في منزل مهرة
استيقظت مهرة باكرا وارتدت ملابسها واثناء نزولها قابلها لؤي وقال لها
لؤي:بقولك يا مهرة
مهرة:صباح الخير الاول
لؤي:صباح الخير
مهرة:صباح النور...ها اطلب
لؤي:هتخلصي شغل امتى
مهرة:على الساعة 5 كدة،اشمعنا؟
لؤي:عايزك في موضوع
مهرة:تمام لما ارجع نتكلم
لؤي:خلصي وتعالي على النادي علطول
مهرة:تمام هعرف ماما بس
لؤي:استأذنتها متخافيش
مهرة:اشطا مش هتأخر ان شاءالله،يلا سلام
لؤي:سلااام
خرجت مهرة ووصلت الى الشركة فرأت سيارتها واتجهت مسرعة اليها
ركبت السيارة لترى ان كانت تعمل وارتاحت عندما عملت
سمعت مهرة صوت من خلفها يقول: العفو
نظرت مهرة اليه وقالت:شكرا لحضرتك ومكنش لازم تغسلها وتتعب نفسك...هي كلفت كام
عز:ما قولتلك هخصمها من المرتب بقى متسأليش كتير
مهرة:طيب متشكرة لحضرتك
عز:العفو..اطلعي الشركة يلا عندك شغل كتير ومتتأخريش
ثم ذهب من امامها
مهرة في سرها:ايه الشخص ده بيتحول في ثانية
ثم تحركت مسرعة الى الشركة
في مكتب عز
قام بالاتصال بمصطفى ليطمئن عليه
مصطفى:بتتصل ليه
عز باستغراب:مالك في ايه انا اتصلت اتطمن عليك
مصطفى:كتر خيرك الصراحة
عز:في ايه يا مصطفى
مصطفى:انت عارف كويس انت عملت ايه
كاد عز ان يرد عليه وتفاجئ انه اغلق في وجهه
عز لنفسه:ماله ده وبعدين هو ايه اللي انت عارف عملت ايه
في امريكا
كانت نور تجلس وحيدة في الغرفة وتشعر بالملل ولا تستطيع النوم وكادت ان تهاتف مهرة لكنها تذكرت انها الان في العمل وتذكرت فرق التوقيت
نور لنفسها:يااارب انا زهقت مش عارفة اعمل ايه
ارسلت رسالة لمهرة تخبرها فيها ان تهاتفها بعد انتهاء العمل
جلست نور تفكر كثيرا ماذا تفعل ففتحت الفيس بوك و ظلت ترى الرسائل حتى لفت انتباهها رسالة من صديقتها هي ومهرة عندما كانوا في المدرسة الابتدائية
ففتحت رسالتها وقالت: اسيل ازيك وحشتيني اوي يا بنتي و معلش والله لسة شايفة الرسالة بتاعتك دلوقتي
ولحسن حظها ان اسيل كانت مستيقظة هي ايضا فردت عليها قائلة: انا الحمدلله كويسة و وحشتيني اكتر بجد...اخبارك ايه و لسة بتتواصلي مع مهرة ولا لا
نور: انا كويسة الحمدلله واه لسة بكلمها ده انا كنت عايشة معاها بس للاسف جيت امريكا ومبقتش بعرف اعمل حاجة غير اني اتصل بيها
اسيل:بجد انتي في امريكا؟ انا كمان في امريكا
نور: ايه ده بجد طب انتي ساكنة فين
كتبت اسيل لها العنوان فردت نور:ده انتي ساكنة قريب مني اوي
اسيل:طب انتي عارفة مول(....)
نور: اه
اسيل:خلاص بكرة هقابلك هناك
نور:اتفقنا
وظلا يتحدثان معا
في الشركة
مر اليوم بسلام وانتهت مهرة من عملها وهاتفت لؤي
مهرة:ازيك يا حبيبي
لؤي:الحمد لله..خلصتي ولا ايه
مهرة:اه وهجيلك اهو
لؤي:تمام مستنيكي
مهرة:تمام مش هتأخر ان شاءالله
انهت مهرة المكالمة واثناء خروجها اصطدمت بعز
مهرة:اسفة مخدتش بالي،حضرتك هنا من امتى
عز بغضب:اولا ده مكان شغل انا مش جايبك تحبيلي هنا وتسيبي شغلك
مهرة بغضب:اولا انا خلصت شغلي وثانيا انت مالك بكلم مين ولا مبكلمش مين
عز:احترمي نفسك يا مهرة
مهرة:انت دخلت المكتب من غير ما تخبط وجاي تعاتبني على حاجة معملتهاش وبتقولي احترم نفسي
عز بسخرية:لا انا خبطت بس انتي مسمعتيش علشان كنتي مركزة مع حبيبك
مهرة:ااه حبيبي هتفرق مع حضرتك في حاجة؟ انا مقصرتش في شغلي ومعملتش حاجة غلط
عز:دي شركة محترمة
مهرة بغضب:انا محترمة غصب عنك انت فاهم
عز:انتي لسانك ده عايز يتقطع
مهرة :انت انسان مريض
وغادرت مسرعة من امامه
عز:حساابك تقل اوي يا مهرة
ركبت مهرة سيارتها وذهبت الى النادي
في النادي
مهرة:ازيك يا لؤي
لؤي:الحمدلله...عملتي ايه في الشغل
مهرة:كله تمام...المهم كنت عايزني في ايه
لؤي بتوتر: ها لا عادي كنت عايز اخرج معاكي بس
مهرة:نعم؟ مش قلتلي موضوع مهم
لؤي بتوتر اكبر: ما هو..ما انا قلت كدة علشان تخرجي معايا
مهرة:لؤي انت مخبي حاجة
