اسيل:بصي بصراحة انور عايز يتقدملك
نور بصدمة:نعم
اسيل:انا ماليش دعوة هو اللي قال
نور:هو يعرفني اصلا؟ وبعدين مش موافقة
اسيل:بصي انا ماليش دعوة بس انور مش هتلاقي في طيبته وحنيته وبجد مفيش منه اتنين هو رخم وبارد شويتين تلاتة بس والله حنين جدا ولما بيحب بيحب بجد وعمره ما هيزعلك ابدا
سكتت نور قليلا ثم قالت:انا قلت ردي يا اسيل
اسيل:تمام يا حبيبتي هعرفه
نور:انا اسفة يا اسيل بس حقيقي مش حابة الموضوع ده
اسيل:اسفة ايه يا بنتي هي الحاجات دي بالاجبار...المهم ايه رأيك نتقابل بكرة
نور:اممم اشطا نتقابل فين
اسيل:تعالي نفس المول عادي
نور:خلاص اتفقنا
وجدت نور رسالة من مهرة تخبرها فيها انها لم تستطع النوم
فقالت نور لاسيل:مهرة بعتتلي...بصي انا هعمل جروب لينا احنا التلاتة
اسيل:اشطا اوي
قامت نور بانشاء الجروب فارسلت مهرة رسالة قالت فيها:وحشتوني يا جماعة اقسم بالله عايزة اشوفكم جدا
اسيل بمزاح:انتم صحاب من 19 سنة وكنتم مع بعض طوا الفترة دي سيبيني انا اخدها منك بقى شوية
مهرة:طب ما تيجو انتم الاتنين ونبقى مع بعض
اسيل:احنا اتنين انما انتي واحدة فتعالي انتِ اسهل
نور بمزاح:هدو نفسكم يا جماعة متتخانقوش عليا انا عارفة اني اتحب بس مش كدة يعني
مهرة واسيل:اخرسي
نور:ايه ده في ايه ما كنتم حلوين يا جماعة...المهم مفيش اي جديد ولا ايه
مهرة:خالتوا سماح جاية بكرة هي وشهاب
نور:شهاب ده اللي كان مسافر
مهرة:اه هو
اسيل:طب وبعدين هتسيبوني قاعدة كدة مش فاهمه مين دول
مهرة:على فكرة انتي شفتي شهاب كذا مرة لما كنتي بتيجي البيت عندي وهو كان بيبقى موجود
اسيل:انتي قصدك اللي كان بيرخم عليا ده
مهرة:ايوااا هو ده
اسيل بمزاح:سلمي عليه
مهرة:بس يا حبيبتي...المهم انا تعبت اوي فهنام
اسيل ونور:تصبحي على خير
اسيل: انا هقوم انا بقى اكل
نور:تمام يا حبيبتي
في مكان اخر
وليد:انا هفضل كدة لحد امتى بقى انا عايز انتقم منه
چنى:انا لغاية دلوقتي معرفش انت عايز تنتقم منه ليه طب انا عايزة انتقم علشان ابوه السبب ان شركة ابويا تخسر لما كان بابا محتاج دعم ابو عز كان بيكره بابا ورفض يساعده وبابا لما خسر كل املاكه مات وابو عز لما جه العزا واعتذر وقال انه ندمان كان عايز يعوضنا بفلوس...عايز يعوض موت ابويا بفلوس
تابعت بسخرية:هه فاكر فلوسه بتعوض كل حاجة
ثم قالت بشر:بس انا هندمه بجد وهوجع قلبه على ابنه...انت بقى هتستفاد ايه
وليد: عز زمان كان صاحبي كان دايما مميز عني في كل حاجة ومحبوب من الكل...حتى اللي كنت بحبها خدها مني لما قلتله اني بحبها قالي انا مالي ما تكلمها هو انا ماسكها..ولما جيت اقولها قالتلي انت هتقارن نفسك بعز بص انت ايه وهو ايه...كرهته وبقيت اغير منه...باباه مكنش بيحبني فلما امي تعبت وطلبت منه فلوس رفض وانا كنت عارف ان ابوه مانعه يديني حاجة بس هو مهانتش عليه العشرة اللي ما بينا واللي دفع تمن عملية امي واحد معرفهوش قالولي في المستشفى انه سأل عليا ولما عرف اني مش معايا فلوس دفع هو...بقت الناس تشفق عليا وكل ده بسببه هو وابوه
