_في أرض ألسواد_

Partt _31

31....

..ورحت يم وجدان..
سئلتها بستغراب..

.. خيه شنو شنازل عليهم ليوم...
.. جاوبتني بضحكه..

.. خيه نزل عليهم لغضب رجلج..
.. شوفي احنى مو وديناج للمستشفى..
رضوان رجعني...

.. وعينج ماتشوف شسوه بـ جيهان..
لعب بيها لعب لزمها شبعها كتل..
و رجلها ادخل لزمه كتله..
ولباقين محد كدر يحجي ويفتح حلكه...
كلهم ضلوا ع الصامت....

.. وجانوا يشربون جاي..
لكيناهم نوب هيا مسويته..
لزمه وذبه ع ايدها..
كامت تنكز..
مثل السمجه المزوهره...

.. و كف بوجهه لكل وحجه..
.. مرتي والجهال خط أحمرر..
والي يريد يعبر هل خط..
ما يشوف الزين...
وكلامي موجهه للكل..

.. وعافنه وطلع
ترف.. هيه تحجي وأنه مبتسمه..
لأن رجعلي مكانتي كدام لكل..
فرحت كلش...

.. طال لحديث بيني وبين.
وجدان لأن كلشي ماعدنا لغدا وبرا.
بس جنه منتظرين يجيبون الزاد..
حتى يتغدن ويبلشن بغسل المواعين...
هذا كله وبيت الا عرج ماكو اعتقد وره لغدا..
لأن ميصير العشيره الي تنفصل تتغدا.
أبيت العشيره صاحبة الحك...
هذا السمعته..
لمهم جابو الزاد..
ورضوان وصكر ينقلون بي النا..

.. انه جنت واكفه وصاحتني وجدان.
وياها مادري برضوان..
ودشداشتي ضيكه...

.. وكفت يم الباب اريدن اخذ..
الماعون منه وضل صافن..
وعكد حواجبه....

رضوان.. امشي طبي جواا لا ارتكب بيج جريمه..

.. رديت بدلع حتى يضوجج أكثر عجبني اضوجه..
.. يا هاي شمالك حبيبي انطيني لماعون باع ايدك كامت ترجف..
شو تعال ادوسك خاف مصخن...

حجه بنفاذ صبر...
.. اطبين لو هساع احطج هنا..
وتعرفين لباقي..
امششششي جوااااااااا

.. بدون ماحجي خفت وطبيت..
.. رحت يمهن أعزل بلمواعين...
وكضيناها سوالف ع عرس..
سماح و فرقد ونسيت أمر الجهال..
لأن اول ماطبيت دجله اخذتهم..
تلعبهم...
سمعت الجهال اتصيح بيت الاعرج أجوي..
كبل كمزت وعفتهن يصيحن عليه..
ردت اشوفهم..
باوعت من الشباك مال الصاله الي أطل ع الحديقه..
وصعدت ع الكرويته وكمت اباوع..

. انظاري راحت ع جدو..
إلي واكف ع يسرته صكر ويمسح بشواربه..
وع يمنته رضوان وأيده وره ظهره..
وعيونه تباوع عليهم بحقد...
.. ووراهم علي وحيدر وهشام وانمر..
منظرهم وحده يحسس لواحد بلهيبه وهوا كلشي ممسوي..

.. وبيت الاعرج صاروا وجهه بوجهه..
جدو أتقدم عليهم ومادري شحجه..
لأن مستحيل اسمع وأنه بهل بعد..
ضليت صافنه عليهم..
شلون يمشي جدي وهمه وره..
ومن كعدوا..
أصواتهم علت لدرجه وصلت يمنه..
بس بدون فهم بس صوت وعالي...
لبنات كل شويه وحده تجي..
تكولي وخري لا أحد يجي وأنه مجلبه...
..
شفت رضوان يباوع ع الشباك..
بس ما عبالي أبين.....
سحب نفسه واجا يتمشى للبيت..