_في أرض ألسواد_

، Partt_7_8

#في_أرض_السواد
٧________٨

البارت _______7________

عائشه العكيدي

وكال وهوا يباوع عليه..

..والله ماااخلي عايش..
ويومه كريب..

..ابوي ضل صافن عليه وترك ايده.
وامي جرتني وكفتني يمها...
واني لازمه سبعاوي والدموع عشره عشره..

ابو صالح..بويه اهدء نته وكولي شمالك..
وباوع عليه كال ترف يجيبي ماي واخذي سبعاوي وشهاب وروحي انتي وامج للبيت..

..سويت الي كاله ورحت وطول الطريق حاضنه سبعاوي وابجي امي اخذت شهاب وكلته ونام وانه غديت سبعاوي..
واحجي ويا..

ترف ..سبع شبي رضوان شسوالك..

..يضوان سوالي طح طح ميثل بابا تياي
(رضوان ضربني مثل بابا طلال)

..الله يساعدك يرضوان..
والله يصبرك..
اخذت سبعاوي نومته وتمددت يمه وتفكيري كله يم رضوان..

رضوان..عمي ابو صالح يحجي وياي وانه ولا يمه..
ومنزل راسي وجسمي يرجف والدم من خشمي مستمر حتى ما حاولت اوكفه..

..ابوصالح..ارفع راسك بويه مازين هيج.
وبعدين سولفلي شمالك..

..رفعت راسي وهوا جايبلي قطعه قماش خليتها عليه
واحسب على الي سويته شمالني ليش هيج سويت..
ليش ضربتهم ليش مديت ايدي على حرمه..
ابو صالح يحجي يحجي قاطعته..

..عمي اريد الجهال

..خاب اسكت اجيبهم يمك تحلم والله تحلم..
يجون يمك اذا ماسويت الي كتلك عليه تنسى الجهال..

.عمي هوا انته شكلت..

..لو تزوج لو تخليهم يمنه. ؟؟
شكلت بويه..

..ماخليهم يمكم ولا ازوج عوفني الله يخليك وامشينه نجيبهم..

..ترد كلمتي مشكور مشكور والله ..
وذا ما استجنيت وحك الله ابلغ عليك..

..ياصبررررر ايووووب يا صبررر ايوب..
عمي اريد اخوتي..

..تصيح بوجهي عفيه بزلمتي رايح انه بيك خير تعال اخذهم..

رضوان.عافني وراح وانه حسبه تجيبني وحسبه توديني.
وراسي احسه راح ينفجر امي دائماً من راسها يوجعها جانت تسوي لبن..
كمت بس دايخ اتجيت على الحايط و امشي..
سويت لبن وشربته..
ورجعت لمكاني ..
مادري شسوي ازوج...
لو اخليهم يمهم..
لا وين اخليهم اخوتي يمي..
بس انه مو مال زواج..
منو تقبل بيه ومنو ينطيني..
واني بتفكيري ..
عيوني راحت على غرفتها..
شفتها وختنكت..
كمت شفت مكان نومتها بعده..
رحت نمت بي ولازم صدري احس روحي تريد تطلع..

..يمه مخنوك حيل ومتعوب.
يمه انتي جنتي اداوين جروحي وينج..
ارجعي محتاجج ضليت احجي لاحد ماغفيت..