أحببت أخت زوجتي الجزء الثاني 2

65

الحلقة 65: صارت العشية رامي في البيروو متاعو يستنى في كمال وبعدها يطلع من الشركة للبيت ..خلط عليه ....*كمال: اهلا ........*رامي: اهلا كمال تفضل .....*كمال: هاهو ليك...تنجم تدقق معاه شنية زايد وشنية ناقص بالرغم حضرتو كيفما قتلي......*رامي: باهي توا نشوف ...بقى يدقق مع الوراق دقايق ومن بعد تبسم ......*رامي: كلشي مريڨل خلاص ....*كمال: مريڨل مالا نخليك وطلع .........هز الوراقي يتبسم وطلع من الشركة ....لبيتو ................................نادية في الصالون تقرى في كتاب خذاتو من بيرو صقر ..كبرياء رجل ...الورقة 11 سكرت الكتاب وحطتو تنفخ .....*نادية: اوووف مستقيلة مابقالي كان الكتوب ...خلطت عليها نجية ....*نجية: مادموزال نادية تحب نحضر شي حلو توا ......*نادية: انا مانحبش اما حضر لحياة ويوسف زادا ....*نجية: واضح .........قامت من محلها طالعة برا للجنينة تلوج على يوسف وتلفونها يقص عليها ......هزتو ولونها انخطف ..تغزر لرقم رامي بلعت ريقها ......*نادية: شباش نقولو ياربي حطت يدها على جبينها متوترة علاخر ...تنهدت وردت مش باش تهرب منو بالتالي باش تقولو يستنى عليها باش تدفعلو ........*نادية: الو نعم .......يخزر لروحو في المرايا ويشيح في شعرو تبسيمة على شفايفو دوب سمع صوتها تبسم اكثر ......*رامي: الو مادموزال نادية وهز حواجبو لفوق .......نفخت ..*نادية: نعم .....*رامي: في بالك علاش طلبت؟!.....غمضت عينيها تلبكت ......*نادية: نعرف بخصوص موضوع المبلغ ومانجمتش نأمنو لازمك تستناني شوي ......*رامي: لازمني؟!؟.....سكتت.....*رامي: علاش باش نحطلك استثناء!!! كيفك كيف باقي الموظفين ومادام ماتنجمش تدفع علاش توقع على طلب الإستقالة؟!؟؟؟......وجها حمار وعقدت حواجبها ...*نادية: احكي معايا مليح باهي مش نخدم عندك توا سي رامي شمسي واضح!؟؟.....*رامي: بلاهي؟!؟ اسمع فلوسي نحبها غدوا تفهم!؟ ولا ماتعرفش شنية نعمل .....كبست على التلفون تحب تقتلو وتتهنى منو ....*نادية: قتلك نجمش ندفع تفهمش انت .....*رامي: عندي اقتراح ليك.ً.......دققت معاه تسمع ....*نادية: نسمع فيك ......*رامي: اخلط لبيتي غدوا صباح نحكو فيها .......عينيها تحلو وحاجبها طلع .....*نادية: ش.نية؟؟ علاش غدوا ؟! ..غدوا جمعة ...باش نجيك توا للشركة .....*رامي: مايسالش طلعت من الخدمة ..وتوا في البيت كنت طلبت انت وخبرتني مادموزال نادية مش حتى طلبت انا ......*نادية: مالا خلي حتى الأحد نحكو فيه .....*رامي: نجمش نستى 3 ايام ثانية لازم تجي .......عصبت تفكيرها ماشي للخايب شايحب منها وسط بيتو مازال مانسات شنية لي صار آخر مرة ..وعلاش ماينجمش يستنى يمكن يحب يستغلها هذا واش جا في بالها.....*نادية: سامحني نجمش نجي... الأحد نشوفك ......*رامي: براحتك ماتجيش نجي انا باش تدفعلي فلوسي ........عينيها تحلو صحافي كيفاش يجي هاذي مستحيل تخلي صقر يعرف بالشي لي قاعد يصير .نفخت بالقاوي..*نادية: كيفاش تجي تنجمش تصبر حتى للأحد ....*رامي: والله مانجمش مدموزال نادية والمشكل منك توقع على عقد استقالة وماتفكرش في شروطو ...مانحبش ناقشك اكثر نستناك الصباح إذا ماجيتش تحمل العواقب وسكر في وجها قبل ماتحكي ....قعدت حالة فمها .....*نادية: اااااااه ااااه ..توا لقى باش يستفزني ..كيف تغلط هاك غلطة نادية كيييييف اوووف اوووف ....ردت شعرها ورا وطلعت لقات يوسف داخل....*يوسف: شبيك تصيح خالتو .....*نادية: ااا.ه لا صحتش حبيبي ....*يوسف: شوف فسدت طيارتي ....*نادية: ممممم شفت هات تشوف بلاكشي تتصلح ........دخلت هي وياه ...............................واقف مع اسمر يخزر للمباراة ببرود ومن داخل قلبو ماكلو ........*اسمر: هاذوك 4 جدد متمرسين و7 داخل عاد يتدربو ....*صقر: مممممم.....صوت الجرس رن واحد واقع فيهم مغشي عليه نهاية المباراة...........*اسمر؛ المجنون العقلي توفى .....خزرلو ثواني وعاد تلفت للحلبة ....*اسمر: إنتحار.. .شنق روحو بدرا غطاه ........ضحك بإستهزاء وحكى..*صقر: بقى واحد ...*اسمر: يضحك ..شكونو؟؟؟؟؟.........*صياد: غياب طويييل .......تلفتو الزوج على صوتو ..صوت مش غريب عليهم .........*اسمر: يتبسم ..الصياد ً........قعد حدهم عينيه على الحلبة .......*الصياد: 9 سنين شنية المفاجئة هاذي شكون لي مانجمتش تقتلو حتى جاي لهوني تفش غل الصقر .....غزرلو بحدة ......*الصياد: تحملش التفذليك حكيناش....بالنسبة ليك نتا اسمر غير السمانة لي تعدت شفتك مافماش ترحيب ليك ......*اسمر: على الأساس حاجتي بيه تعرف شنية شاهي نطرحك فوق الحلبة هاذيكا ونسحبك من اكا لللحية الشايبة ...ضحك بالقاوي ...*الصياد: هههههههههههه.......قص على حديثهم صقر...*صقر: شكونو الأصلع هاذاك ..وعينو ورا الحلبة ......*الصياد: واحد من 4 المتمرسين لي خلطو بعدك ......*صقر: حاجتي بيه توا......خزرلو اسمر متفاجأ عرف فيها حكاية مادام باش يصارع طلع حواجبو لفوق وغزر في الصياد لي الفرحة قريب تنطق في وجهو......*الصياد: مممممم مالا فيها ريهان ليوم 5 دقايق كلشي يوجد بالاكي تغير رايك من مدة ماإستمتعش بيك .......وقام مزروب .....*اسمر: علاش ليوم بالذات رجعت ....*صقر: بلاصتي هاذي علاش نرجع .....*اسمر: شنية عمل؟؟؟ ......غزرلو ...*صقر: شكونو؟!؟...*اسمر: لي مش منجم تقتلو!!؟؟......طلع حاجب وهبط الثاني....*صقر: برايك نجمش نقتل انا؟!؟؟ ....*اسمر: انسى .باش تصارع بالحق؟!؟.......قام من قدامو ومشى من وسط الحشد داخل .....تنهد وبقى يغزرلو حتى دخل