_في أرض ألسواد_

35...

35.....

...باوعت عليه بصدمه...
ما توقعته لهل درجه يحبني..
عبالي نسه حبي...
بس لظاهر دا يزيد...
..
وكل ضنه جان عباله راح ارجع علمود رضوان..
وهوا مايدري صرت ماااطيق اشوف وجهه..
ورجعتي كلها علمود الجهال..
لأن أذا اخليهم يمه..
وع ايده وايد النسوان..
اكيد ماراح يحصلون غير الضرب والمهاين..
وراح يصيرون مثله ويمكن اسوء...
خل اكمل هل طريق الي دخلته..
بشي زين وهوا تربية هل أطفال هذول...
طريق اني اختاريته وبي رضوان وراح أكمله...
بدونه ونشاءالله اكدر اصير كلشي الهم...

...بأزدحام تفكيري وكفت وحجيت بهدوء..

.. فيصل انته ابن خالتي وغاليه عليه..
واني ماعندي اخ واعتبرتك اخ وصديق وكلشي...
لا تخلي هل شي ينهدم بلحظات...
تحبني صح بس حتى أذا صرت الك..
مراح اكدر انطيك الحب الي تريده..
صدكني راح تتعب ويا انسانه ماتت روحها..
قبل جسدها..
انطيت كل ماعندي مشاعر وحب لأنسان ماايستاهل واني اعترف..
ضيعت شبابي وشيبت لأجل انسان مو عاقل..
لسبب لا مني ولا منه..
هذا قدر ومكتوب وانه راضيه بالمكتوب وراح اكمل..
لخاطر أطفال الله خلاهم بطريقي..
ومستحيل اعوفهم لأي سبب كان..
فاااهم لأي سبب..
وباجر راح يجي جدي واروحن ويا...
لا تعاتب ولا تحجي اي شي.. لأن أي شي راح تكوله
مراح اخذ بي...
اعذرني ابن خالتي..
بس هذا المكتوب....

.. ردت اطلع ولزمني من أيدي..
درت وجهي عليه..
سحب ايدي لثانيه..
وباوع بعيوني وكال..

.. طول عمري واني احس بيج كلشي..
اب وأم وأخ واخت لكل إنسان يحتاججج انتي تصيريله كلشي..
وكل كلمه كلتيها اني وياج بيها.
روحي واني وياج مااعوفج.
وراح أضل مراقب هذا العار..
خاف يسوي شي...
ومن يروح تجين يمي هنا..
انتي والجهال فاهمه...
اني وياج ترف ومستحيل اعوفج لأي سبب كان.
فاهمه لأي سبب..

..وجر راسي وباسه..
..
كبل عفته وطلعت..
لكلام الي كلته ريحني..
وخلاني اعرف نفسي ان انه صدك بعد ماريد..
رضوان وكرهته..
مرات من كد التفكير بنفس لموضوع..
يشوش عندك كلشي حتى مشاعرك وتصير ماتعرف..
تميز حتى بحبك للشخص..
وليوم انه عرفت نفسي تخلصت من حب رضوان..
وطلعت من القفص الي جنت محبوسه بي.
طللعت..

.. رحت فرشت ومددت..
ضليت اتكلب كوه نمت..
وحسيت ع أذان لفجر

وكعدت جوعانه لأن ما تعشيت.
كمت ع كيف حطيت القوري ع النار
ورحت توضيت وصليت..
كملت..
وطلعت كعك وخاثر....
وحضرت لخبر ولصينيه....
ما احس إله صوت وراي..

فيصل.. كاعده من لصبح شعندج....!

.. لفت وجهي.
جان مرتجي ع الباب.
ومجتف ايده..

ابتسمت وكتله..

.. صباحك خير وعافيه..
كعدت هيا هاي كعدتي..
دائماً هيج وكت تلكاني كاعده...