_في أرض ألسواد_

بارت 42...

بارت؛ 42

...وطلعنه..

قاطع حبل ذكرياتي صوت سبعاوي وهوا يكول.

... يمه كومي اريد مي..
حتى أطلع يم الويلاد.

... تطلع يم منو!!!

.. يم الويلاد يمه يلاااا راح اتأخر

... اخوك رضوان مااعتب عليك...
كمت حضرتله المي وحضر نفسه وطلع..

.. رجعت لكيت شهاب يفرك بعيونه..
شلته وكمت ابوس بي..

.. وغسلت إله وبدلت إله..
ولبست عباتي. َ.

.. وطلعت للبيت الجبير.
وصار كبالي صكر..

..
صكر.. ها ترف هسه أجيت اخذج.

.. كلها عافتني وراحت وانتظرت شهاب يكعد حتى اجي..

.. خوش أكلج ترف اريدج بشغله عادي تودين شهاب يم البنات وتطلعين..

.... هسه راح اودي واجيك انتظرني..

... منتظرج لا اطولين..

ترف.. رحت خليت شهاب يم وجدان وطلعت..

ولكيت جدي كاعد سلمت عليه..
وكلي..

... انصحي بنيتي بلي يريحه لأن مهموم وما لكه غيرج..

.. صفنت عليه وكتله...

.... جدي شبي صكر!!!!

... يبعد جدج روحي هوا خل يحجي الج....

.. طلعت وجان واكف..
اول ماوصلت يمه كتله..

... صكر ليوم مو ع اساس التحاق ..

جر نفس طويل ورجعه بتعب...
وحجه..

.. لا باجر نزول للولد واني أخذت إذن ونزلت قبلهم امشي ترف نروح للمزرعه ونحجي هنا مختنك..

ترف.. يلا امشي..

.. مشينه وبدأ يحجي من وحده..

صكر... ترف مالكيت غيرج احجيلها لأن الي محمل ضيم وقهر يكولون يفهم الكل..
وذا كلت الهذني السعلوات تصير سيرتي بكل مكان..
واتمنى تسمعيني وتصيرين وياي..

ترف... احجي صكر قلقتني..؟؟

.. ترف اني مو اجي لبيت جدي هواي..
وهم اغلبية وقتي لو هنا لو بلدوام...
فـ هامل حور حيل ترف حيل هاملها...
.
وسبب هل إهمال اكتشفتها تخوني..
ماادري اكول حقها لأن الإهمال مني..
لو اصير ضدها واكول لازم تتحمل بحكم شغلي وانشغالاتي...
ماادري ترف انفر راسي فر..

ترف... شلون شفتها تخونك شفت شي بعينك؟

.. طبيت للبيت وسمعتها تحجي من وره لبيت..
وي منو تحجي قابل ويا امي؟؟

ترف.. هل موضوع يرادله تفكير وعدم تهور يمكن نطلع ضالمينها..
يمكن تحجي وي جيرانكم لا تحكم ع شي قبل لتلزم وتشوف بعينك...