_في أرض ألسواد_

Partt_12

#في_أرض_السواد
للكاتبه عائشه العكيدي..
البارت________12___________

..كول..

..صفن بيه وايده صارت تمشي على وجهي..
ونظراته كلها على عيوني..

حجيت بحزم..
..احجي شمالك رضوان..

.. ردلي وهوا يبتعد ويمسح على شواربه..
..كلشي بوكته حلو جهزيلي نفسج مابقى شي على العرس..

مشت الايام وكلها لتهت بعرسي..
ولبيت كله ناس وأجواء حلوه..
ورضوان هم مخبوص ويا الناس التجي...
ومااالي مجال اشوفه وسبعاوي ويا دائماً..
وشهاب يمي ..
وكلها نست سالفته من اختفى ومحد سئله..
اي شخص يسئله ميجاوب...
ويغير لموضوع فخلوها..
على الساكتي (عائشه العكيدي ) الا انه...
كلت يجي ليوم اليحجيلي بي..

..يوم الحنه...
خالتي جايبتلي وياها من بغداد فستان. .
ماروني ومكشوف تقريباً..
حطيت مكياج كحله جريتها...
وحطولي على شفافي..سويت شعري على طوله واخذت منه..
خصلتين من كدام ورجعتهن لي وره..
بس ماسويت شي نشاز
وخليت اهم شي العنبر..

جنت كلش فرحانه واباوع على نفسي .
ماجنت بيوم متوقعه رضوان راح يصير ..
الي ويمي واهتم بي ونصير عائله ..
مامتوقعه ابد ..

..جابو ام طبل يمنه والزلم برا سوو جوبي..

كعدت يم النسوان..
هاي الي أجر ابشعري..
وهاي الي تلزم اخدودي وتصلي على النبي..

امي اجتي مناك..
..بنيتي راح تموتنها ينسوان..
وجرتني يمها(عائشه العكيدي) كعدت على الكرسي..
واجني نسوان من العرب يعرفن بلكولات ومعروفات بلعراس وعماتي وخالاتي تكابلان..

عماتي..
وعلى عناد خالتها لعبن لعب عماتها..

خالاتي..
وعلى عناد عماتها لعبن لعب خالتها..

كامت وحده من كرايبنه وكالت..
..ومنين دورها ولكاها فصوص روبه ويا كفاها..
وضلن يعيدن بيها..
انه كومني بنات عماتي اركص..
ماجذبت خبر كمت شبعت ركص لأحد ما تعبت وكعدت

حازم ..رتبنه كعده برا ..
للزلم الجتي..
وصارت كعده حلوه ..
انه ولويلاد اشتغلنه..
ورضوان مندمج ويانه..
وجن فرحان..
وعلى فرحه فرحنه..
جبنه جوبي..
وجهزنه..
هوا لبس دشداشه وغتره..
بس من لعب الجوبي..
نزع العكال ..
ولزم راس الجوبي..
وانه يمه وبصفي كريم وحامد
لعب جوبي وجن متمرس..
ويضحك فرحان..
بويه فرحان..
وراها دكو طبول هوا كعد ..
كاعد تولينه المهمه انه وكريم وحامد..
نتهينه من الركص..
فرحانين بي..
وهوسناله قبل لا يطب يحني مرته..

..وفتحلي (عائشه العكيدي)المعلب جاي اتمركز بي .
وفتحلي المعلب..
هوا ضحك وطب..

..طبيت والنسوان كلها ماشفت غيرها..
كاعده بنفس المكان الضربتها بي مبتسمه...
شكد كبرت بعيني نتبهت لجمالها..
وعيونها وبياضها خفت عليها من النسوان الكاعده..
لا تنحسد..
قربت عليها وكتلها لا تتبتسمين ولا تركصين..
خاف تكعين وباجر ورانه عرس..