أحببت أخت زوجتي الجزء الثاني 2

79

الحلقة 79: كان باش يدخل يقلب عليهم الغرفة اما بعد لي صار بينو وبينها على اي اساس باش يدَخّل روحو ..على اي اساس باش يتصرف معاه وبأي حق؟!،....رجع ورا وبدنو شاعل بالغش والعصب نزل هز تلفونو ويعيط لآدم ........*آدم: اااه التلفون باز حبيبتي تعيط ....*حياة: اافف هامل هههه ....هزو لقاه صقر .....*آدم: ااه صقر!!!!.... كبست على يديها دوب سمعت اسمو ووجها انقلب ......رد...*صقر: (بغش) هاني لوطة انزل!!!!......نزل حواجبو مستغرب ...*آدم: لوطة؟!؟؟ وننزل!؟؟؟ وين ننزل؟!؟ ........حك لحيتو بتوتر قريب كشف روحو بلي كان مراقبهم .....*صقر: موجود في الصالون إيجا مش انت في غرفتك؟!؟.....*آدم: ااااه جيت قصدك ؟؟؟؟ انت فبيتنا؟؟؟.غزرتلو حياة عينيها محلولين مصدومة فهمت لي صقر هوني ..علاش جا يعني عرفها في بيت والديه ولا صدفة كهو !؟ كل الأفكار هاذي ساورتها ....*آدم: ممم البراكة زارت ههه جاي ومش فغرفتي موجود مع حياة وغمزها ..غمضت عينيها ماكانتش حاباتوو يعرف بلاصتها بالسرعة هاذي ...سكر وغزرلها ......*آدم: يالله ننزلو حياة!.....*حياة: لااا امان والله تاعبة نحب نر......قص عليهم صياح ميس تفجعو .....*آدم: هزتلي بدني الفرخة شبيها ....قامو يغزرو من الفوناتر لقاوها مقابلة موتور نوار فيه شويا الغوج ......*آدم: واااااااو صقر عملها وجابلها موتور .....مشى نازل يشوف ماكانش مهتم بيهم ووقت شافها عجبتو ....دوب طلع جرات وراه سكرت الباب من داخل ماتحبش يخلط عليها وماتحبش تشوفو زادا على اقل ليام هاذي ..............*جميلة: والله لا درت الصح كيف شريتلها الحديدة هاذي في مخك ياصقر توقعتها من آدم ومش انت كيفاش تسمعلها ........*صقر: شباش نعمل امي وهي تشهق عليا تتعلم وتسوقها بلعقل واعدتني هي وغزرلها بحاجب مرفوع.....*ميس: يخليك ليا صقر فرحتني برشا تففففتق وباستو ..تبسم ..زينب: وهاهو مرادك تحقق ...ضحكت .....*آدم: والله شلتني وعض شفتو قاعد يتفتف فيها ....*ميس: متاعي ماتمسهاش .....جميلة تغزل عليهم ونيفها مهزوز للفوق ضحك صقر وقدملها حضنها من ورا ...*صقر: كلشي ولا غشك ياالروح وباسها من خدها عوجت فمها عليه .....*جميلة: تلفني تلفني مي طاوعك عقلك تجببلها المصيبة هاذي ...ضحك وزاد باسها دورها وحضنها حطها فصدرو ....ماتنجمش ماتتبسمش كي تبدى مع صقر وتتلقى تصرفاتو الحنينة عليها ..حضناتو .....*جميلة: ها وجهي وكان يصيرلها شي بالحديدة ذي ....تبسم .....*صقر: بعيد الشر تفاول عليها من توا فيا ولا فيها ....شهقت ....*جميلة: ياخلايا باش ترزيني فيك ربي يحميك ويحفظك لميمتك ياروحيى وحضناتو تبسم ....*آدم: شنية هذا؟؟! غرت راني ......قحرلو صقر مازال مغلغل عليه من منظر قبيل وزاد تفكر حياة ملامحو تكمشت .........قاعدة تغزرلهم تحت من الفوناتر وتغزر لتصرفات صقر ..حواجبها نازلة بخيبة امل تعاملو معاها في شيرة وتعاملو مع عايلتو في شيرة ثانية ماكذبش لي قال الأهل يكونو من الدم واللحم اذوما اهلو من لحمو ودمو باز باش يكون تصرفو معاهم هاكا اما هي شكونها!؟...هي اعتابراتو في يوم انو عايلتها اما كانت غالطة برشا ماخذات منو كان الوجيعة والقهرة هي غريبة عليه علاش باش يهتم فيها ...........بقى شويا وقت معاهم ..استغل لهوتهم وطلع للغرفة لي فيها حياة وصل للباب ححكمو ودزو لقاه مسكر .....تلفتت على صوت الباب اما بقات ساكتة شكت فيه الي هو قلبها بقى يدق ......دور اللوكي ودزو وماحبش عرفها مسكراتو....جاباش يحكي وسكت مالقى مايقول رجع على طريقو ...حست بالرجلين كي بداو يبعدو تنهدت .......ماطولش برشا مايحبش يظل ويتلاقى ببوه ..ودعهم ومشى وتفكيرو فيها وفي آدم طول الطريق يسب فخوه ويفكر كيف باش يظلو مع بعض الأيام ذي ...........تعدى النهار الكل صقر تعشى مع نادية بالسكات كلام قليل كهو على غير العادة .......وحياة تعدات عليها سهرية ولا اروع في بيت العايلة ضحك وتبوليد حاولت تنسى شويا بوجود آدم وميس فاجو عليها برشا لبن تعبو ونامو .................................