_في أرض ألسواد_

.... 36

بارت... 36..

..... واكفه ومبتسم.....
حجه وع نفس وكفته....

... شلون حالج ترف..

.. حضنت سبعاوي..
..
.. وباوعت عليه..
بقرف..

حجيت بس جان بس نبرتي كفيله..
تضوجه وتقهرهه.

... كلش زينه بدونك يلزلمه....؟

.. دار وجهه ع فيصل الي جان واكف وره..
ورفع حاجبه..
وباوع عليه..

.. مقبوله منج...

.. تقبلها ماتقبلها شي ميخصني..

... باوع عليه..
وصار وجهه احمر..
..

ولتفت يريد يرجع للاستقبال..
وكفته بصوتي وأنه اكول...

.. جايه وياك اريدن احجي وكدام لكل..
جان لحجاب ع ركبتي..
خليته ع راسي..
ونزلت سبعاوي وخليت ايدي بأيده...

.. سو الي مجال افوت..

.. دخل هوا خله ايده وره ضهره ونزل راسه يعض بشفته بغضب...
وفيصل هم ضل واكف..
دخلت خالتي..

.. انه رحت بست ايد وراس الحجي..
وهوا فرح بشوفتي..
وسلمت ع الكاعدين كلهم...

وسوا الي لحجي مكان يمه..
كعدت وخليت سبعاوي بحضني..
وخالتي كعدت كبالي..
وفيصل ورضوان ضلوا واكفين...

حجه جدي وهوا يحط ايده ع ظهري...

... ليوم ويانه مو؟؟؟

.. باوعت عليه مبتسمه..
.. اكيد وياكم بس بشروط...!

كمز من يمه رضوان وحجه بصوت عالي..

... شنييييييييي!

جدي... أكل تبن انته خل تحجي..
معليج بي احجي يبعد جدج احجي...

.. ترف... كدامك وكدام الحاضرين..
كلهم..
وذول اهلي كدامهم.

.. انه ورضوان آخر طريقنه الطلاق..!
فـ ليش نلف وندور..
نحجيها احسن...
لا انه الك يرضوان ولا انته الي من هاي اللحظة..
يبن لناس تعبتني..
ولهنا وانتهت..
تريد تزوج تريد تسافر شتريد..
سوي انه طابت نفسي منك ومن عمايلك نطيتك فرص بكد شعر راسك بس. ماغزر....

.. ول جهال انه مستحيل اعوفنهم...
مستحيل وحتى هوا ميكدر يمنعني منهم.
لأن انه امهم..
والأم الي تربي مو الي تولد..؟

.. أضل ع ذمتك لخاطرهم.
ولبيتك مااروح..
انه اكعد يم جدي...
ومتكفله بتربيتهم...
منه لأحد مااشوفهم كد المسؤولية...
وديربالك تمنعني لأن اقسم بالله...
وكدام الكاعدين اكولها...
اتسوودنت انه وبيوم مااتدري..
أخذهم وانهزم وين مااعند الله كااع..
وراح تخسر الجهال وسمعتك فلا تحاول....

.. وبكعدتي وياك...
لا تحجي وياي ولا احجي وياك...
وذا ع حقوقك الزوجيه..
انه ما منعتك روح ازوج...
لأن بعد متهمني وجودك مثل عدمه.....