_في أرض ألسواد_

Partt_10

#في_أرض_السواد
للكاتبه عائشه العكيدي

البارت________10_______

.بتفكيري وشرودي..
طلع من الحمام يمشي بهدوء وينشف...
بشعره...
باوع عليه بنظره سريعه وصد وجهه.
ماحجه اي شي ولا اني ..

قدم رجله خطوه
ووكف انه على وكفتي..
يم باب الي تطلع على الحديقه..
حجيت بهدوء وترردد..

..خل نروح الجهال هسه ..
قاطعني واحسه جان منتظر احجي..

..انه مادري شسويت وماتنعاد..
لحظه شيطان وصارت ...
ودار وجهه لبس برجله وكال امشينه..

..ليش انه مو مرتك ليش تبرر وجن وحده غريبه..
السويته لا عيب ولا حرام ..

..لازم عجبج واعترضتي على الحجيتو؟..

..تقربت عليه وعيوني مليانه دموووع..
احس جن خنجر وضربني بي مو حجايه
حجيت بخنكه..

.انته بشررر !

فتح عيونه عليه وتقرب ولزم ايدي بكل قوتها..
وايد لزم وجهي بقوه وانه دموعي ماتكدرت اسيطر علييهن مثل كل مره..

..حجه هوا يكززز على سنونه..

..!حلفت مااامد ايدي عليج ..
فلتخليني هساع اطلعج جنازه فاهمه...

شاله ايديه وابتعد عني...
لزمت ايدي الجان لازمني منها..
جانت توجعني..
ابتسمت ويا دموعي ..
وباوعت عليه بقهر..

...شنو ذنبي وياك..

شنووو ذنبي لان حبيتك لان اعتبرتك كلشي الي..
يوم زين وعشره لا شنو ذنبي رضوان..
انه اكلك شنو ذنبي.
ذنبي لاني وحده مابيها حظ وغبيه..
وحده مشت وره كلبها..
وعواطفها وحبت واحد مثلك دافن نفسه بلماضي..
تأذي الميت بيك وللللك والله حرام عليك ..
تأذيت انته وأذيتني وياك ..
بس ليش ما تراجع نفسك ليش ما تبني حياة جديده ...
لا كتل ولا عصبيه ولا تفكر بشي غير اخوانك ونفسك..
عيش ترا كاضيه واحنى كضينه وياها..
يابن الناس من هسه اعتبرني اختك .
اهتم بلجهال والي تطلبه اسوي ..
واعيش وياك علمودهم مو علمودك..
كلبي انلجم وبطل يحب..
الذنب مو ذنبك الذنب ذنبي انه توهمت على سوالف ..
ماصير والجهال اشوفهم كدامي يكبرون...
ويعتمدون على نفسهم وذاك الوكت بعد ماشوف وجهي..
وصدكني يرضوان انه مو ذيج الترف الخالها ابالك..
صدكني كلها تغيرت...
بس انته ضليت وماتتغير
وهذا آخر كلامي وياك ..
تعبت والتعبني انته..
لبست عباتي..
ومسحت ادموعي
ومشيت من يمه..
صاح تعاي انه ماجاوبت فتحت الباب ومشيت

رضوان..ليش هيج سويت شمالني..
حسيت بكسرتها ويا كل دمعه وشهكه..
وكلمه كالتها حسيت بيها وانه الغلطان مو هيا..
حجت بنبره خلتني ااراجع نفسي الف مره بهل دقايق..
عافتني وراحت ماخلتني احجي طلعت وراها..
بس ردتها تكف ..
ماوكفت وصلنه لبيت..
وعمي جان كاعد بلحديقه..
ويا عمتي والجهاال وهيا طبت ركض..
صاحوني أكعد يمهم وانه عيني عليها..
عتذرت منهم واخذت سبعاوي وطلعت..
رحت لحازم لكيته كاعد وحيده..