_في أرض ألسواد_

البَارت الثـالث.

#في_أرض_السواد
للكاتبه عائشة العكيدي .
(اللهم صلي على محمد وال محمد)♥️.

___
كلشي وذا لكيت يبيعون الرجوله.
اوزن على كدرك
احس راسي انلطخ بلحايط
ومو ايد وحده تضرب احسهن ميه
ضربه وره ضربه لاحد ما وكعت مكسر
خشمي طك دم وايدي كوه اشيلها ضليت بمكااني

امي سمعت الصوت واجتي اصييييح
._يمه يمه وليدي يبوووووووو راح الولد
يبوووو رضوان يمه تسمعني رضوووان

عيوني ادحكك عليه اريد اكوم اكله
اريد اكوم اشرب من دمه بس
حيلي حيلي غدر بيه
بين صوت امي وبجيها وصوووته هوا وصياحه
وصوت سبعاوي دارت بيه الكاع وبعد ماشفت
شي
شكثر مر من الوقت مادري فتحت عيوني ماشوف شي
غير اسمع صوت امي الي كاعده نتوح يم راسي

.كعدت يمه يبو عيون حلوه
كعدت يسبعي كعدت يبعد امك واهلها
كوم. اريد اشوفني طولك كسر بيده ان شالله
الي خلاك هيج كسر
رديت عليها بصعوبه
_هل مره ماخذ حيفه هل سكير
اني كم اهرج واكول لا تبجين ميت اني ميت
كوي كلبج حبيبه الجايات هواي

_اسم الرحمان والله انه بعد ماخلي يكتلك طردته
وهسه كوم كوم اشرب مي وخل نروح اني وياك للحكيم خاف كاسر شي بيك من كسر الله ضلوعه

_يمه استهدي بالله اكوم اصلي العصر
واروح للسوك وبعدين نتفاهم

._ولك انتَ ليش ماتستجن متشوف حالك
ما تطلع

_يمه شوفي كمت على حيلي مابيه شي حصان.

نعيمه(الام) بغلاتي عندك ادري بيك ما ناوي على خير.
ابني واعرفه استجن يمه .وخلي هل ليلى تمر
على خير.
عفت امي تحجي وكمت توضيت وصليت وشفت
شنحتاج بلبيت وطلعت

_امشي بشارع اشوف الجهال تركض
والنسوان كاعده كل وحده يم باب بيتها
واغلاب الزلم طلعت من الجامع
واشوف  حالي من  ضيم لضيم
لا اب لا أخ يسند ظهري
وأم لا حوله ولا قوه
اني شبي لوكت وياي.
جان هسه اني ويا الجهال العب.
جان امي كاعد حالها حال النساوين
ربي بدايتها هيج تخلص على خير نشاالله

رحت على الويلاد اخذتهم وياي
كلهم دايحين اني اجمعهم.
كريم.يم ابو بلسوك يكعد غصب عنه
وحامدهم بسوك ابو حداد
وحازم النشمي هذا الكه لو يحرث لو يزرع
جبت المسواك والويلاد أجوي وياي
وصلت المسواك للبيت رحت لحازم
دائما وكت الغروب نجتمع يمه.
مزرعتهم حلوه.
بيها كل خير اهلنا عنه جمالها يسر كلبي

كريم _اكلك رضوان ابوي كال ليش مايجي
يشتغل يمي صانع

رضوان _عادي تاكل تبن عوفني من الشغل
اريد اشتم هوى
حامد رد من يمه وكال

حامد_كرييم ليش ماتسكت احسلك متشوف حاله

كريم _لصوج صوجي اني الاريد اسوي خير اله
حازم يباوع على السما ويناهد مو يمنه وباله شارد

رضوان_حويزم شبيك يول خاف عاشك
حازم_ لا يابه عشك شني اني بس احب
رضوان _ها كلتلي بس تحب يا ويلاد صاحبكم يحب..

_انتَ خليتني بحلكمن بعد ماكلك شي.

كريم _ها يول حويزم منهيه

حامد_يبوي علخير بس بعدك بكد الحديده الي عند
ابوي الي صار سنه ما يعرف يسويها

حازم_دكل تبن اكل تبن اني صوجي حجيت لهذا الاغم
اكون اتوضه واصلي لمغرب اشرفلي

كلنه بحجايه وحده
_وياك وياك
صلينه كلنا سوه بصف واحد
وره ما كملنه
حازم جابلنه تمر ولبن. بويه هل اكله تسوه
الاكل كله مو طعم غريب ويخبل
اكلنه وبعدها رحنه يم
الشط .. سبحنا اني والويلاد وكل واحد راح لبيته
بس حازم ضل وياي أكثر واحد احبه  عزيز عليه
احجيله كلش
وما اخلي شي بكلبي هادئ ورزن مو مثل حامد وكريم
مصاكيع مو صاحين

رضوان_حازم والله احسن روحي متعوبه حيل

حازم_كول يالله رضوان كلنه مثلك

رضوان. _ونعم بالله وهم مالنا غيره يلا يا صويحبي..
اني اروح امي كاعد تنتظرني هساع

حازم. _الله وياك يبوي سلملي على خالتي

خزرته اني ماحب أحد يجيب طاري حرمه على لسانه والحرمه هاي امي بوياي ماتحمل..

_ كواد اني تكلي سلملي يول.

حازم_ضحكت على عصبيته واني ادري بي يضوج
بويه أسفين اروح لا تكتلني

رضوان _انكشرمن وجهي

.مشيت ومشت وياي كل لحظه عشتها
مشيت بهمومي وتعبي وحياتي
المابيها احد يعرفني ويسئل عليه
مشيت واحسني ضايع
ماردت ارجع للبيت كلت اروح لأبو صالح
اشوف باجر شوكت اطلع شنو الحمل
كريب علينه اربع بيوت بينه وبينهم

دكيت لباب ونفس الصوت اجاني

.تفضل منو _

_شبيهن النساوين تفتح لبوب بويه شني ماكو زلم
ضليت لابد بمكاني ماحجيت شويه ورجع نفس الصوت بس هل مره نفتحت الباب كلها
اني مادري حسبالي ابو صالح خله بنته تروح
واجا هوا

وشفتها بويه وياريت ماشفته.

———

الباقياتُ الصالحاتُ خيرٌ و ابقىٰ :
‏- سبحان الله.
‏- الحمد لله.
‏- لا اله الا الله.
‏- الله اكبر.
‏- سبحان الله وبحمده.
‏- سبحان الله العظيم.
‏- أستغفر الله وأتوب اليه.
‏- لا حول ولا قوة الا بالله.
‏- اللهم صل على نبينا محمد.
‏- لا اله الا انت سبحانك اني كنت من الظالمين.