_في أرض ألسواد_

بارتـــ الَاول.

_في أرض السواد
_للكاتبة عائشة العكيدي_

(اللهم صلي على محمد وال محمد)♥️

"أُريد ...
‏ولا أُريد
‏وصوتُ نارٍ
‏بأفكاري ، وغيمٌ ما أغرَّه
‏ حنينٌ :
‏أقضمُ الشفتينِ منهُ
‏ووسواسٌ :
‏كفاكِ الله شرَّهْ
‏ وكنتُ أموتُ في نفسي كثيراً
‏لأولَدَ من جديدٍ كلَّ مَرّة."

الماضي المؤلم مُنذ تلك السنين وانا اعاني
مُنذ تلك السنين وانا احارب لكي اكون شخص لا يرحم حتى نفسهُ...

سنه 1942 شهر السابع تموز العراق العظيم .
لساعه12:00الظهر

بدت الجوامع تعلى بصوت الأذان.
..يمشي بتعب وثقل جبير
جان يأخذ لنفس بصعوبه من حرارة الجو..
حجه بصوت يأكد ان يسمع وهوا يباوع على
منظر الاباء وابناهم يتوجهون للجامع.

_دولبني لوكت بويه ونته ماكو.

اكتفى بهل كلمات البسيطه بس بيها الم جبير
كمل طريقه ولدمعه بعينه وحيله مهدود من لشغل..
المتعب لطفل صغير؟؟

وصل لبيته وكف لدقائق يتأمل لبيت التعبان على وشك
ان يتهدم
ابتسم وحجه بينه وبين نفسه.

._يجي ليوم الي اطلع من هين واضحك على الي سويته

دخل لبيت الي بكل زاويه منه إلا ذكرى بضرب
او رزاله ودموع واهانة!
واكف يشرب مي من( الحب)واجا صوته الحقير
وهوه يهز بكرشة المُقرف
_اجا لسبع تعال هين ونطيني الي حصلته.
رد عليه بجمود وخوف وأرتباك!

_ليوم  ماحصلت شي ابو صلاح كال

قاطع كلامه ضربه معتاده ومتوقعة وصاح
_منين اجيبلكم انه سموم هاااااااا ليمتى تضل
فاهي لمتى؟
_اجا صوت امه وهيا تحجي بصوت عالي

_شنو انته لا ذمه ولا ضمير 10سنين عمره
يا ظالم وتخلي ويا زلام كبار متحمل شغلته
حسبي الله ونعم الوكيل.
اخذني من ايدي بقوه ورماني برا لبيت وامي تصيح.
وحجه بصوت حقير
_تروح هساع اريد فلوس من جوا لكاع متجيب فلوس مالك مكان هين فهمت

صوت امي وهيا تصيح عليه يتركني وصوتو يعلى عليها...و(سبعاوي ) يبجي وكفت على حيلي..
وكتله!

_اني رايح امي هين ايدك ماتمدها عليها
وسبعاوي لا تضربه هساع اجيبلك فلوس.
انه زلمه عمي
ومشيت رافع راسي
ولدمعه ماتنزل لرجال هيج اتعلمت اني

رحت لابو صالح بيتهم قريب على بيتنا.
لكيته واكف بلباب حجيت بدون مقدمات !!

_اريد بطيخ ابيعه بلمحطة

رد بأستغراب!!

_يابه انتَ هساع عفتني روح ارتاح تغدا
لعصر تعال.

_لا لا عمي نطيني بطيخ ابيعه واني وياك بلنص

_بويه علمودك انه لشمس نازله بلكاع