_في أرض ألسواد_

39....

.39‪.....

.... ترف حامل...

ضلن ساكتات..
ماحجن...
صحت بيهن...

.. احجنننن لا تعرفن شسوي....!!!

.. وجدان... خويه جيهان هيج شاكه لا أكثر..

. عفتهن وطلعت رحت كعدت يمهم..
وبااالي يم لموضوع..
عود صدك حامل..
وحتى إذا حامل..
هاي مااتدري بنفسها ثوله...

... ضليت فكر يؤدي وفكر يجيب..
..
باوعت ع حازم يغمزلي بمعنى شكو؟
..
بس هوا ليعرف علتي عضيدي..
بعد..

.. كمت وااشرت إله يكوم وراي..
..
وصدك ولكيته وراي...

.. طلعنه كبل يم لسيارات..
..
.. حازم... خيرك خويه شو مو جنك رضوان القديم...

رضوان... عندك جكاره؟؟

.. حازم.. أي لصبح لفيتهن..
بس شعجب تشرب؟؟

... انطيني ولا تحجي زااايد.....

... أنطاني وهاي اول مره احط الجكاره بحلكي...
خنكتني بس سحبت نفس قووووي رغم اذيتة لصدري...

. حازم... عوفها خويه مااتناسبك..
بعد لا تشرب...

... انطيني وحده ثانيه...؟

حازم.... شمالك رضوان شوف وجهك شلون صار..
عوفهن و احجي العندك انه هين حتى اسمعك.

... انطيني لا أكفر بيك هسااااع...

... جريت الثانيه...
وحجيت وأنه اكحح من الدخان..

... خويه احس جناحي مكسور...
شلون داااموت......

وكف مقابيلي وضحك...

... رضوان انته لو أهل بغداد أثروا عليك خويه احجي...

... مو وكتها هيييي إلي بيه مكفيني....

... خويه احجي انه اسمع...

.. أخذ حسره جبيره..
وحجيتله كلشي...
لأحد آخر موقف ليوم...
ما خليت شي بكلبي مضموم...
سفري وحتى ع شكي بترف هم كتله مااتحملت كل هل ضغوط..

ضل صافن عليه ومااحجه الا كملت كلشي...

.... هاي شصااااير بيك يول..
شصااااير..
صدك تحجي انته رضوان الي اعرفه...
صدكككك يعضيدي ماا خبنتك هيج ابد...
يول هيج اتسوي بلي عافت لكل لأجل انته تفرح...

.. رضوان... لا تصير.. بعدني اريد اكمل وقاطعني...

... تاكل خرااا وتنجب فاااهم....
صويحبي وعضيدي وااخوي...
بس وره هاي سوايتك نزل من عيني..
يزلمه تستكوي ع مره..
لا عدها اخ ولا عم ولا خال...
وابوها ول ابوها مااوكف بعينك..
يااايمه ما وكف وياك...
ياااا عار يا سكط...
حرامات ترف بيك.
وحده غيرها تطلك وتروح يم أهلها...

بس طلعت بس اجاويد وأصول.
طاحظك يـ والله..
الله يساعدها شلون كاعده ويا واحد مسودن مثلك...