_في أرض ألسواد_

34....

...

.....
داحجي ودخل...
الحجي قاطعنه كلنه.....

... تعجبت بجيته...
وهوا ضل يباوع عليه..
واااشرلي بأيده َََ...
..
.. رحت يمه وكال..

.. ها رجعتلي تغردين..
وضحك..

.. باوعت عليه بجمود ورضوان جان صافن..
وفيصل كذالك...
..
حجه لحجي بعصبيه..
وبسرعه تغيرت ملامحه...
.
.. صخمان رضوان ما الك شغل بلبنيه..
لا عبالك اني غشيم كتلي طالع..
ترا اعرف ادروبك...
وتعال هنا ولك ساقط وين وديت المره..
ما تستحي انته ولك مااا تستحي يا طايح الحظ.

رضوان جدي...

... اسكت طاحظك وحظ جدك اسكت..
مرمرتني ومرمرت البنيه وهسه هذا الولد وأمه..
المره هسه تجي ويلا هسه كدامي..
وووحق لحق إذا مااجت الزمك بنعال.
واهينَك اهانه تسوه عمرك يلاااااا.....

.. راح رضوان بدون ميحجي حرف..
وطلع..
وفيصل وره..
جدي لزم ايدي وجر الكراسي..

.. وكعد وكال كعدي..
.. كعدت..

.. وصار يحجي...

.. شوفي ترفه كل لصار بيج مكتوب وداعتج.
الله هيج راد هاي إرادته صدكي..
احنى حياتنه مكتوب من يوم إلي ولدنا لاحد مانموت..
كلشي مكتوب بيها فخلي عندج قناعه ان الله سبحانه وتعالى مدام كل هذا راضي بي هاهيه اتكلي عليه والله هوا الكريم...
بنيتي اني المفروض أكلج روحي لأهلج وعوفي هذا لخبل..
بس والله ماكدر اكولها..
لا اني اكدر ع فراكج ولا الجهال ولا حتى رضوان َ..
لو تشوفين شسوه وراج..
الزلمه من يبجي ع مره يعني يحبها ويعشكه هم...
صح اذااج بس هذا هوا طبعه طاحظه وين ما صاد وجهه.. ي نرجع لموضوعنه.
اني مااجاي أجرج من ايدج ويلا امشي وياي لا حبيبه.
ولا جاي احنن كلبج ع رضوان.
كل جيتي ع مود الجهال...
محد الهم غيرج باجر يزوج ويضلون بين هذا وذاك..
وانتي الج حياتج.
اريدج ترجعين وياي ابيتي والجهال يمي..
وانتي هم بين مايخلص لعرس وهوا يسافر..
ترجعين لبيتج معززه مكرمه وذا يريدون اهلج يجون يمج هم عادي..
وبهذا الشارب ازينه بلقندره إذا ماخليتج ادرسين وتصيرين احسن منه ومن ابو وبعد ماتعتازين لأحد غير الله ولنفسج.
ارجعي علمودهم خطيه..
ما الهم غيرج. واني ماضغط عليج راح اخليج تفكرين وباجر هم اجيج..
..

بس خل يجيب المره مادري وين وداها...

ترف.. أني مااحجيت شي جنت بس استمع..
والكلام ماردت ارد عليه إلا بعد تفكير.

.. شويه وطب فيصل ورضوان وخالتي كبل كمت بوجهه وبستهه..

خالتي... ولج جنت غايبه البلد شبيكم مخروعين.
ولحجي يمنه اهلا وسهلا حجي ليش كاعد برا.....

.. واحد ضل صافن ع الثاني وباوعت ع رضوان ابتسم..
وفيصل باوع عليه بغضب...

لحجي.... ليش انتي وين جنتي..؟؟