چنى:وانت خلتني امثل اني بحبه علشان تحسسه بنفس الوجع بتاعك..خلتني لعبة علشان تحقق هدفك؟مكنتش بتحبني زي ما قلت
وليد:لا انا بحبك يا چنى وانتي قربتي علشان نعرف نسرق فلوسه وكنا عايزين نحرق قلبه...منكرش ان كان نفسي يحس نفس احساسي بالعكس انا كنت خايف من اللعبة دي لتسامحيه وتحبيه بجد
چنى بسخرية:اسامحه..هو مغلطش بس انا بكرهه وخلاص...ده انا مصدقت خلصت من اللعبة دي..كان بيتحكم في كل حاجة في حياتي...متخفش مش هحبه انا بس بنتقم لابويا
وليد:الموضوع ده يخلص بس ونهرب انا وانتي
چنى : اتفقنا...انا هروح دلوقتي
وليد:سلاام..هنتقابل بكرة في نفس المكان علشان نشوف خطة
چنى:تمام
في صباح اليوم التالي
استيقظت مهرة وارتدت ملابسها استعدادا للذهاب الى العمل ونزلت لتأكل مع اهلها
محمد:اخبارك ايه يا بنتي في الشغل
مهرة:تمام يا بابا والله الدنيا ماشية تمام الحمدلله وبجد كنت محتاجة استغل وقتي كدة وانزل اشتغل
منال:ربنا يعينك يا حبيبتي...بس انتي بقيتي يا في الشغل يا نايمة ومبقيتيش تاكلي كتير
مهرة:يا ماما يا حبيبتي انا باكل في الشغل وبرجع جعانة نوم
منال: ربنا يوفقك يا بنتي
مهرة:يارب يا ماما
ثم قالت بتذكر:اه صح ابقى تعالى يا لؤي خدني علشان هسيب العربية هنا لانها بقت تعطل كتير
لؤي:تدفعي كام
مهرة:لا بقولك ايه انا مستعجلة
لؤي:خلاص اتفقنا...معرفش من غيري هتعملو ايه في البيت ده
مهرة:كنا هنرتاح
لؤي:بقى كدة..طب شوفي مين هيوصلك
مهرة:خلااص يا لؤي بقيت قفوش اوي هو انا عندي كام لؤي يعني ده انا بحبك جدا
لؤي:كل ده علشان اجيبك...اخص..عامة هجيبك يا ستي
مهرة:حبيبي يا اخويا..يلا بااي
خرجت مهرة في الطريق وقبل سيرها وجدت مصطفى امامها..لم تعره اهتمام وتابعت سيرها فاستوقفها صوته
مصطفى:مهرة
مهرة:خير
مصطفى برجاء وندم:انا اسف يا مهرة سامحيني ارجوكي انا تعبان من غيرك...انا غبي اني ضيعتك من ايدي...ارجوكي انا محتاجك جنبي...انا اسف والله اسف هتحملك في كل حالاتك وهقف جنبك في مرضك ومش هزعلك تاني ابدا بس اديني فرصة كمان
مهرة ببرود: خلصت؟..مبدئيا مش هرجع لحد ثانيا احتفظ بكلامك ده وقولو لواحدة تانية غيري
ثم تابعت سيرها ولكنها وقفت فجأة وقالت:مصطفى
مصطفى بأمل:نعم
مهرة:انا مش مريضة انا كويسة والتحاليل اتبدلت...شكرا انك ظهرت على حقيقتك
مصطفى بصدمه:انتي بتقولي ايه
مهرة:مش بعيد كلامي مرتين...سلام
ذهبت مهرة وظل مصطفى واقف مكانه في صدمه ثم قال لنفسه:غبي انااا غبي ضيعتها خاالص عمرها ما هتسامحني ابدااا....يااارب انا تعبت يارب انا ندمان ارجوك يارب رجعهالي
في الشركة
وصلت مهرة الى الشركة باكرا وصعدت الى مكتبها
ظلت جالسة حتى سمعت صوت طرقات على الباب
مهرة:ادخل
دخل عز وقال:صباح الخير
مهرة:صباح النور
عز:جيتي بدري يعني
مهرة:خرجت من البيت بدري علشان الاقي مواصلات لان العربية بايظة فالطريق كان ماشي وجيت بدري
عز:ومين هيوصلك
مهرة :لؤي
عز:لؤي مين
مهرة وقد نست ما قالته عن لؤي: اخويا اللي وصلني امبارح ده
عز:اخوكي
مهرة:اه اخو...
