_في أرض ألسواد_

28.....

28.....

... كمت من يمهم..
ورحت أخذت الجهال..

.. وصعدت..
صارت بوجهي وجدان..
اول ماشافتني حجت...

.. ترف وين جنتي اليل كله ادور عليج..
وهسه صعدت هم ماكو...

.. جنت بجهنم..

.. يا هاي شبيج ترف اني شكلت..

.. باوعت عليها..
وصعدت مابيه احجي ويا احد..

.. كعدت الجهال..
وكعدت انتظره يصعد..

.. اتأخر يلا صعد..
اول ماطب راح للكنتور ياخذ ملابس..

... حجيت بترردد..
... وين تريد اتسافر...

.. ما باوع عليه ضحك ويا شهاب ولعب بشعره وحجه...

.. ادرس بمصر

..ليش مصر...
ليش مو هنا..
واني والجهال...

.. اولا هذا شي يخصني هنا لو بمصر..
وثانياً..
انتي تريدين تروحين الله وياج..
اجيب غيرج تربيهم....
وثالثاً..
مراح نضل هين راح نشيل للبيت مالتي...

.... مشيت بخطوات خيبه وفقدان نفس وكلب..
وكفت بوجهه ماجانت تبعد عنه غير خطوه..

... ليش ليش رضوان...
شنو ذنبي.. ذنبي وياك شنووو
شنو بدر مني غير لزين لخاطرك..
ضيعت شبابي ولشيب مله راسي..
وياك ولك ليش.
هيج خليتني بلا كرامه بلا احساس..
بلا وجود ضرب..
وأخذت حيفك..
عدم لا مبالاة..
ونته كتله منها...
ردت الك سند عوز وكت ماطيح.
صرتلي ناررررر.
ضربت ع كلبي...

.. لان هذا رادك ولك لأن هذا رااااادك ذليتني...
ولك لييييييش..
ليششششش..
كمت الطم ع وجهي..
بهستريه...
ليش شويت وهيج اجازيني ليش..
صرتلك كلشي وانطيتك عمري...
و كلبي وروحي وانطيتك شبابي..
وانطيتك كلشي...
هاي مجازاااااتي....
هااااي....
و تقربت عليه..
صرت اضرب على صدره.
بكل ماعندي قوه..
وهوا جامد بس يباوع...
روووح اتعبت منك...رووووح..
ضيعتني الله لا ينطيك ولا يوفقك...
الله ياخذني واااخلص...
ولك الله ياخذني..

.. بقوه سد حلكي...
وصاحح.

.. كاااافي كااااااافي..
لا تكولين اموت لاتكولين.
خليني انه اموت ولا انتي...
اش اش ترف كافي تحجين اش..

.. وخرت ايده بقوه وصحت..
.. شنو وو الكافي شنووووو
شسوي بعمري..
شسوووي وين اروح..
و ووين

.. فرك ع راسه بقوه..
وضل يحجي حجي ممفهموم..
عيونه صارت حمر..
..
تقرب عليه ولزم اجتافي....

.. اصيرلج كلشي بس لاتعوفيني...

.. باوعت ع عيونه بستغراب وقلق..
.. مو كلت اجيب وحده غيرج مو هذا كلامك...

.. حضني بكل قوته...
حسيت عضامي راح تتكسر..
واسمع صوت شهكاته...
جتوفه صارت تهتز..
وصار مثل الطفل يبجي.....