_في أرض ألسواد_

Partt_14

#في_أرض_السواد
للكاتبه عائشه العكيدي..

البارت__________14_________

...اجاني مدماي يدور ..
على التوثيه ويصيح وينها..
وانه ادور على شهاب..
واسئل عليه ..
اسئل وهوا يصيح وينها..
سبعاوي كام يكمز ويبجي من منظر رضوان

..لكاها وطلع يركض طلعت وره مهلوعه..
اصيح شهاب وينه صوتي يطلع كوه ..
وسبعاوي لحكني شلته اريد اسكته.
وانه حايره لبست عباتي و طلعت ماكدرت اتحمل اضل بلبيت..

الدنيا مكلوبه برا وناس ماتنعد وشفت أحد اعرفه قفلت الباب وشلت سبعاوي وركضت لبيت اهلي..
نسوان بشارع وجهال تصيح عركه عركه..
وانه كلشي مامفتهمه وصلت بيت اهلي..
امي تلكتني وخالاتي وجهن اصفر ومايتفسر .
اصيح شكو شكو محد يرد كلها ساكته..

خليت سبعاوي يم وحده من بنات خالاتي...
وطلعت اشوف سالفه شني مانتظر احد يجيني...

طلعت وصلت مكان العركه زلم كوم ماكدرت اصل أكثر..
لمحت صحبان رضوان بس هوا ماكو..
اريدن شهاب بس اريدن اشوفه..

..ماحس غير أحد لزمني من جتفي بقوه..
جفلت

..شجابج هين شجابجججج
..صاح بعلو صوت ومن ضجةة الناس محد سمع..

حجيت بخوف..
وعيوني مدمعه
..اريد شهاب وينه

....جرني بقوه وحجه..
..حسابج بعدين..
واخذني للبيت ..
..وقفل الباب من براا وراح..

..نوب سبعاوي ضل هناك ..
وشهاب ماكو وانه مامفتهمه شي السالفه..
ضليت افتر..
امشي منه ومنه ..
واكل بسنوني..
خوف قلل شعور ما عرف شوصفه
من خوفي حتى ماكدر ابجي..
غصه بكلبي جبيره..
بس ماكدر ابجي.

ضليت افتر طلعت للحديقه..
كعدت على الكرويته..
وضليت الطم على رجلي..

..سمعت الباب انفتح..
كمزت من مكاني.

طب وشكو غضب منزل..
بي حسيت بحرارة جسمه..
..

تلكيته.. شهاب رضوان وينه
اول ما تقرب عليه ضربني راشدي..
فر راسي فر..

..شطلعججججججج..
شطلعججججج.
زلم متروسه تطلعين تريدهم يشوفوج..
وبدأ يضرب ..
ماخله مكان يعتب عليه.
شعري من الجر..
حسيته راح كله بأيده..
برجله على بطني وظهري..
حسيت بروحي راح تطلع..
حتى ماكدر احجي او ادافع..
آخر ضربه شالني من شعري ..
وبكل قوته ركعني بلحايط..

مادري منو اجا وشاله مني ..
نهضت نفسي..
ورجعت ليورا...
شفت امي وابوي..
واكفين وابوي حاطه على الحايط..
ويرزل بي..
وامي اجتي يمي..
تحجي وياي ماسمع احس نفسي اطرشيت..
من الضرب على راسي..

توجهت انظار امي على رجلي بصدمه..
وانه وياها..
باوعت دم مالي رجلي ملي..
رفعت راسي ..
اله وهوا هم جان منتبهه على الدم..
كلهم صارو فوكاي..
ماسمع شيحجون..
بس اشوفهم بصوره مو واضحه..
احس غشاء ومله عيوني خلاني ..
اشوف كلشي كدامي شفاف..
نسوان اجتي..
احس بألم بس ماكدر اصيح..
ولا اكدر احجي واكول كافي..