_في أرض ألسواد_

Partt_15

#في_أرض_السواد
للكاتبه عائشه العكيدي...
البارت_________15_________

...ضلينه نضحك ونسولف..
وانه وابرار وبنات عمها ..
كلش ارتاحيت وياهن وحسيتهن لان نفس عمري..
قريبات عليه ..
صبينه الغدا وساعدتهم همه منعوني بس انه ماكدر على نفسي..
كعدنه كلنه سره واحد وووحده تحجي ويا ثانيه ..
بسكاتي على العجايز ونضحك على سوالفهن..

..لاحد وحده من العجايز كمزت من يمها وحجت..

..هاااا يخايبات وين وصلتن الشامه لو الكصايب..

..هنا احنى طكيناها بضحكه يمكن وصلت راس الشارع .
بنات وسره واحد ومشاءالله ابد منضحك عالي..

..ما خفت رضوان يرزلني اذا سئل اكله هنا ضحكن مو انه..
ضلينه مستمرين..
كملنه غدا وغسلن مواعين..
وشربنه جاي عفنه العجايز وورحنه لغرفة البناات..
وشهاب وياي نومته.

..ابرار..حيل ارتاحيت لترف اول مره اشوفهه بس سامعه بيها هواي..
حجيها وضحكتها كله حلوه بيها اليحجي وياها يرتاح..
كلت خلي اكول الها على الديصير وياي..
مبينه امينه وماتحجي وهم تساعدني بما انو مزوجه..
ورضوان صديق حازم ..
سئلت نور قبل لا احجي ..
ترف جانت ملتهيه ويا بنات عمي..

ابرار..نور راح اكول لترف عسى ولعل تساعدني..
شتكولين..

نور..ديربالج مسودنه تحجين هيج شي لوحده غريبه..
ماتكولين باجر عكبه تحجي تسولف..
هوا انتي ماردتي تحجين لأمج تحجين لهاي..
دروحي بابا روحي..

ابرار..نور بس مبينه خوش بنيه ولبشر يبين من وجهه؟؟

نور..لا تغرج المظاهر داده لا تغرج تالتها مثل غيرها.
هم لسان وهم تحجي اكعدي واسكتي..

ابرار..ماقتنعت بكلامه بس ماحجيت..

ترف..تونست وياهم بس لازم ارجع..
لبيتي ضلينه وره الغدا شويه ورضوان صاح عليه.
سلمت وقبل لا اطلع..
ام ابرار وكل الموجودين حجو..

..عيديها حبيبه كعدتج ماتنمل..

..انه ابتسمت واجتي ابرار ..
حضنتني وحجت بصوت ناصي .

..لاتكطعين اريدج بشغله..

بوستها وطلعت رضوان منتظرني..
تلكاني..

..انه شكلت على الصوت ولج..

..هاي مو انه؟؟

.. ابوي جان يضحك جوا وصوته واصل مكه انه الج..

..شلت العبايه مني وكتله..
شو دحك عليه ..
صد وجهه ..
...شمالك انته شمالك..

رد عليه وهوا يلزم ايدي حيل .
..امشي فضحتينه

..مشينه وصلنا البيت اول ماطبينه..
حجه بصوت عالي..

..شو ترفعين صوتج ولج..