مهرة:انا قررت قرار
نور:قررتي ايه
مهرة:انا قررت انزل اشتغل
نور:طب حلو اوي بس انتي كنتي رافضة تشتغلي
مهرة:ما انا فكرت شوية وقلت ليه لا انا كنت شاطرة جدا في الجامعة وكمان انتي هتسافري وهبقى لوحدي ومش هلاقي حاجة اعملها فقلت اشتغل
نور:ربنا معاكي يا حبيبتي وان شاء تلاقي شركة كويسة
مهرة:ان شاءالله..طب انا هنزل اقول لبابا
نور:هو عمو ممكن يرفض
مهرة:لا بابا كان عايزني اشتغل بس اكيد مش هفاجئه يعني لازم يبقى عارف
نور:طب انزلي قوليله وانا هستناكي
مهرة:اشطا
ركضت مهرة الى غرفة والدها ثم طرقت الباب
محمد:ادخل
مهرة:ازيك يا بابا
محمد:الحمدلله يا حبيبتي،عايزة تقولي حاجة ولا ايه
مهرة:اه يا بابا انا قررت اشتغل وحبيت اخد رأي حضرتك
محمد:انتي عارفة رأي يا حبيبتي انا كنت عايزك تشتغلي من ساعة ما خلصتي جامعتك
مهرة:طب انا هطلع دلوقتي ادور على شركات عايزين مهندسين ديكور
محمد بابتسامة:ربنا يوفقك يا بنتي
في منزل عز وتحديدا في غرفة انجي
كانت انجي شاردة ومبتسمة ثم همست :لؤي
ظلت شاردة قليلا حتى قطع شرودها رنين هاتفها وكانت المتصلة رهف
رهف:جيجي
انجي:ازيك يا حبيبتي
رهف:كويسة الحمدلله ،معلش. مشيت بسرعة بس ماما تعبت وكانت عيزاني اروح
انجي:لا يا بنتي ولا يهمك الف سلامة عليها
رهف:الله يسلمك،المهم انتي كان مالك في النادي كنتي واقفة سرحانة كدة
انجي وهي مبتسمة:وانا رايحة ادور عليكي خبطت فيه
رهف باستغراب:خبطتي في مين
انجي وهي تزيد من ابتسامتها:لؤي
رهف:لؤي ميين
انجي:اللي لحقني لما كنت هقع
رهف:هو انتم اتكلمتو وقالك اسمه كمان الله الله
انجي:هو عرفني وضحك وقالي انتي تاني وبعدين صاحبه نده عليه فعرفت اسمه
رهف:ايوة بقى
انجي بكسوف:بس بقى
رهف وهي تغني:مكسوفة بجد ومش بنطق ولا عارفة ارد مكسوفة وحاسة ان شكلي بقى مش ولابد
انجي:رهف
رهف: نعم
انجي وهي تغلق الهاتف:انا قفلت في وشك
في منزل مهرة
نور:لقيتهااا
مهرة : ايه ايه قولي
نور:في شركة عايزة مهندسين ديكور وكمان دي شركة كبيرة جدا وقريبة منك،دي فرصتك يا مهرة
مهرة:طب الانترڤيو هيبقى امتى
نور:بكرة
مهرة:خير ان شاءالله
نور :انا لازم امشي بقى
مهرة بدموع وذهبت لتحتضنها:هتوحشيني اوي بجد يا نور كلميني كل يوم متنسينيش
نور بدموع هي الاخرى:انسى مين يا عبيطة انتي صحبتي من 19 سنة ده انا قعدت معاكي اكتر ما قعدت في بيتنا
فجأة دخل لؤي الغرفة فتصنع الصدمة: ايييه داااا
مهرة ونور بفزع:اييه في اييه
لؤي : لا مفيش بس لاقيتها هتقلب دراما فقلت اتدخل لاني ماليش في جو العياط والكئابة ده
مهرة:انت مالك اصلا انت اللي داخل اوضتي
لؤي: اصل كنت زهقان قلت ارخم عليكم
نور:كويس انك عارف انك رخم
لؤي:مش هرد عليكي علشان اخلاقي متسمحليش
نور:لا مؤدب اوي ياخويا
لؤي بفخر:طول عمري
نور:انا ماشية يا مهرة
مهرة:خلي بالك من نفسك هتوحشيني اوي يا نور
نور:وانتي كمان يا مهرة
في المساء وفي منزل مصطفى
كان مصطفى يجلس وحيدا في غرفته ممسكا بصورة مهرة
مصطفى:وحشتيني اوي يا مهرة انا ضيعتك من ايدي بغبائي انا اسف بجد...انا بقيت وحيد ومحتاجك اوي
ظل يبكي قليلا حتى غفى
في صباح اليوم التالي استيقظت مهرة وارتدت ملابسها ونزلت لوالدها
مهرة:صباح الخير
الجميع: صباح النور
مهرة:انا هروح الشركة بقى ادعولي
والدة مهرة:ربنا معاكي يا بنتي
في شركة عز
اكرم بضحك:مستعد تقابل الناس اللي متقدمه للوظيفة يا بطل
عز :خلي السكرتيرة تدخلهم يا اكرم الله يهديك
عند مهرة كانت تقف امام الشركة وتنهدت ثم دخلت وجلست تنتظر دورها
في مكتب عز نظر للملف الذي امامه ثم قال:مهرة
نظر لصورتها قليلا ثم امر بادخالها
دخلت مهرة بخطوات واثقة وتفجائت فقد كان هذا هو الشخص الذي اصدمت به في منزل مصطفى
نظر اليها قليلا ثم قال:هتفضلي واقفة ساكتة كدة كتير
مهرة:مستنية حضرتك
عز وهو يحاول ان يتذكر: انا شفتك فين قبل كدة
مهرة بكذب:مظنش اننا اتقابلنا قبل كدة
عز : كذابة
مهرة: انا مش مضطرة اكذب عليك
عز بثقة:بس انتي بتكذبي دلوقتي انا واثق اني شفتك قبل كدة
مهرة بسخرية:طالاما واثق كدة ما تفتكر لوحدك عن اذنك
التفتت لتغادر فوجت من يمسك بيدها ليوقفها
عز بغضب : انا مأذنتلكيش تمشي
قامت مهرة بصفعه وتفاجئ عز منها
مهرة : انت ازاي تتجرء وتلمسني
عز بغضب: انتي ازاي تتجرأي وتض.....
قاطع عز دخول اخر شخص توقع مجيئه الى شركته
عز بصدمة:......
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
