أحببت أخت زوجتي الجزء الثاني 2

52

عقدت حواجبها ..خزرت للدروج ومشات تلوج ..الدرج الثاني لقات مفتاح ضحكت ....تلفت.. على خريبها .....خزرتلو..*حياة: وهاي لقيتو ..وخرجتلو لسانها ومشات تجري طالعة ..... قام في بلاصتو مسح على وجههو يتبسم وقام........ .....حلت البيرو ودخلت حلت الضو ومشات طول للميكرو قعدت قدامو وحلت الفايس متاعها لقات مساجات من لجين ..باعثالها.. باش تبات تكتب تنهدت ....ً....دخل وراها بهدوء خزرلها كيف تدقق ..حك لحيتو حكمو الفضول علاش فاتحة الفايس توا .....قدملها لين صار وراها ڨد ڨد وبقى يخزر للشاشة إسم بنت في المساجات باعثالها قراية ارتاح ....هبط عند راسها وحكى ....*صقر: توا عاد باش تكتب!! ...قفزت ً وتلفتتلو قابلت وجهو عوجت فمها ....*حياة: فجعتنييي .......*صقر: شنية هذا!!؟.....*حياة: بحث....*صقر: علاش ماكتبتش من قبيل ....*حياة: نسيت ...*صقر؛ مممم ..ماطولش في السهرة ليلتك زينة باس خدها من وراها ومشى ...تبسمت فرحانة بتعاملو تلفتتلو وتحولت تبسيمتها لخبث .....*حياة: صقر!!!...خزرلها .....*حياة: نملي عليك وانت اكتبلي باش نام بكري......هز حاجب لفوق وواحد تحت وكمل طريقو للباب...نزلت حواجبها تثبت معاه...*حياة: اماان صقر امااااان امان باش نعوضهالك بشي ..غزرلها مذبلالو عويناتها .....حك لحيتو ..من بعد مشى جاب كرسي وقعد حدها ...عضت شفتها وتبسمت .....*حياة: عييشك وباستو على خدو ........*صقر: مش باش تتعدى هاكا ....بوزت شفايفها ....*صقر: مدلي وراقي ...عطاتو وراقي وستيلويات ....وبدات تملي عليه من الميكرو وهو يكتبلها ..لين كمل وزادت بحثت في الأنترنت تكات على الطابلة وتملي عليه وتحاول تفهم الفكرة في مخها في نفس الوقت .......................................*صقر: شبيك سكت خلاص!!!...ماردتش عليه خزرلها لقاها نامت ...خزر للميكرو زادلها شي معلومات إظافة من عندو حسب الموضوع وعاد لم الوراق حطهم في بعضاهم وسكر الميكرو وخزرلها بعدلها شعرها على وجهها ويثبت معاها حط صباعو على خدها ويعدي فيهم عليه .....*صقر: حياة!!؟......تنهدت وكمشت روحها اكثر .....تبسم على الفازا ... ......قام من محلو حكمها من نصها حط يديه تحت رجليها وهزها عندو ...خرج من البيرو وماشي لغرفتها وقف في نص الطريق خزرلها وعاد كمل حتى لغرفتها دز الباب ودخل حطها على سريرها بالعقل وتكى حدها يغزرلها دارت على جنبها جهتو وتكات على بطنها ..تبسم قرب لوجهها وباس خدودها وخشمها غطاها وطلع

.......................

طلع نهار جديد تسمع في حس التلفون متاعها الصغير تقول لومبلونس نفخت وسط نومها ....مدت يدها جبداتو حلت عينيها النعاسة لقاتها كيما مريڨلتها 6:50 غمت راسها في المخدة افكارها مخلطة وعادت قامت مضيقة عينيها تفكرت لبارح وليكسبوزي .....*حياة: اااع إن شاء الله يكون كملو كيفاش نمت ماحسيتش ..قامت من مكانها ومشات تتدهشر للبيرو دخلت مشات طول للميكرو لقاتو مضبط ومحطوط على الطابلة حلتو تخزرلو تبسمت خطو يهبل .......خذاتو معاها ومشات لغرفتها ..حطتو ودخلت الدوش .....نادية بعدما غفات في غرفة يوسف فاقت هي زادا صباح وفيقاتو غسلتلو ولبساتو .ومشات لغرفتها دوشت... ..لبست وهبطت كي العادة مع وقت الفطور في القصر دقيقة هي في مواعيدها وكان ماتتعمدش تتأخر ....مازال تفكيرها في لي صار يامس.. راسها يوجع وباش يتفلق من التخمام متاع لبارح لين نامت بلاما تعبى حد يوسف ......لقات صقر قدام الطابلة هاز الجرنال في يدو ونجية وباقي الخدم يحطو في الفطور ويوسف حدو نسخة طبق الأصل عليه .....*نادية: صباح الخير صقر .....حط الجورنال وخزرلها .....*صقر: صباح نور ..يثبت معاها وجها تاعب شويا وعينيها منفوخين نزل حواجبو وضم يديه في بعض ...*صقر: لاباس؟!!...*نادية: لاباس تأخرت في النوم كهو .....*يوسف: بابا نادية لعبت معايا طول الليل ....تبسمت تخزرلو ....*صقر:ممم ..مالا نتا لي سهرتها وتعبتها .....ميل شفايفو وخرج وبوزهم ....*يوسف: خالتو بلحق انا تعبتك !؟؟؟ ضحكت على كلامهم ...*نادية: لا حبيبي مش انت ...تبسم ....*يوسف: هاي قالت مش انا ....تبسملو ...*صقر: حليت واجباتك!!؟؟...*يوسف: ماعنديش واجبات ....*صقر: مممم ............*صقر: لاباس مع الخدمة نادية؟!؟..خزرتلو ثواني وحكات ..*نادية: لاباس ..اما فما موضوع شاغلني منعرش شنية نعمل ....*صقر: لي هو ؟!...*نادية: إلين طلبت مني نكون الوجه الإعلاني للتصاميم الجاية في الشركة ....حط يدو على ذقنو يخمم .....*صقر: وانت شا قلت ؟!!.....*نادية: مزال لتوا مارديت ....*صقر: حابة الموضوع؟!!؟ .....*نادية: عاجبتني الفكرة اما منعرش حاسة لي انا باش ناخذ محل ياسمين ........هزت راسها خزرتلو لقات ملامحوو تبدلت ويمسح في فمو بحواجب منقضة .....*نادية: س.امحني مش قصد.ي .....*صقر: ابدى في الموضوع مادام عاجبك بصحتك وقام من الطابلة هاز يوسف معاه .............حياة هبطت بعدما لبست لقات نادية خزرتلها من تحت للفوق......... *حياة: صباح نور....*نادية: صباح الخيرات شنية ها اللبس كأنووو مش وقتو في بالي الشتا وتلبس خلعة ....خريف رانا .....قعدت على الطابلة ....*حياة: شوف الجو برا يقولك كأنو الصيف برشا سخانة ....*نادية: ممم مهم افطر باش تتأخر انا باش نمشي ....*حياة: باهي .......نادية طلعت من القصر لقات صقر برا يديه في مكاتبو .....*صقر: باش يوصلك الشوفار .....*نادية: باهي عيشك صقر ....*صقر: وين حياة؟!!؟....*نادية: تفطر توا تجي .....*صقر: ممم ....*نادية: يالله من بعد ومشات ركبت وخرجت ........حياة كملت الفطور وطلعت من القصر زادا تثبت لقات صقر برا تبسمت .....*حياة: صقر؟!! ...تلفت على صوتها نازلة من درج البالكون ....ثبت معاها من لفوق للتحت