الحلقة 81: تعدى النهار في ساع صارت العشية .....حياة مع ميس في الفيلا لي حالها مقلوب يحضرو لغدوا لعرس زينب طالعين هابطين يجرو في زينب من بلاصة لبلاصة ويتفرجو على دبشها ..جميلة ماخلات حتى وحدة ماعرضتها واسماعيل زادا مع معارفو .........*ميس: إيجا تنوريك دبشي انا وخلي العروسة حبيب الڨلب يطلب ....*زينب: ااه ياالفرخة .......*ميس: ههههههه..ً..ً..وطلعو خذات حياة لغرفتها وفردت دبشها ....*حياة: ييي يهبل السلسال عيشك ....*ميس: ههه حتى انت عطيتني متاعك وشد هاذي زادا وهاذي ....فردتهم تشوف روب غوج ميني مع الفخاض سيري تقتل عينين حياة ولاو قلوب ....*حياة: تدوخ ميس اما نجمش نقبلههم ....*ميس: نتغشش والله في خاطري كهو والبس الحمرا هاذي غدوا شرايك ؟!!!..*حياة: مممم منعرفش اما عجبتني برشا ...*ميس: إيه مالا وين المشكل البسها ..باش نريڨلك فكلشي تخافش وغدوا عند الحجامة نصبحو وغمزتها ......*حياة: ممم اما انا مليانة عليك باش تجيني مكبوسة .....*ميس: هاكاكا احسن ...حياة علاش ماتبدلش فمودال شعرك باش يطلع يهبل عليك ....*حياة: ستيلي.. على اذاكا ...*ميس: نعرف اما حاول تبدل مرات التغيير يريح النفسية ....غزرت لروحها في المراية ولشعرها تفكرت صقر وقت يقولها ڨشرودة ملامحها عبست غمضت عينيها وتنهدت ماتحبش تفكر فيه اما كل وقت في مخها هزت شعرها وتتلمس فيه خلطت عليهم زينب للغرفة ....*زينب: انزلو تتعشو ...................................صقر قاعد يتعشى مع نادية ويوسف بيناتهم ... *يوسف: وينها حياة !؟....*صقر: عند امك جميلة يوسف ...*يوسف: مش باش تجي!!؟....*نادية: غدوا نمشو لعندها حبيبي ....*يوسف: باهي .......غزرت لصقر لي سارح شوي .....*نادية: صقر ..طلع راسو غزرلها .........*صقر: نعم نادية!!.........*نادية: موافقة ....ضم يديه وحطهم تحت ذقنهم.....*صقر: متأكدة!؟....*نادية: متأكدة .....*يوسف: على شنية موااااافقة!!؟....غزرتلو وضحكت ....*نادية: عليك انت باش تصير ولدي الصغرون وجبداتو عندها حضناتو تبوس فيه .....*يوسف: هههڨڨهڨه........صقر يغزرلهم ويتبسم في ساع مابدات التبسيمة تتلاشى بالشوي يحس في ڨلبو قاعد يعصر عليه ....نفض راسو وطلع حواجبو يبعد في الأفكار السلبية وقام قدم باس يوسف ...وباسها هي من راسها ....*صقر: مبروك علينا....تبسمت تبسيمة خفيفة ....*نادية: مبروك علينا ....*يوسف: مبرووك مبرووك مبروك وبدى يسفق.....*صقر::باش نعملو الخطبة الخميس ذا والخميس لي بعدو العرس .....عينيها تحلو وفمها مالقات ماتقول ..توا استوعبت الي بالحق باش تعرس بصقر مش مصدقة وبالسرعة هاذي..ڤلبها باش يخرج وروحها باش تطلع اما شباش تعمل حتى وتحب رامي هو ماعطالها حتى خيط جيهتو ماعرفتش شعورو جيهتها وليوم كلامو كان واضح كيف الشمس قدامها علاش باش تظل تستنى فيه ...*نادية: والعايلة صقر !؟؟.....*صقر: خليهم عليا ..باش نطلع نام توا ..كان تحتاج شي هاني في غرفتي .....*نادية: باهي ......وومشى ..............................................نهار جديد نادية في طوموبيل رامي بعدما طلعو من الشركة متوجهين للإجتماع متاع ليوم لي قال عليه يامس ملامحها باردة ماتعبر على حتى شي ساكتة وسارحة عكسو هو لي ملامحو بشوشة ومرتاحة .....تغزر للطريق ومش معاها جملة تعدى وقت ...بدات دقق وترمش في عينيها الطريق غريبة وطوالت وبداو يبعدو خارجين على المدينة غزرتلو بإستغراب ......*نادية: وين الإجتماع هذا؟!؟؟؟؟!.!!!!!وإيلين علاش مش باش تحضر !!؟؟؟
......
