_في أرض ألسواد_

Partt_18

..#في_ارض_السواد
الكاتبه عائشه العكيدي

بارت _18____

كمت من مجاني وصحت..

...شمالها..

ابو صالح..عمي تعال الحك وكعت من طولها..
وانه وامه حتى حيل مابينه..

...عفت الكل وركضت..
ماتصورت اخاف عليها لهدرجه..
ماتصورت ان اني احبنها اصلاً..
اركض وتركض وياي كل ضحكه منها ..
ودموع..
وزعل ..

..وصلت الها ودخلت جفت حتى مادكيت الباب..

..لكيتها بحضن امهه ..

..كعدت واخذتها الي..
وضليت اضرب بيها على خدها وارش مي عليها...

واحجي بخوف وتوتر..

..ول يابه شمالج كومي ول كووووومي..

شبيها عمه شبيها ..

..والله مادري شو اجتي وسلمت عليه وكلشي ماكو..
رحت للغرفه اجيت لكيتها طايحه..

..عمه البسي عباتج وروحي لأم كريم كولي الها خل تجي هين بسرعه..
انه راح اضل هين..

..كامت وانه ضليت كاعد يمها ..
وكل شويه اخلي راسي على صدرها..
اشوف بيها نفس لو لا..

..شويه واجتي ام كريم وطلعتني برا..
وضلوا يمها جوا..
ضليت احوس منه ومنه..

طلعت لكيت ابوها والويلاد كلهم برا..سئلوني..
وجانت إجابتي..

..بوجهي مبينه بدون ماحجي.

حجه هشام..

..نشاءالله مابيها شي بس كول يالله..

..يالله يا الله ..
واتجهت انظاري على ابو صالح ..

..عمي زين هيا اكلت شي يمكم أحد ضوجهه أحد سوالها شي .

ابو صالح..والله عمي اجتي بلهله والمرحبا و يم الجهال ضلت وتضحك وماحجينه شي واصلا ماكو شي يغثها حتى نحجي لحالها ذبت من راسها وطاحت..

فتحت عيوني عليه..

..نوب ذبت من راسها بويه شمالها..
خايف لا افكدها مثل ما فكدت ابوي وامي..
صار كدرها هيج مثلهم..

..كعدت بس كوه وتأخرت ام كريم ..
وانه القلق كاتلني..

ربع ساعه صارت عليه دهر طلعت تحجي ويا امهه..
ومندمجات خليتها تروح عيب اكومن اسئلها خليتها تروح و رحت لامه..

..شمالها عمه شبيها ترف.

..ابتسمت وضربت على جتفي.
وكالت اكو احد بلديوانيه..

..اي عمه الويلاد كولي شمالها مخ ما ضل براسي..

..ترف حامل يرضوان بلمبارك عليهم..
وهلهلت كدامي..

..وانه ضليت صافن..

..شني اصير اب افرح احزن ..
شمالني انصطرت..
وانه عشت دور الاب قبل موعده بس هساع راح يصيرن صدك ..