_في أرض ألسواد_

بَــارتـ الَثـاني.

في_أرض_السواد
للكاتبه|| عائشه العكيدي
(اللهم صلي على محمد وال محمد)♥️.

_____
._يلا امشونه ترا هلجت من الجوع اريد اكمل حتى
ارجع اكل لكمه.

مشينه احنى الاربعه بروح وحده بضحكه وحده
وحجايه وراي واحد
وصلنا المحطه ولحمدالله هواي ناس
اكمل عالعجل واروح للبيت ارتاح
خليت خشبه وثبتت جواها بلوكات كبار.
وبديت اصفط(ارتب)بلبطيخ كملت وكعدنا
ننتظر الرزق.

حامد يمسح تعرقات جبينه وانتجه على الحايط

وحجه بتعب
_رضوان اكلك هذا رجل امك ليمتى يضل وياك هيج.
وليمتى تضل متحمل

حجه وهوا مبتسم
_ابو صالح كال ابوي جان نشمي وسبع واني
اريد اصير مثله اتحمل شبيه ماتحمل
وعلى هذا مكدور عليه هل سكير

كريم_والله اني وياك اذا تريد تكتله وتخلص من شره

كمز حازم من مكان بعصبيه وحجه بصوت عالي
_خيييير انتَ مسودن يكتله وين راسك هذا
راح استجن احسلك يكتله بعدك بكد النعال وتفكر بلكتل

رضوان بـتعب _ سكتوا سكتوا هذا يكتل وهذا يصلخ خل نشوف رزقنه بويه اني اريد
ارجع للبيت راح اموت جوع وعطش ونزل راسه
يسمح تعرقات جبينه

_الساعه 4:30

بعد ماراحوا الويلاد كملت اني واخذت هل قاسمه
الله ورجعت لبيت ابو صلاح دكيت لباب واحس
راسي صار ويا دكت هل باب
احجي بيني وبين نفسي بتعب يول خيرك صير قوي وراك سوالف
انفتحت الباب واني شارد

_تفضل منو؟؟

صوت حرمه شلون راح اردلها ياالله
ضليت لابد بمكاني وحجيت بتعلثم

_اني رضوان واريد ابو صلاح
بعدها ماسمعت صوت واجاني
فتح الباب وسلم

_ها عمي كول
_عمي بعت البطيخات وهذا المقسوم

_لا عمي ماخذهن وجيت وجابك الله حتى
انطيك فليساتك مال ليوم

_عمي استعجلي انسلكت سلك

راح جاب لفلوس واجا سلمت عليه
واخذت الفلوس ورحت للبيت
من الجوع كلشي ماشوف.
طبيت البيت
شفت امي عيونها مورمه وكاعده
(وسبعاوي ) اخويه يبجي يمها والسكير
نايم
انحنيت عليها وحجيت بهدوء وتعب واني ابوس راسها

_يمه حبيبة شبيج وسبعاوي فغر خطية شوفي شبي
كومي حبيبه كومي

سحبتني لحضنها وصوت بجيها جان بأذني يرن رن
_شلون بيك يبعد امك اذا رحت اني

_عمرج الطويل يمه لا تحجين هيج وهسه
كومي خل نتوضى ونصلي
واريد شي اكله
ضحكت وهيا لوحيده من تضحك تريحيني
ابن ابوك
ماحجت غيرها وكامت شالت سبعاوي

عيوني راحت على سكفنه الواكع.
واتجهت على رجليه المنفوخه من الوكفه والحر
واخر شي اتجهت بغضب ناحيه ذلك النايم
كله بسببه مادري بسبب امي مادري الدنيا ماعدلت وياي خيرك يلوكت شاد حزامك عليه
كل هل أفكار قاطعها نسياني للصلاة
كمت على حيلي واني حيلي تعبان سبحت
ووتوضيت وصليت.

رفعت ايدي لرب العباد وانه الدمعه بعيني
وحيلي مهدود من الشفته وخايف من الي راح اشوفنه
ربي مكتوبه قسمتي يمك ربي وقابل بيها ماريد شي زايد ولا ناكص(ناقص).ربي انته حسبي وانته وكيلي
احفظها الي اريدها تضل الي ربي هيا مصدر قوتي
من بعدك. ربي ماريدها بس الي اخوي خطيه ربي قويني حتى اكدر اعيشهم وماامد ايدي لبشر ربي انه لا ابجي ولا انكسر ولا انهز اله بيدك
ربي ثبتني واحمدك واشكرك الهي

الحوار الدائم بينه وبين رب العباد
هوا ميهاب أحد ولا يخاف ولا يبجي
ولا ينكسراله كدام ربه
شلت السجاده وامي بضحكتها الحلوه.
جابت الزاد وكعدنه ناكل..
من الجوع حتى ماعرف شنو الاكل
كلشي طيبحتى المي مابي طعم
صار بي وطعمه طيب.
حجت امي بحنية

_يبعد امك هيج جوعان. عمت عيني عليك.
والله

_عيونج ماتنعمي واني موجود اضويها

.ردت بضحكه وكالت .
_ صاير شاعر واني مادري

_يمه هذا مو  شعر يمه ماتعرفين شني الغزل
وهذا داتغزل بطريقه مال واحد فاطس جوع وميعرف شيهرج

يمه هساع عوفينه من الغزل محتاجه شي اجيبنه وياي
من السوك.

قاطعنه صوته وهوا جاي

_اني اجيبن مسواك جيب الفلوس

نزلت راسي وانه استغفر ايد هزيتها
حتى يكع البقه بيها من التمن
وايد بتربعتي موجوده على رجلي الثانيه

.وحجيت بهدوء

_لا عمي انه انطيك مال مشروب ولباقي اني
اروح للسوك اسوك ارتاح انته بويه

صاح بوجهي وفاحت منه ريحة العرك.

_انتَ  شتهذري اكلك جيب لفلوس اني اروح
ومالك دخلّل

باوعت على امي وهزيت راسي بمعنى كومي من هنا
وكمت على حيلي وكفت كباله

طلعت من جيبي نص الفلوس وكتله
_هاك اخذ هذا الي حصلته

اخذهن وابتسم بمكر
_ربيعه شمحتاجين من السوك

رديت اني قبل ما امي ترد

_كلشي
وذا لكيت وياك يبعون الرجوله.اوزن
على كدرك.!!!!

______

الباقياتُ الصالحاتُ خيرٌ و ابقىٰ :
‏- سبحان الله.
‏- الحمد لله.
‏- لا اله الا الله.
‏- الله اكبر.
‏- سبحان الله وبحمده.
‏- سبحان الله العظيم.
‏- أستغفر الله وأتوب اليه.
‏- لا حول ولا قوة الا بالله.
‏- اللهم صل على نبينا محمد.
‏- لا اله الا انت سبحانك اني كنت من الظالمين.

دمتم في حفظ الخالق