الحلقة 82: شهقت بالبكية دوب سمعت الكلام الكبير لي قالو وجيعتها كبرت كثر من لول....تقول كانت تستنى يقولو باش تطلڨ العنان لدموعها ...جبد عليها يديه في خدودها ....*نادية: علاش تبكي نادية نعرف انت زادا عندك شي جيهتي حتى وماكانش حب قاوي كيفما نحبك اما انا نعشقك نادية والكلمة هاذي ماقلتها لحتى وحدة في حياتي الكل...خاطرك جبتني للثنية وضحك ....باس خشمها غمضت عينيها على كلامو وكان يعرف الحب لي تكونوهولو ماكانش قال عندك شي جيهتي .....دزتو بالشويا من صدرو وبعدت ....*نادية: تأخرت برشا رامي مانجمش ....نزل حواجبو باهت ....*رامي: تأخرت!!؟ كيف تأخرت؟! يعني انتي ماتحبنيش!!!....غزرتلو في عيونو ورجعت هبطت راسها .....*نادية: لازم نمشي لي قاعد يصير غالط ودارت للباب ......جبدها بالقاوي ردها....*رامي: ماااتحبنيييش قووول!!!؟ .....*نادية: مش فاهم شي انت ...*رامي: فهمني نادية برحمة بوك!!!! علاش تصد فيا !!!!؟؟؟ ماتحبنيش انت!؟؟؟.....نترت يدها وتصيح .....*نادية: نحبببببك نحبببببك رامي قنعت تواااا فهمتتت؟؟ نعشقققك راني إيه ومش إعجاب كهو ومش ضعف منك كهو ....نحبك برشا وماحبيت حد غيرك ......عض شفتو بالقاوي ڨلبو فرفط من كلامها مش مصدق ....*نادية: اما.....رمى يدو لنصها وجبدها عندو حط جبينو على جبينها شفايفو قراب من شفايفها ...وهمسلها ...*رامي: اما شنية ..شنية ياروحي قول نادية شفما وحكم شفتها بشفايفو داخت من الفازا ماخلالهاش مجال تحكي جملة احاسيسها عاملة حرب ماتنجمش تقربلو ومانجمتش تبعد في نفس الوقت .....لحم شفايفو بشفايفها وباسها بحنية ...يبوس فيها ويمسحلها في دموعها ..قاعد يضغط عليها برشا جبدت عليه ...*نادية: يزي ر.امي ام.ان .....زاد لزها ليه اكثر ....*رامي: انت يزي ن.ادية ماعادش صابر عليك نحب تعرس بيا نادية مستحيل نسلم فيك شنية لي مانعك تكون معايا وباسها مرة اخرى ....ماعادش متحملة تحس فروحها خاينة دزتو بالقاوي لين بعد شويا .....*نادية: انت تأخرت رامي ..استنيتك برشا مرات تقوولي امااا انت كنت كل مرة تهييني وتوجعني وتحرڨلي ڤلبي وكل مرة بفازا وحتى يامس في البيرو استنيتك اما انت لغيتنييي تسال على منال واش قلتلها وقتلي الي مافما شي بيناتنا والي عندي حق كانت فرصتنا باش نكونو لبعض اما انت شاعملت ...حكم وجهها ....*رامي: هاني قتلك ياروحي توا وقدامنا العمر كلو ..حكمت يديه ونحاتهم ...*نادية: توا انا مخطوبة رامي مخطوبة لصقر ومافما رجعة .....نزل حواجبو مصدوم ....*رامي: شنية؟!؟؟ شكونو هذا صقر !؟؟!؟ ..وفي مخو اسم صقر صاحبو يضرب اما إستغبى روحو وبَعَّد الفكرة خاطرها اشبه بالمستحيل بالنسبة ليه ......*نادية: صقر شكون غيرو فما صقر واحد ......شعر بدنو كلو وڨف ..سطل ما مجلد تكب عليه في اللحظة اذيكا ......*رامي: شنيية!!؟!!!!!!!!!!!!!!!!!؟!!
......
