أحببت أخت زوجتي الجزء الثاني 2

68

حياة وصلت القصر بامان مع الشوفار دخلت مشات طول للمطبخ تشرب وخرجت طالعة لغرفتها وتسمع صوت في الصالون مش غريب عليها ...مشات للصالون لقات ميس وآدم وصقر ويوسف مشات لميس تضحك وحضنتها .....*حياة: ميييس ......*ميس: ههه عيب عليك دوب مشى يوسف من عندنا ما عادش تخلط لبيتنا جملة ....*حياة: والله كنت باش نخلط ليام هاذو ....*ميس: هاهاها صدقتك ....*حياة: والله ههه ....*آدم: قيمنا راهو رانا هنا تلفتت فيه عوجت فمها ورجعت ضحكت وحضنتو حضنها وشدها من شعرها ......*حياة: اييي صققر شوفو لخووك ..حكاتها بلاما تفكر من فرحتها .......صقر خزر فيه آدم ووجهو حمر يغلي وكان يلقى يفشخو توا ......*صقر: يزي واقعد ب...قص عليه تلفونو يصوني غزر للرقم مش غريب عليه .....قام خرج برا يرد ........*صقر: نعم ...*وليد: صقر شامي .......ضم حواجبو الصوت هذا مش غريب ......*صقر: نعم....*وليد: معاك وليد ..ً....طلع حاجب وهبط الثاني ....*صقر: وليد شكون ....*وليد: بروف حياة......وعلى زوج كلمات تحول يستوعب في الوقاحة والجرأة متاعو كي طلبو يحكي معاه ًبرغم هو تحت تهديد مسبق .....تجاوز الشي هاذاكا ويسمع فيه مادام وصل يطلبو معناها شي يفيد ....*صقر: نتمنى كلامك يكون مهم بقدر اتصالك ليا ..ً....*وليد: كلام ماش متاع تلفون حاجتي بيك غدوا فموضوع.. تختار المكان ولا انا نختار ؟!!؟.......ً................*آدم: زايد لسانك طوال برشا .....عوجت فمها وضربتو ....*حياة: كيف خالتي جميلة علاش جاتش معاكم ؟؟....*ميس: لاهية شوي مع زينب يحضرو للعرس وحوايجو ....*حياة: مممم باهي وانت شنية تعمل ياماسط ....*آدم: نعاير لي كيفك ڨشرودة ..قحرتلو ...*آدم: باين شنية لي نعمل قاعد نخدم في الشركة ....*حياة: ههههه باهي سي آدم ......*حياة: نبدل دبشي ونجي .....ومشات طالعة لغرفتها ..جات تدخل وتشوفو طالع من البيرو وجهو مظلم مايتفسرش جات في بالها طول كاش ماعرف ..بدنها تكهرب وهو ماشي جهتها دزت باب غرفتها في ساع ودخلت وسكرت من داخل ..تكات عليه مفجوعة بث الرعب فيها ....*حياة: اففففف شبيييه يغزرلي هاكا تقول قتلتلو بوه ..قعدت تسمع حسو غاب باين هبط ..تنهدت ومشات لبست روب غوز مع الركابي بليمونش متاوعها عملت شعرها تومات وهبطت مشات طول للصالون لقات ميس وادم ويوسف كهو ونجية تحط في حلو بقات تلوج بعيونها من بعد قعدت .......................................نادية مقابلة الكاميرا ملبكة خزرات رامي باش ياكلوها دخلها في حيط ........قاعد يغزرلها من وقت هز راسو وشافها مازاحش عينو عليها ........*كمال: ظبط الكاميرا كرم راهي مايلة ......*كرم: بربي باش تعلمني ههه وتلفت فيها ......*كرم: نادية: طلع ذقنك وصدرك للفوق اوقف وقفة راكزة ويديك على حزامك ......رامي يخزر معاهم بجدية عروق التنرفيز بدات تنتفخ مع الفاظ كرم ...*نادية: هاكا خلاص؟؟؟؟؟ .....*كرم: نننن ..وقبل مايتحرك ...مشالها رامي ..لين صار قبالها بقات تبحلق فيه باهتة شباش يعمل ......شدها من نصها وردلها كتافها شويا ورا ...انصدمت وهي تغزرلو في عينيه من الفازا وقدامهم زادا ..*رامي: ابقى هاك ..وطلعلها ذقنها بصباعو ....طلعت يديها على خصرها وتغزرلو ......*كرم: ايييواا برافو رامي توا خليني ناخذلها الفوطو بالزربة اجبد على الساحة ...همسلها في وذنها ...*رامي: رد بالك تخليه يمسك رد بالك وجبد عليها خلاها باهتة من طلبو .........بقى يصور فيها وركزت مع واش يقولها باش ماتضطرش تخليه يجي عندها لقات روحها تسمع في كلام رامي بلا وعي ......وهو واقف مكتف يديه ويتفرج فيها طول الوقت ..غزرتلو لحظة غمزها وتبسملها ..حلت فمها وقحرتلو .......*كرم: شبيك مكشرة نادية ..قلت نظرة جامحة مش غش ....*نادية: ااا..باهي .....شاخ بالضحك عليها .......لحقو باقي العارضات حاوطوها وتصورو......................*سمر: رامي ......*رامي: وي سمر شفما ؟!؟......*سمر: شوف الفطوات هاذو شرايك تعمل طلة عليهم خاطر انا عجبونيش والله الروب هبطتلي على كتافي ..هات نشوف ...بقى يغزرلهم ..ويقلب فيهم ...*رامي: بالعكس عطاتك طلة باهية طالعة باهية برشا ....*سمر: بالحق؟!! ...*رامي: إيه الفازا حلوة مش داعي نعيدولك التصوير ...*سمر: مممم باهي ريحتني وضحكت ....ضحك ....هز عينو يلوج عليها لقاها تغزرلو غزرة موت نزل حواجبو مستغرب ...........*نادية: واحد ....افففف قحرتلو وطلعت هازة روبها ماشية لغرفة التبديل مادام تصورت هي لولا كملت هي لولا ..تمشي وتغزل من البنت لي قاعد ويضحك معاها ...*نادية: شدخلني انا افففففففف ...دخلت لغرفة التبديل وهبطت الروب ديركسيون على صدرها بغش باش تنزلها وهو دخل .....*نادية: ااااااااااااع شنيييية تعمممممل ودارت بظهرها شادة الروب ....وجهو حمار مع منظرها بالسوتيان في العادة الواحد يدور وجههو ويخرج اما هو بقى مفيكسي فيها
........