ثم صمتت ونظرت اليه وهي تلعن غبائها
عز:اممم قولتيلي...اومال قلتي حبيبك ليه
اكتفت مهرة بالصمت
عز بصوت اعلى قليلا: قلتي حبيبك ليه يا مهرة
مهرة بتوتر:عادي يعني ما اخويا حبيبي
عز:لاا والله
مهرة:وهتفرق مع حضرتك في ايه انا مش فاهمه يعني اخويا ولا حبيبي ولا ابويا هتفرق في ايه هترقى في شغلي لو طلع اخويا يعني ولو حبيبي يبقى لاا...انا مش فاهمه ده مضايق حضرتك في ايه..حضرتك تلومني لما اقصر في شغلي لكن جوزي ابني صاحبي اخويا مش هتفرق مع حضرتك طول ما ده مأثرش على اي حاجة بعملها في الشركة
عز بصراخ:انتي ازاي تعلي صوتك كدة انتي مش عارفة انتي بتكلمي مين وبعدين ده هيأثر في شغلك لان لو حد شافك هيقول ان انا بشغل ناس مش محترمة وهتبوظي سمعة الشركة
مهرة بغضب: اهو انت كدة اول ما تلاقي نفسك مش عارف ترد تستغل مكانتك وتقول بصي انتي بتكلمي مين وبعدين يا استاذ يا محترم انا لا لابسة لبس ملفت ولا بخرج كل يوم مع واحد علشان تقول هبوظ سمعة الشركة وحضرتك عرفت ان ده اخويا وحتى لو مش اخويا انت مش ولي امري وبرة الشركة محدش ليه دعوة بيا
كاد عز ان يرد عليها لولا دخول اكرم المكتب
اكرم:فينك يا عز عمال ادور عليك يلا علشان في اجتماع
انصرف عز بغضب ولم يرد
نظر اكرم لمهرة:صباح الخير يا انسة مهرة
مهرة بعصبية:صباح النور
اكرم:احم انا خارج
ثم قال لنفسه:مالهم دول
في المستشفى
فارس:طمني يا دكتور
الطبيب بابتسامة مطمئنة:متقلقش يبني والدك كويس وحالته بتتحسن
فارس:الحمدلله..شكرا لحضرتك
الطبيب:الشكر لله يبني...انا هكتبله ادوية تجيبهاله ويقدر يروح النهاردة
فارس:تمام يا دكتور عن اذنك
خرج فارس وذهب ليهاتف والدته ويطمئنها
في غرفة والد فارس
فارس:حمدلله على سلامتك يا بابا
والد فارس:الله يسلمك يبني
فارس:ماما ورهف وشهد بيسلمو على حضرتك
والد فارس:الله يسلمهم..والله شهد انا بحبها جدا وبعتبرها زي بنتي ومستني يوم فرحكم
فارس:وهي كمان بتحب حضرتك جدا يا بابا
والد فارس:طب مش ناوين تتجوزو بقى
فارس:حضرتلك تقوملنا بالسلامه بس يا حج
والد فارس:يبني انا كويس اهو واول ما ارجع البيت ان شاءالله هكلم والد شهد واحدد معاه ميعاد كتب الكتاب
فارس:ربنا يخليك لينا يا بابا
في الشركة
انتهى دوام العمل واتصلت مهرة على لؤي ليأتي اليها
مرت دقائق واتى لؤي الى مهرة
كان عز يراقبهما وشعر بالارتياح قليلا بمعرفته انه اخو مهرة
