_في أرض ألسواد_

26..

26....

.. جريتها من شعرها بقوه..
ووكعتها بلكاع...
وطلعت بيها كل قهري...
وبجي بجيته...

.. رضوان يجر بيه وأنه ماااتحرك من مجاني..
شكد حاول وكام يصيح.

.. طلعوا العائله الكريمه كلها...

.وانه أصيح..

.. ام الزلم واغلط بدون وعي...

.. كلهن رادن يجن عليه.
بس رضوان وكف بوجهن..
ولزمني حاول يوخرني..
بس ماكدر...

وهيا اصيييح..

.. وخروها راح تكتل ابني وخررروها..

.. من سمعت هيج كالت..
كبل كمت وأنه الهث وباوع عليها.
حامل؟؟

.. بس كمت منها هيا كامت تغلط وتتحسب...
نزلوا الولد ع الصياااح الصار..

.. رضوان وكف وحاط ايده ع راسه..
وأنه خفت لا الطفل..
وكع..

..بصفنتي هاي..
نضربت راشدي فر راسي...
باوعت وعيوني مدمعه...

.. رجال ماعرفه ولابس عسكري...
ومااشايفته ابد...

.. وكف رضوان ع حيله.
ودفعه...

.. ابن الكلب تضرب مرتي ساااقط ارعن....
ولولد لزموا..

..حجه لولد بصوت عالي.

.. مادري منين اجيتونه وكل لمشاكل مو وراكم.
والله اذا صار شي بطفل ماتلوم نفسك لا انته ولا هاي...

.. لا اجيب طاريها ع السانك ياااعار..
هدددوني انتو لا وحق محمد احطكم ويا....

.. هشام.. استهدي بالله يمعود وعوفه.
بس هل نفتهم السالفه...

....
.. ترف.. واكفه واتفرج..
ماحس إله وحده اجتي لزمت ايدي بقوه وتريد تضربني..

.بس كلشي من سمعت صوته..
صوته وكف لكل..
نسوان زلم كلها نزلت روسها..

.. صاير بيتي مكان لاستعراض القوات مو...

حجت ام رأس..

.. حجي كل البله منهم..

... انتي بالذات تسكتين وهسه
ماريد اشوف وحده هنااا كلجن جوا.
ونتو هم ترف ورجلها وصكر وراي.

.. كلها سمعت كلامه.
تقدم عليه ولزمني من أيدي وابتسم.
ومشه وهمه واحد يريد ياكل لثاني وره يمشون..

كعد وكعدني يمه..

.. بس ما خله رضوان وهذا الي اسمه صكر يكعدون..
وكفو ثنينهم كباله....

.. صكر أضخم من رضوان وأطول
وكف وحط أيده وره ظهرهه ومنتظر جده يحجي..
ورضوان ابتعد عنه..

..احجي بنيتي شصار...

..اباوع ع رضوان واحجي..
.. عمي شفتهم واحد لازك بلثاني ويحجون...
ويضحكون ماتحَملت وضربتها ولو ادري بيها حامل..
مجان اتقربت منها لأن اني هم فقدت طفل بسبب الضرب..