أحببت أخت زوجتي الجزء الثاني 2

80

الحلقة80: ..سيبها مرهوج صدرو طالع هابط من العصب لي يهز فيه وينفض ...بدات تكح بالقاوي .....*رامي: شاقلت؟؟؟....*منال: مادزي.تهاش قص.دا والله وا.نا حبلى جيت باش نقولك .......*رامي: هههه وتحب نصدق ولدي .....*منال: ولدددك ونحب تبعد على اذيكا البنت .....هز يدو باش يعطيها كف يطرشها ....خبات روحها كبس عليها في اللحظة التالية وضربها عند راسها فوق الحيط ....*رامي: شكون قالك الي فما شي بيناتنا؟!؟؟ .....*منال: ماحد قالي وشفتها النهار هاذاكا كانت في غرفتك وباز خليتني فخاطرها .......*رامي: تحب الصح ؟؟! إيه نحبها ونعشقها فهمت ....غزرتلو بغش ....*منال: وولدنا؟!......*رامي:هذا إذا كان موجود وجرها من يدها خذاها لأقرب كلينيك باش تدير تحليل مقابلها في الغرفة ويسمعو في نبضو ..وهي تضحك بتبهليل وتغزرلو .....*الطبيبة: عندو شهر ونص صحتك لاباس وولدك زادا ......بقى يغزر لشاشة الإيكو بالرغم الي كارهها وكاره فصلها وطينتها والجذور لي جابتها اما ماينكرش الي تحركت فيه حاجة دوب سمع نبضو الثقيل حاجة مزيانة حلوة على قلبو يمكن احساس الأبوة القوي تحرك فيه .. ..مكتف يديه وملامحو مادل على حتى شي .....مسحتلها بطنها وطلعو .......*منال: باز مش باش تخلي ولدنا يتعذب في حياتوو نحبك تكون حدو رامي مانحبش تبعد علينا نحب تكون راجلي .....غزرلها وضحك بالقاوي....*رامي: هههه ضحكتني تحب تعرس بيا؟! باش نڨولك تبقى حلمة مزيانة ومش كلشي نحلمو بيه نوصلولو من تالي نجيبهالك ولدي وراضي بيه وباش نربيه على يديا وهذا اكيد بعد مانعمل تحليل إذا ولدي ولالا ماتعرفيش الدنيا مش رايضة وغمزها ...كبست على يديها بالقاوي بعصب ....*منال: تحب تبعدو عليا؟؟! ...*رامي: ولدك يبقى ولدك ..ومنا حتى لذاك الوقت باش نستنو ونحكو وقتها ...توا برشا باش نسبقو الأمور وغمزها مشى بيها رجعها لببتها وتعدى للشركة فادد من كلشي .....نادية في الصالة كانت تتصور منوفوڨ ڨلبها طلب صقر مازل يضرب في مخها ووين مشى رامي زادا بعد لي قالو اشارلي متمنية مايتهورش كهو .......شويا وخلطت سناء ......*سناء: نادية سي رامي طالبك روح لعندو...قلبها انخطف وبلعت ريقها .....*نادية: باهي باش نبدل. ...*سناء: روح بدبشك مستعجل برشا والظاهر مغشش ......نفخت. ومشاتلو لين وصلت لبيروه دقت سمعت صوتو دخلت ..........غزرلها قدما متوحشها خاطر غابت ليام لي فاتو قد ماهو مغلغل من فازتها متاع الكلينيك وزادت كملت على مابيه كي سكتت على منال وماحكاتش وماسالش منال شنية لي قالتوهولها .......بقات تغزرلو من بعيد بنوع من الخوف تحاول تثبت وتعرف شنية يمكن صار من منظرو. ....*نادية: نعم!!.....*رامي: إيجا!!.....نزلت حواجبها مستغربة ......*نادية: ااه!!!؟.....*رامي: إيجا هنا .....بقات تغزرلو داهشة شنية هاذي إيجا متاعتو ...بقات واقفة ...تنرفز قحرلها بعصب ...قام ومشارلها تهزت مع قومتو صار وجهو مقابل وجهها ....*رامي: مانيش نحكي معاك!!؟......*نادية؛ا..ا ش.شاتح.ب !؟! جرها من ذراعها لين صارت ورا بيروه وخدم الشريط في الميكرو لي قدامو بقات تغزر لين شافت روحها كيف تقلبت بالقاوي ومنال موجودة دورت وجهها .......*رامي:شنية هذا!؟؟؟....*نادية: ......*رامي: اتكلللللم الرب؟!....قفزت وغزرتلو بغش ....*نادية: ماتصيحش عليا شنية باش نحكي !؟؟ هاك تشوف كنا متهاوشين ووقعت ......*رامي: وكان لي صار اسوأ تسكت زاادا اااااه ؟!!؟؟....غزرتلو في عينيه وللخوف والغش لي فيهم هاذي فرصتها لازم تعرف شعورو جيهتها لازم تعمل خطوة هاكا .....*نادية: وكان صار الأسوأ كنت مت ووين المشكل ...نزل حواجبو يسمع في التبهليل متاعها ًمش عارف وين تحب توصل بكلامها ......*رامي: اسمع الشي مايتكررش في شركتي واضح؟؟ والأمور هاذي وقت تصير تتحكى فهمتت؟!!!تجي برجليك وتحكيلي خصوصي وقت يبدى موضوع يخصني .