_في أرض ألسواد_

Partt_11

#في_أرض_السواد
للكاتبه عائشه العكيدي

البارت __________11________

مر اسبوع جن دهرر.
متنه وره وسبعاوي صار يعرفه ويفتقده..
واحنى لا بليد حيله لا نعرف مكانه وين.
وكلبنه السلف كلاب..
ماكو أثر اله ...
حتى الويلاد للرمادي راحو وهم مالكو..

..حازم نكعد انه والويلاد يم الشط المغربيه..
وره ماانتعب من كد ماندرو ..
نضل نفكر وين ممكن يروح..
وييين كلبنه الدنيا عليه وماكو..

ترف..مر الاسبوع الثاني ..
وعلى نفس الحاله..
متنه وضلينه بس جسد بلا روح..
انه حالتي من سوء لسوء..
وشكد ماااحاول اكوم اكف على رجليه..
اكع وارجع بلفراش وامي ضليت ويا الجهال..
ابوي زاد الشيب براسه..
وصار هادئ وبس كاعده وحيده..
ومايحجي واكله قليل ..
وحالنا كلنه هيج وره..
عافيتنه وضحكاتنه وسوالفنه.
كلها راحت ...

يوم الخميس ..1952/10/15
الساعه 4:30 الهوا عذب ..
وبي بروده يجنن..
كاعده اني والجهال..
واذكرت اليوم عيد ميلاده..
اليوم اجا على هل دنيا..
من اول يوم اله بهل دنيا متعذب..
ولحد هسه صار عمره 20سنه ..
كبر بعز شبابه..
لمفروض الضحكه ما تفاركه..
ويحب وينحب..
ويعيش عشرينه..
هوا الشيب كاتله ..
وعمره تكول بثلاثين..
مكسور متعوب ...
..
مره سبوعين وقرب موعد عرسنه وهوا ماكو..
وره انه ضعفت..
وشيب ترس راسي..
والابتسامه نسيتها..
اضحك جذب ويا الجهال..
سبوعين وكضيت لو اضل أكثر شلون٠..
عرفت ان ماكدر اعوفه لو اموت قبله ..
لو اضل عايشه ويا حتى لو بذل حبي اله جان ..
اكبر من كرامتي وعزت نفسي..
شي اكبر من الحب عشكته..
..
كاعده وبهل جو الحلو..
باوعت على السما ..
ونزلت دموعي..
ودعيت ربي يرجعلي..
لو بس اسمع صوته اشوفن طوله..
حتى اذا اطلك منه ويضل ابيته واعرف أن موجود بسلفنه..
قابله وحك الله قابله ..
جنت كاعده وحيدي بس انه والجهال..
ومحد اكو ابوي برا ..
وامي يم الخياطه.
وحاطه الجهال وكاعده..
اندك الباب..
وكومت سبعاوي يفتحها..

..كوم سبع افتح الباب..
كام ركض فتحها وصاااح
يضوان يضوان..
اجا يضوووووووووان.

..سمعت صوته وهوا يكول هلا هلا بسبعي ويضحك..
شلت شهاب وكمت.
رجلي مايتحركن....
كوه مشيتهن. ..
كلبي يدك..
جسمي يرجف..
ابتسامه ودمعه..
رضوان رجع يروحي رجعلج معشوكجج..
وصلت يمه..
باوعت عليه وعلى تفاصيله..
والدموع تنزل ..
أخذ شهاب من ايدي باسه..
وانه صافنه بي ..
انطه شهاب للي يمه ..
وانه مادري منو موجود ..
ومنو طب وره ..
بس صافنه بي..
وابجي..
جرني لحضنه..
وحضني بقوه ايديه..
واني ما رفعت ايدي.
وحضنته...

..حلم هذا مو رضوان حلم مثل كل البقيه حلمممم منو.
ردلي بأذني..

..مشتاكلج وحك الله..
مشتاكلج يمسودنه مشتاكلج..

..بجيت بصوت عااالي..
وانه بحضنه واضرب بي على ظهره.
من قهري وشوكي..
اله ..
جنت مغمضه وابجي..