أحببت أخت زوجتي الجزء الثاني 2

83

بقى دقايق واقف مازال كلامها يرن في مخو انت تأخرت وباش نظل نحبك ومكتوب عرف روحو خسرها ..خسرها قبل ما تكون ليه اصلا...في حياتوو الكل ماتوقعش او جاتو مجرد فكرة انو يبكي على مرا غير امو اما في الدقيقة ذيك دموعو خانوه ونزلو بكى إيه بكى عليها المر والهم لي ركبو لحظتها ماذاقوش من سنين فكرة انو صاحبو يعرس بالبنت لي يحبها ويعشقها خلاتوو يهبل ومخو يطير طاح في بيتو كسر كلشي ..يكسر ويصيح عيونو حمر ودموعو نازلين شي غش وعصب وشي وجيعة وشي حب مابداش اصلا باش يكمل .. تهد رمى روحو فوق الكانابي جهامة بلا روح بعدما زلزل البيت وخلى كلشي مقلوب ...........................................................................آدم طالع بالطوموبيل من قدام الحجامة بثلث بنات من 8:00 وهوما عندها .... كل وحدة خير من الثانية ولي مصدوم فيها حياة تبدلت 180 درجة بالرغم طلعت تقتل اما بقى شايخ عليها بالضحك والتبوليد .......*آدم: هاك طلعت بنادم حياة ....توا صار إسمك لايق عليك حياة خاطرك كنت موت قبل (القصف ياجدك 😂😂😂😂) ..البنات ترشقو بالضحك وهي حلت فمها ....شدتو من شعرو على جنبها خاطرها قعدت حدو .....*آدم: ااا يا الفرخة باش نعمل اكسيدون ...*حياة: وعلاش تعايرني مالا افففف مااااسط ....*آدم: ههههههه ......*ميس: ماتعملش على كلامو غاير راهو منك خاطرك طلعت تهبل .....*زينب: اففف توا وقت المطر نكره الجو هذا ماجاها الحال كان الليوم.....*حياة: اما انا نحبو برشا ......*آدم: هانا وصلنا ويا مدام زينب خال انا زادا بوڨوص وبوڨوص على حياة زادا ومش باش نغير من ڨشرودة مكورة ....قحرتلو ...طلعلها حواجبو وهبطهم كثر من مرة شايخ ....دوحت راسها وضحكت بالرغم ينرفزها اما يجيبلها الضحك مرات بتعابير وجهو ......*حياة: مهرج هههه ونزلت.....دخلو فطرو مع بعض بالضحك والتبوليد على زينب وتعرفت على خلاتها لي خلطو ......كملت الفطور وطلعت لغرفة زينب مجمعين هي وياها وميس..... وقفت مع الفوناتر ....تغزر من ورا البلار وتلمح صقر نازل من الطوموبيل مع أختها وجها انقلب في ساع غزرت للساعة لقاتها 2:00 .....*حياة: شجابو ذا ..من بعد تفكرت لي بيتوو واختو هي لي شنية تعمل هوني مش هو تنهدت بالقاوي وهي تخمم بعدما تخلاص الحفلة وين باش تروح كيفاش ترجع معاه للبيت وماتنجمش تظل زادا في بيت والديه عيب مسحت على شعرها ودارت تستوعب ماتحبش تشوفو توا طلعت تجري قدام انظار ميس وزينب لي بهتو ومشات لغرفتها دخلت وبلعت الباب من داخل ....تمشات شويا تحس بالوجيعة دوب شافتو كلشي تحير فيها .ملامحها تكمشو للبكا اما ماتحبش تبكي تعبت برشا قدمت للمراية وتغزر لروحها دارت على جنب تثبت مع إنحناءات بدنها المكبوس بالروب من صدرها لدريارها لفخاضها وسيقانها العراية وحكمت شعرها المفرود تثبت معاه وفي شفايفها بالروج .....*حياة: شنية لي يشوف فيه صغير شنية لي مش عاجبو علاش يقول عليا صغيرة علاش ...علاش مش حاب يقرب مني وهو يحبني .... خاطر عمرري 18 كهو خاطر صغيرة عليه كهو ...علااااش علاااااش اهئ اهئ ورمات المراية بصندوق النحاس لي موجود فوق طابلة مقهورة محروڨة بالرغم الي عملو فيها باقية تحبو علاش مش منجمة تكرهو علاش مش منجمة تنحيه من مخها .....حبها القاوي ليه خلاها تشك انو بدى حتى وقت كانت ياسمين عايشة وهي مافاقتش ..الفكرة خلاتها تهبل كيفاش وصلت تحب راجل اختها ..اهتمامو الزايد خلاها تحطو في مخها كيف إهتمام البو والخو اما في الحقيقة كان حب مرا لراجل ...تحب تهرب من افكارها ومن الحقيقة اذيكا اما مش منجمة وكرهت روحها بسبتها اما شباش يعمل العقل قدام قرار الڨلب..................