لؤي: لا هخبي ايه عادي
مهرة:ماشي يا لؤي هصدقك
لؤي:طب انا عايز اروح
مهرة:احنا لحقنا؟
لؤي:لا تعبت فجأة مش قادر
مهرة:ماشي يلا وانا كمان تعبانة من الشغل
ذهبت الى المنزل وفتحت الهاتف وجدت رسالة من نور حاولت الاتصال بها ولكن لا يوجد رد فتوقعت انها نائمة وقررت ان تنام هي الاخرى
في منزل عز وتحديدا في غرفة انجي
كانت تهاتف رهف
انجي:انتي كويسة يا بنتي فينك من امبارح مش عارفة اتصل بيكي ولا اجي لان ماما تعبت
رهف:متقلقيش يا قلبي بابا كان في المستشفى بس
انجي:عمو ماله
رهف بدموع:بابا مريض قلب وحالته خطر
انجي بحزن:الف سلامه عليه ان شاءالله يقوم بالسلامه
رهف:يارب يا انجي بجد..المهم انتي عاملة ايه
انجي:الحمدلله انا كويسة
رهف:يارب دايما يا حبيبتي..ان شاءالله يومين بس اتطمن على بابا واجيلك
انجي:انا اللي هجيلك خليكي انتي مع عمو بس
رهف:ربنا يخليكي ليا يارب
انجي:ويخليكي يا حبيبتي
رهف:انا هقفل علشان رايحة المستشفى
انجي:ابقي طمنيني على عمو
رهف:حاضر،سلام
انجي:سلام
في منزل مهرة في غرفة لؤي
لؤي لنفسه:كويس اني مقولتلهاش انا اصلا كنت بفكر في ايه؟في حاجة عمرها ما هتحصل...اهدى يا لؤي كدة وفوق بقى
قطع تفكيره صوت والدته وهي تناديه
لؤي:نعم يا ماما
منال:صحي مهرة يبني
لؤي:حاضر
ذهب لؤي ليوقظ اخته
في غرفة مهرة
دخل لؤي ليوقظها
لؤي:مهرة..مهرة قوومي
مهرة:اممم سيبوني اناام تعباانه
لؤي:يلا بقى قومي
مهرة:اوووف قمت
لؤي:انزلي علشان تاكلي
مهرة:مش جعانة
لؤي:لو جدعة قولي لماما مش جعانه
مهرة:خلاص خلاص هنزل
في الاسفل
منال:يا بنتي كلي من ساعة ما بدأتي تشتغلي مش بتاكلي
مهرة:باكل في الشركة يا ماما
منال:طب كلي اكل خفيف بس علشان متتعبيش
مهرة:حاضر
منال:مش ناوية تتجوزي بقى يا بنتي
مهرة:يا ماما لو سمحتي متجيبيش سيرة الموضوع ده انا جربت مرة وخلاص
منال:يا بنتي ما الناس كلها بتفسخ خطوبتها عادي وبيجيلهم بعد كدة ابن الحلال
مهرة:لا يا ماما لو سمحتي قفلي الموضوع ده...انا هطلع انام علشان مصدعة
منال:ربنا يهديكي يا بنتي
في منزل مصطفى
مصطفى:مش هسامحك يا عز مكنتش متوقع منك كدة بجد
دخل والد مصطفى الغرفة
والد مصطفى:يبني هتفضل كدة كتير
مصطفى:عادي بقى يا بابا
والد مصطفى:لا مش عادي فوق لنفسك بقى
مصطفى:انا غبي يا بابا ضيعت كل حاجة من ايدي
والد مصطفى:قدامك فرصة تغير كل ده يبني بدل ما انت بتدمر نفسك كدة
مصطفى:ان شاءالله يا بابا
والد مصطفى:ربنا يهديك يا ابني
مصطفى:ان شاءالله...معلش يا بابا هنام
والد مصطفى:ماشي يبني
في منزل رهف وتحديدا في غرفة فارس
كان فارس يتحدث على الهاتف
فارس:هو اييه اللي باباكي شايف اننا طولنا في الخطوبة واني بتدلع انتي عارفة اني كنت هقول لبابا نعمل كتب الكتاب بس هو تعبان يا شهد
شهد ببكاء:انت بتزعقلي ليه انا مالي
فارس وهو يحاول ان يتمالك اعصابه:المفروض اعمل ايه دلوقتي
شهد:مش عارفة بجد
فارس:قوليلو اني هاجيله بكره يا شهد
شهد:حاضر
فارس:سلام دلوقتي
شهد :سلام
فارس لنفسه:يا الله ساعدني انا ماليش غيرك...بابا تعبان وماما واختي زعلانين وخطيبتي هتضيع مني
في منزل عز
عز لنفسه:انا زعقتلها ليه ما تحب ولا تتجوز انا مالي اصلا..بس لازم تحترم مكان شغلها...طب ما هي خلصت شغل انا كان مالي بقى وبعدين هي معملتش حاجة غلط
قطع تفكيره سماع دقات على باب الغرفة
عز :ادخل
دخلت انجي الى الغرفة
انجي:فاضي
عز:اه يا حبيبتي اتفضلي
انجي:احم ممكن بكرة اروح لرهف صحبتي انا قلت لماما وهي قالت اقولك لان بابا مسافر وانت المسؤول
عز:هتروحي ليه
انجي:اصل باباها تعبان ومريض قلب وحالته خطر وهي زعلانة
عز:اممم خلاص روحي
انجي بفرحة:شكراا
عز بابتسامه :العفو
غادرت انجي الغرفة وبمجرد خروجها وجد عز هاتفه يرن
عز:الو
المتصل: .....
عز :انت متأكد
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