...*نادية: مثلما سمعت ....بقى دقايق يستوعب كي لي كان في حلمة مزيانة وسط جنان خضر وفاق وهو في حرب تحت القصف ..مخو بدى يدي ويجيب فيه لأفكار خايبة علاش باش يطلب صقر يعرس بيها خاطر ما صدقش صقر يعاود يعرس بعد ياسمين ومن مين من اختها لي عايشة معاه ...تفكيرو حبس مع آخر كلمة متاع عايشة معاه ..عينيه حمارو في ساع مانقلب وصار يغلي ..حكمها من ذراعها لين تغرسو صباعو فيه وتوجعت وحكى بالصياح ....*رامي: صااار شي بيناتكم في بيتوووو!!!!! تكللللم !!! ..مسسسك بالغاالط وانتي عايشة معاااااه ...احكييييي!!!!!وبدى ينفض فيها .......*نادية: ااااااي شنية تحكي ماصااار شي وجععتني سيب يديييي .....*رامي: وعلاااااش علاااش يحبببب يعرس بيك.. ااااه!!!؟؟.....*نادية؛ قال نربيلو يوسف ومايحبش غريبة وانا اقرب وحد..اااااي قتتللللك سيبني ونترت يدها .....*رامي: مستحيل نسمح للشي هذا يصييير تففففهم مستحيييل تمشي وتقولو لا او انا لي باش نتصرف والبيت هاذاك رجلك ماتخلطش فيه فهمتتت .!؟؟....*نادية: لااااا رامي لا هو ساندني من وقت جيت لتونس هو طلعني من المشاكل لي كنت فيها خلصني من الراجل المعفن لي كان عمي باش يعرسلي بيه خلصني من ضرب كل يوم خلصني من الوجيعة ومن الدموع لي كنت نزلها كل يوم على مخدتي عطاني خدمة سكنني عندو حتى راحتو وهو راجل متزوج تجاهلها وخذاني لعندو انا وحياة ..حياتو الخاصة لغاها وسكننا عندو ..سجل حياة في الجامعة هوني يوصلنا كل يوم عيشة ماتمنيتش في حياتي نعيش ربعها وانا في جحيم عمي سنين ...كيف تحبني نرفض توا اول حاجة طلبها في حياتو مني وفي خاطر ولدو زادا .لي هو ولد اختي !؟؟؟؟!؟؟؟ .......بقى يغزرلها مشلول وهو يسمع في واش عانات وكيفاش قاعدة تحكي على صقر ولي عملو..... صار نقطة قدامو الفكرة خلاتو يغلي يغلي ويغلي من داخل ..كره في ذيك اللحظة صقر مش كره كره اما حسدو ونقم عليه كبس على قبضاتو باش مايتهورش وقربلها تكبست وخافت شوي خاطر حست بالحرب لي داخلو .......*رامي؛ شوف نادية واحد من لثنين ..تمشي ترفض او انا باش نمشي نقولو .....*نادية: مش باش نقولو رامي وانت زادا خاطر وكان تقولو ويفسخ في خاطرك كهو .صدقني مستحيل نكون معاك وبرحمة ياسمين اختي مش باش نكون معاااك مانحبش يفسخ وهو يعمل في مزية فينا مانحبش نقطع الشي لي طلبو مني إلا إذا هو بطل من مخو انسى رامي امان ماتصعبش عليا وعليك اكثر خليها تتعدى على خير ولي صار كلو مكتوب انت لي تأخرت انت لي طولت عليا وانا نستنى فيك ...نزل يدو منها بخيبة مصدوم في اللحظة اذيكا طلعت روحو صار جهامة.. كلامها التالي حكاتو بتصميم وعارفها وعارف كيف تفكر ومستحيل تتراجع بعد الشي لي قالتو ڨلبو باش يطلع من محلو .مشات خطوات دايرة للباب وحكات ......*نادية: حتى ونعرس بيه باش نظل نحبك برشا ..سامحني ....حكاتها بصوت مقطع وطلعت الغصة واحلالها دوب صارت برا البيت صارت تبكي بحرقة مشات وبعدت على البيت
أنت تقرأ
أحببت أخت زوجتي الجزء الثاني 2
Romanceرواية منقولة من الكاتبة الشابة الجزائرية: سعاد عامري، و هي رواية ممزوجة بين اللهجتين : الجزائرية و التونسية.
