_في أرض ألسواد_

Partt_5

#في_أرض_السواد..

للكاتبه عائشه العكيدي..

البارت _______5_______

...اشوفن حال صويحبي وانه مابيدي شي عليه..
ربي رحمتك عليه ترا الدنيا لعبت بي مالعبت.

كاعدين كلنه وخايفين شنو راح يصير..
اجتي ام كريم وكالت..

يمه رضوان لا تخاف امك حامل وتعبت ووكعدت..
شي عادي الحمد الله على سلامتها انه رايحه اي شي .
تريد دز عليه كريم يلا وليدي مع السلامه...

حازم ..كلنه باوعنه على رضوان وشنو ردت فعله.
خفنه منه لصراحه...
لان لا الوكت ولا الوضع يسمح ان امه تجيب طفل..
هوا كوه شايل نفسه ..

رفع رأسه مبتسم وكام وكال..

..الحمدالله الحمدالله اهم شي سلامتهه اهم شي سلامتهم رواح وعافنه.....

حجه كريم بأستغراب..

..اكلك حازم هذا صويحبنه يمكن راح يتخبل..

حجه حامد وهوا كام يريد يروح..عائشه العكيدي

..انه اكول نعوفه هسه حتى سبعاوي مراح اجيبه..
يلا نروح احنى كام كريم ويا...وانه ضليت كاعد...
ماريد اعوفنه خلي يرتاح واخذه واروح للشط..

رضوان..بعد الصار احس دخت لا اكدر افكر ولا احس بشي...بس اريد اسمع شي هيا ماتت لو مابيها شي ..
من سمعت بيها عايشه ماهمني شي ..
اليجي خير من الله عفت الكل ...
ورحت فرحان كعدت يم راسها...

..يمه ولا يهمج اليجي خير اعيشهم احسن عيشه الله وكيلج ماخليكم معتازين شي بس سلامتج اهم شي ..

ردت بتعب..

يمه هسه انه واخوك مامدبرين عيشتنه نوب ثالث..
الله يساعدك وليدي ويصبرك فوك صبرك

..يمه عوفينه من هل سوالف كومي نتي وماعليج بشي بعد...

حازم...ضليت منتظره مااجا طبيت عليه جوه..
لكيته كاعد يم رجلها ويباوع عليها ومبتسمم...
احسه يشوف بيها الجنه يشوف بيها كلشي ..
رضوان مراح يحب مره بكد ماحب امه الله يخليها اله..
حتى يضل قوي لان اذا راحت صويحبي واعرفنه..
يسودن والله....
شافني رضوان وخزرني وهز راسه عود اطلع ادري بي
يغار على امه ويغار حتى على الحرمه الغريبه...
ضحكت وعفته وأشررتله بيدي ان مع السلامه..
طلعت ومشيت الطريق كله افكر بي ..

...وصلت مزرعتنه كعدت الجو حلو كل يوم هيج وكت كاعدين يمي...
ونضحك يا ترا كم يوم راح اكعد وحيد بدونهم..
ياتراا هم راح نفترك وهم الدنيا تلعب دورها...

اذان المغرب وصليت ..
بدونهم حتى ما حرثت اليوم..كثر ما مختنك..
كملت صلاه ورحت للبيت امي سئلتني واخواتي مارديت..على أحد حتى ابرار ما سلمت عليها..
ابرار بنت عمي لان بيتنه جبير...
وكلها كاعده بي ..
جدي وجدتي..
وعمامي ثنين وابوي ...
كلهم الهم بلكاع وبلبيت بدل ما يوزعون الورث..
كعدو كلهم سوا واحسن شي سواا
عمي ماجد الجبير ابو ابرار وعنده حاتم اكبر من ابرار
وعمي حمزه عنده خمس ولد واربع بنات كلهم صغار ..
ومالين علينه البيت..وابوي انه اله واخواتي ثنين..
ابرار احبها وتحبني بس لا انه معترف الها ولا هيا..
المستحه ماخذنه....