اصلا ..وإيلين مش باش تحضر....*نادية: علاش؟!!.....حبس الطوموبيل ونزل ...حللها الباب نزلت عينيها محلولين في المكان تخزر على طول الطريق بيت صغير علىى شكل كوخ...علامات الإستفهام فوق راسها كيدايرة هاذي إجتماع في كوخ .......يغزرلها حطت يديها على ذرعتها تثبت ....*رامي: بردت ؟!؟.....*نادية: إيه شوي الجو برد اما شنية نعملو هوني رامي!؟؟!! ......تبسم وقت ناداتلو بإسمو وهي مش واعية مازالت تدقق مع الكوخ .......تبسم في سرو وحكى .....*رامي: الإجتماع اتفضل!!! بقات مبلونطية طاوعاتو ومشات معاه حل الباب ودخل بقات تغزر ثواني ودخلت سكر الباب وقدم لداخل تبعاتو البيت دافي وظريف .....*رامي: شد البس هاذي دفيك ....غزرتلها فاست صوف خفيفة شوي ...حواجبها تعقدو مش عارفتها لمن .....شدتها وتغزرلو ..مشى قعد على الكانابي وتكى....*رامي: متاع امي اعز فيستا على قلبها كانت تحبها برشا ...لبستها وڨلبها مطمن عجبتها كيف قالها متاع امي ومش لشي بنت .......*نادية: علاش جينا هوني باز مش باش تكون غبي للدرجة ذي باش تعمل الإجتماع هوني !!؟......تبسم وقام مشى وقف مقابلها .....*رامي: علاش ماعجبكش المكان ؟؟؟....*نادية: اا..لا مليح اما مش للإجتماع ....*رامي: لشنية مالا؟! وزاد قربلها لين صار وجهو قريب لوجهها تكبست ووجها بدى يتلون ..شكوكها بدات تتأكد الي مافما حتى إجتماع ومخها بدى يهز ويجيب عقدت حواجبها وحكات ....*نادية: مش للإجتماع يعني بيت سكن قديم هذا ....*رامي: مممم ووين المشكل؟؟!.....نفخت ..*نادية: باهي وين الجماعة ؟؟؟!!.......حط يدو في جيوبو ووسع تبسيمتو ....*رامي: مافما حتى جماعة كان إحنا .....شفايفها تحلو بقات باهتة ....*نادية: كيف يعني!؟؟....*رامي: خاطرو إجتماعنا حنا كهو ...........*نادية: شنية!؟؟؟ ....شنية اللعب هذا!! بجدك اجتماع بيناتنا ..شنية لي ممكن يجمعنا خارج الشركة وعلاش ماحكيتوش في الشركة احسن !!؟.......بقى يغزرلها ويتبسم وحط صباعو على شفايفو ....*رامي: في بالك لي من وقت تعرفت عليك تحكي برشا !؟....*نادية: باش نروح ضيعتلي وقتي .....دارت ماشية جهة الباب جبدها من حزامها ردها ظهرها ضرب في صدرو كبس عليها ...ڨلبها ضرب بالقاوي تشوكات من الفازا وفمها تحل .....هبط راسو وعدى شفايفو على رقبتها وباسها ....تبلونطات بدات تتملص منو .....*نادية: سيبنيي ......همسلها بصوت خافت في وذنها ...*رامي: لا ومش باش نسيبك طول العمر ...دورها وكلامو مازال يدور قرب شفايفو لشفايفها وباسها بوسة خفيفة ...حمارت باش تترشق ...هزت يدها وباش تضربو قبل ماتوصلو جبدها من حزامها بالقاوي لين تهزو رجليها وغرس شفايفو في شفايفها يمص فيهم بدات تدز فيه لين فشلها وقريب تدوخ من الإحساس جبد عليها يلهث جات باش تبعد بالسيف وهي تنهج رجع وغرس راسو في رقبتها ....*نادية: ااااه .....يزييييي رامي امااان وغزلو عينيها بالدموع من ضعفها بسبة لي قاعد يعمل فيه ....عض شفتو وحط جبينو على جبينها وزاد عصرها في حضنو ....*رامي: شنية اماان اه ...ونزل لشفايفها خذى بوسة خفيفة دورت وجها بضعف ......*نادية: علاش قاعد تعمل هاكا كل مرة علاش تحب تستغلني ونزلو دموعها .....باس خدودها الملانة دموع وحكم خدودها بيديه دورلها وجهها قابلوه عيونها الخضر ملانين دموع عض شفتو بالقاوي من منظرهم يهبلوه بكل حالاتهم حتى وهي موجوعة وتبكي تتعشق باس جبينها بمعزة وحكى ......*رامي: نعشقك راني ياملاكي ..قطوستي المشاكسة خضرة لعيون وتبسم تبسيمة عريضة وحضنها بالقاوي دخلها في ضلوعو
أنت تقرأ
أحببت أخت زوجتي الجزء الثاني 2
Storie d'amoreرواية منقولة من الكاتبة الشابة الجزائرية: سعاد عامري، و هي رواية ممزوجة بين اللهجتين : الجزائرية و التونسية.
