مع اشراقة شمس يوم جديد تبدأ اشعة الشمس بالتسلل لغرفتها وتداعب وجنتيها فتحاول مواصلة النوم لكن يقطع هدوء الغرفة صوت طرق الباب فتضع الوسادة على وجهها وتتجاهل الطرق في محاولة يائسة منها لمتابعة النوم ولكن تتفاجئ بمن يصرخ في اذنها : مهرة اصحييي
مهرة بفزع: حد يصحي حد كدة يا لؤي انت بتستعبط
لؤي ببرود:اعملك ايه بقالي ساعة بخبط عليكي وماما تحت عيزاكي
مهرة : عيزاني ليه؟
لؤي وهو يغمز لها: جيبالك عريس
مهرة :عرييس تااني يا جماعة انا مش عاايزة اتجوز مش عاايزة اتجوز
لؤي: انا مالي بقى انزلي قوليلها وبعدين مش لما تعرفي العريس مين الاول
مهرة بعدم اهتمام: مش عايزة اعرف
لؤي: طب انجزي علشان ماما هتطلع تهزقني انا وانتي
مهرة: طيب انا نازلة اهو
نزلت مهرة وقبلت والدها و والدتها وجلست على المائدة لتناول الطعام
والدة و والد مهرة: صباح الخير يا حبيبتي
مهرة بابتسامة : صباح النور
وبدأت في تناول الطعام وحمدت ربها ان والدتها لم تحدثها بخصوص الزواج ولكن الفرحة لم تدم طويلا
والدة مهرة: مهرة حبيبتي عايزة اقولك حاجة
مهرة وقد عرفت ماذا تقصد والدتها : خير يا ماما
والدة مهرة بابتسامة:انتي متقدملك عريس
مهرة:انا اسفة يا ماما بس انتي عارفة رأي
والدة مهرة بعصبية خفيفة: ولحد امتى يا مهرة هتفضلي كدة
والد مهرة:سيبي البنت براحتها متجبريهاش على حاجة
والدة مهرة: وهو علشان عايزة افرحلها واجوزها ويبقى عندي احفاد يبقى بجبرها وبعدين انا كلمت ام مصطفى خلاص وانت كنت موافقني
والد مهرة: انا قلت ان انا معنديش مانع بس في الاخر لازم بنتك توافق
مهرة باستغراب: ثواني بس هي طنط ام مصطفى مالها بالعريس اصلا
والدة مهرة : ما هو مصطفى هو العريس
مهرة بصدمة:هاا
والدة مهرة: مالك يا بنتي في ايه
مهرة:مفيش يا ماما
لاحظ والد مهرة لمعان عينيها فقال بخبث: خلاص يا منال(والدة مهرة ) الغي الميعاد مع ام مصطفى ولا انتِ عندك رأي تاني يا مهرة؟
مهرة بكسوف: شوف حضرتك حابب ايه يا بابا
منال باستغراب:مش كنتي لسة رافضة يا بنتي
مهرة : يعني يا ماما يا حبيبتي ارفض مش عاجب و اوافق مش عاجب..انا هقوم بقى اخد شاور
منال:تمام يا حبيبتي
في غرفة مهرة ذهبت واتصلت بصديقتها نور
نور:يا اهلا وسهلا
مهرة: انا فرحااانة اوي يا نور
نور:يارب دايما بس ليه هاا لييه
مهرة: جالي عريس
نور: انتي بتتكلمي بجد؟ وانتِ من امتى بتفرحي لما يجيلك عريس
مهرة: ما انتي مش هتصدقي العريس مين
نور:ميين؟
مهرة بفرحة: مصطفى
نور:مصطفى ميين؟مصطفى جاارك احلفيي
مهرة: ايوة مصطفى جاري
نور بمشاكسة:حب الطفولة بقى
مهرة بكسوف:على فكرة انتي غلسة وانا غلطانة اني بكلمك واقفلي علشان اخد شاور
نور:ااه من لقى احبابه بقى
مهرة بضحكة خفيفة:سلااام
نور:سلام
وبمجرد اغلاقها الخط ابتسمت وعادت بذكرياتها الى ايام الطفولة وكيف كان مصطفى يهتم بها وكيف كانت تحبه وتسعد عندما يأتي لزيارتهم وسعدت لمجرد تخيل مصطفى زوجها وذهبت لتجهز نفسها لتقابل حب طفولتها...
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
