرامي المبلغ وهي توا خلات الخدمة كانت باش تدفعلو وتخدم عند بوه شي 5 شهور تردو الدين وبعدها تستقيل وتطلب فرقة فرنسا للأزياء تسال على عرضهم يمكن مازالو لتوا اما كلشي طاح في الما ..وهي لي قاعدة تقول جاها الخروج من شركة رامي ساهل نفخت بالقاوي نورمالمو توا تمشي للشركة متاع رامي توقع على رد المبلغ اما علاش تروح توا حبست طاكسي ومشات للقصر.....طول نهار في القصر وحدها تدور حتى رامي ماطلبش استغربت منو وفي نفس الوقت خايفة وحايرة شنية باش تعمل باش تردو خلاتها على ربي وخلاص .........حياة خلطت عليها العشية مطمنة شويا تهنات لي ليوم ماتلاقاتش بالبروف جملة يمكن مايخدمش وصلها الشوفار لقات نادية في البيت استغربت بالعادة تخلط وراها ......*حياة: هاك هوني لاباس!!؟....*نادية: لاباس .....*حياة: وين الباقي ؟!؟....*نادية: يوسف في غرفتو وصلو الشوفار وصقر منعرش وين مشى الصباح وماشفتوش .......استغربت ...*حياة: باهي باش نطلع نبدل دبشي ...مشات تحممت ولبست شورت وخلعة وهبطت لحق العشى تعشاو نادية طلعت تنام وحياة قعدت مع يوسف ساهرين........*يوسف: حياة خلينا نلعبو غميضة ......*حياة: غدوا تقرى عزيزي لازم تمشي تنام .....*يوسف: هأااااه نحبش نام مش نعسان نحب نلعب ....نص تركيزها معاه ونص مع صقر ..مش عارفة وين مشى شبيه مارجعش لتوا توسوست ...اصلا مش عارفة علاش تخمم فيه مش اول مرة يغيب ....*يوسف: حيااااااااااااة .....*حياة: اااه شبييك .....*يوسف: نلعبووو .....*حياة: باهي إيجا ياروحي ......بقات تلعب معاه جرى وجراها حتى تعب وتعبها ونعس قريب ال11:00 طلعت نيماتوو في غرفتو وتعدات لغرفتها ظلت دقايق ومن بعد مشات لغرفة صقر قعدت تدور فيها وطلعت النوم هجرها ...هبطت تحت قعدت في الصالون هزت تلفونها حبت تطلبو اما باش يسالها شاتحب شباش تقولو