_في أرض ألسواد_

البَـارتـ الرابـع.

#في_أرض_السواد
للكاتبه عائشه العكيدي
(اللهم صلي على محمد وال محمد )♥️.
______________

وياريت ماشفتها
اني ذاك الماشاف بس امه
شافها ضليت صافن بوجهه
مو حرمه بووووويه
اداركت الأمر ونزلت راسي
بس الصراحه اخذت نظره مو حلوه
عليها شلون حرمه تفتح لباب وتكف
كدام زلمه هيج
وين كاعدين احنى
ضليت بصفنتي لأحد ما اجا ابو صالح
تفاهمت ويا على الشغل و رجعت للبيت
وانه راسي مفتر من وراها عيونها كبااار وصفر
خشمها تكول مسطره
وحلكها صغير بس حلو
بيضه
شبيك اثكل يول شبيك
وحرام عليك تضل تفكر بحرمه..
ما يجوز الك
وضليت بتفكيري لأحد ماوصلت للبيت
طبعاً ابو صالح بس اسم ماعنده ولد
من الصغر أخذ هل لقب وضل عليه
ومنتظر صالح خلفته بس بنات

وصلت لبيت ولكيت امي تحظر بلعشه وسبعاوي.
كاعد يمها سبعاوي من امي ابوي بس اني اله
(الله يرحمه) صليت العشه وكعدت العب بسبعاوي واحجي ويا امي

_اكلج يمه طلال وين انكلع شو لا حس ولا خبر

_يبعد امك شجاب طاري هسه خلينه كاعدين

_لا يمه بس سئلت ..زين اكلج يمه هذا ابو صالح جم بنيه عنده

_وليش تسئل مو عوايدك يول..

_رديت بأرتباك
لا غاليه بس شني اسئل هيج فضول لان خطيه بس بنات وكوم ماعنده ولد

ابتسمت وحجت..
_هااا يعني بس هيج اي اذ هيج زين
عنده ترف الجبيره وترفه الوسطانيه
بس ثنين يمه ماعنده غيرهن..

_زين يمه كبار كبار لو بكدي..

_لا يمه وين اني حبلت ومرت ابو صالح
تغار تدري وراي حبلت ماكو فرق بينكم يمه

_هااا خوش كومي جيبي الزاد خلي اكل والف راسي وانام باجر وراي طلعه من الفجر

_اي يمه غير انته مدري شجاك بس تسئل.
وانه اجاوبك

كامت جابت الأكل وكعدنه نحجي سبعاوي نام بحضني
واني ضليت اسئل امي واحجي وياها.

_يمه ابوي شلون مات وليش .
ازوجتي غيره
حسيت امي بلعت الكمه كوه
وحجت

يمه شلك بهل سوالف شكو ليوم
بس تسئل مضيع شي .

_ نكلبت خلقتج هوا سؤال

_لا يمه هيج اسئله تسد النفس
وتضيك الخلك عوفنه منها وجافينه شرهاا..

_. ايباااااه يمه هيج طاري ابوي يضايكج..
ليش شمسويلج.

_رضوان يمه شبيك ترا اني مالي خلك سوالف
شو انطيني سبعاوي خل اروح انخمد احسلي

_صلي علنبي يمه بعد مااسئل وللو عجيب امرج..
بس امري لله كعدي حبيبه كعدي ماتنفتح نفسي
الا وياج

_رضت وكعدت ضلينه نحجي
لأحد ماشفتها كامت تغفي
خليتها تاخذ سبعاوي لان رجلي خدرت
وتروح لغرفتها
احنى بيتنه صغير كلش ومبني بلطين.
مثل بيوت الحي الباقيه..
غرفه لأمي وستقبال طويل
ولمطبخ وبرا حوشنه (لحديقه) لحوش مالنه..
زارع بي خضراوت صغير صح بس جنه بعيوني
بمغيب الشمس والخضارر كدامك وكاعد على الكرويته.
كلاص الجاي بيدك تسوه قصور.
امي راحت نامت وانه حل عليه التعب وغفيت
واحس بثقل عَ جسمي غريب نمت بأنزعاج