وصلت مهرة الى المنزل ثم قالت للؤي انها ستذهب لشراء بعض الاغراض واثناء عودتها شردت قليلا وكادت ان تصدمها سيارة تسير بسرعة...وقفت مهرة مكانها من الخوف واغمضت عينيها بشده وظنت انها النهاية ولكنها شعرت بيد تسحبها بقوة
الشخص:افتحي عنيكي انتي كويسة
فتحت مهرة عينيها ببطئ ثم نظرت الى ذلك الشخص ثم شهقت وقالت:حضرتك هنا بتعمل ايه
عز : العفو
مهرة باحراج: احم شكرا لحضرتك...بس حضرتك بتعمل ايه هنا
عز:جاي ازور صاحبي هو لازم اعرفك ولا ايه
مهرة:لا ابدا عن اذنك
عز بسخرية:خلي بالك من نفسك بقى ركزي بعد كدة بدل ما تموتي مش فاضي انقذك كل شوية انا
مهرة بغضب:انت انسان مستفز يا اخي كنت سيبني اموت بدل ما تفضل تفتخر بنفسك كل شوية...انت مبتعرفش تسيب حاجة حلوة ابدا ...و بعدين انا مش فاهمه انت عايز مني ايه بتفرح لما تستفزني
عز ببرود:اووي
اكتفت مهرة بالسكوت وغادرت من امامه
في منزل مصطفى
سمع مصطفى صوت طرقت على باب الغرفة
مصطفى:ادخل يا بابا
دخل عز الى الغرفة وقال:طب مينفعش عز
مصطفى:عايز ايه
عز بحيرة:مش عارف انا لقيتك زعلان مني قلت اشوف مالك
مصطفى:ويهمك في ايه ما انت خلاص خدتها
عز:خدت ايه
مصطفى:قصدك خدت مين..خدت حبيبتي مني كنت عمال تمثل عليا دور البريئ وتقولي اعتذر وصالحها وانت بتحاول تقرب منها
عز: انا مش فااهم قصدك على مين
مصطفى بعصبية:قصدي على مهرة يا عز
عز:مهرة؟ هي مهرة اللي كانت خطيبتك
مصطفى:انت هتستعبط يا عز
عز:قولي يا مصطفى امتى وريتني شكل خطيبتك مثلا او قلتلي اسمها حتى انا مكنتش اعرف بس وبعدين انا مخدتهاش منك ومفيش بيني وبينها حاجة
مصطفى:لا يا عز انت مشدود ليها...نظرتك ليها لما وصلتها هنا ومشيت مكانتش نظرة عادية ابدا
عز:قولتلك مفيش بيني وبينها اي حااجة وانا غلطان ان انا جيتلك اصلا
غادر عز المنزل بغضب
في منزل مهرة
دخلت مهرة المنزل بغضب
وصعدت على السلم مسرعة فتعثرت وكادت ان تسقط ولكنها حمدت ربها انه لم يحدث شئ تابعت سيرها فوجدت شخص ما بالقرب من غرفتها
مهرة بصراخ:حراااامي
الشخص بفزع:بس اسكتي انا مش حرامي
مهرة:لالا انت حرامي وظلت تصرخ حتى اتى جميع من في البيت
منال:في ايه يا بنتي
الشاب:مفيش يا خالتوا مهرة فكرتني حرامي
لؤي:علطول فضحانا كدة ده شهاب ابن خالتوا سماح
مهرة باحراج:احم اسفة بس مكنتش اعرف
شهاب :لا ولا يهمك يا ستي
محمد:عايزك في موضوع يا مهرة
مهرة:خير يا بابا
محمد: تعالي معايا
في غرفة محمد
مهرة:في ايه يا بابا
محمد:......
مهرة بصدمه:اييييه
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
