مهرة القلب

الفصل الثالث عشر

عز:الو
المتصل:عز في حد سرق الملف بتاع الثفقة الاخيرة
عز:انت متأكد يا اكرم
اكرم:ايوة
عز:انت عرفت منين
اكرم:انا زي ما كنت متفق معاك رحت اجيب الفلوس من الخزنة ولقيت ان ورق الثفقة اختفى
عز:تمام سيب كل حاجة زي ما هي وبكرة هشوف
اكرم:يا برودك يا اخي ده ورق مهم
عز:اكرم انا مصدع وبعدين انا عارف انا بعمل ايه كويس وانت يلا روح
اكرم:ده انت فظيع يارب نص برود اعصابك ده
عز:سلاام
ولم ينتظر ردا من اكرم واغلق الهاتف
اكرم لنفسه:ايه قلة الزوق دي
وجد رسالة من عز يقول فيها:اتلم يا حيوان
اكرم بصدمه:ايه الشخص ده ياربي
في امريكا
استيقظت نور ووجدت مكالمة من مهرة فاتصلت بها
مهرة:هااي وحشتيني بغباااء
نور:وانتي اووي
مهرة:عاملة ايه في امريكا
نور:تمام...مش هتصدقي هقابل مين النهاردة
مهرة. بتعجب:مين
نور:اسيل
مهرة:اسيل اللي كانت معانا في ابتدائي
نور:ايوة هي
مهرة:هي في امريكا..سلميلي عليها وحشتني اوي
نور:عنيا..وهي بتسلم عليكي جدا
مهرة:لما تشوفيها اتصلي بيا خليني اكلمها
نور:عنيا
اغلقت مع مهرة وذهبت لتقابل اسيل
في المول
كانت نور واقفة تبحث عن اسيل
وفجاة رات نور فتاة تركض اليها وتحتضنها
نور: اسيل ازيك وحشتيني اوي يا بنتي بجد انا مش مصدقة اني شفتك
اسيل: وانتِ وحشتيني اوي انا بجد فرحانه اوي ان انا شفتك
ثم قالت: بس تعالى معايا اشوف اخويا علشان انا سبته وهو بيشتري حاجات لما لمحتك وجريت عليكي
نور:تمام تعالي يلا
ذهبت نور مع اسيل وتفاجئت عندما رأت الشخص
نور :هو انت
اسيل:ايه ده انتم تعرفو بعض
انور: اتقابلنا هنا مرة..هي دي اللي دلقت القهوة عليا
اسيل بضحك:ينهار ابيض بقى البنت اللي انت بتكلمني عنهاا هي نور صحبتي
انور:شفتي بقى
ثم وجه كلامه لنور وقال:ازيك يا نور
ثم قال لاسيل هروح اجيب حاجة نشربها
واثناء سيره قال لنور بهمس:قلتلك هعرف اسمك
نور لنفسها :اووف بني ادم مستفز كل ما اشوفه اتعصب
ذهب انور وبقيت نور مع اسيل
اسيل:بجد يا نور انا فرحانة اوي وكان نفسي اشوفك اوي انتي ومهرة..هي مهرة اخبارها ايه دلوقتي واشتغلت ولا لا انا فاكرة انها زمان كانت شاطرة جدا
نور بضحك:كنا كلنا نجيب درجات وحشة وهي تقفل الامتحان...وفضلت شاطرة ماشاءالله عليها ودلوقتي بتشتغل في شركة كبيرة في مصر
اسيل:بتشتغل ايه
نور:مهندسة ديكور
اسيل:عاش ليها بجد...المهم انتي ايه اللي جابك امريكا وهتستقري ولا ايه
نور: جيت علشان بابا عنده شغل وهيستقر هنا
ثم قالت بتذكر :اه صح مهرة قالتلي لما اشوفك اكلمها
اسيل:اشطا اوي
اتصلت نور بمهرة
ردت مهرة: هاااي..كويس انك اتصلتي مش عارفة انام
نور: طب عدي الجمايل يا ستي وخدي كلمي اسيل
اخذت اسيل الهاتف وقالت:اهلا بالدحيحة بتاعتنا
مهرة بضحك:يا بنتي هو انتي مش هتبطلي تقولي كدة
اسيل:تؤتؤ خااالص...وحشتيني اوي يا مهرة بجد ووحشتني ايام زمان اوي
مهرة:وانتي وحشتيني اوي والله ... مينفعش كدة يعني الاول انتي بعدتي دلوقتي بقيتي انتي ونور
نور:ان شاءالله هاجي ازورك يا مهرة بس بلاش نقلبها نكد
اسيل:وانا كمان هاجي ان شاءالله
مهرة:ياريت علشان انا بقيت لوحدي...المهم بقى ان انا نعست فهقفل انام
اسيل بضحك:انتي عيلة فصيلة غوري نامي
مهرة:حبيبتي تسلمي يلا باي
اسيل ونور: باي
اغلقت مهرة الهاتف
ثم جلست على الفراش تتذكر شجارها مع عز
مهرة لنفسها:بني ادم غريب بجد وكل ما اشوفه بيستفزني...مبقتش فاهمه هو حزين ولا فرحان ولا عصبي ولا طيب... شخصية معقدة اوي...انا مالي انا كل اللي ليا الشغل وبس
ثم اغلقت عيناها بقوة محاولة طرد تلك الافكار من رأسها لتنام
عند نور واسيل
جاء انور واحضر لهم القهوة
اسيل:روحتي فين في امريكا يا نور
نور:انا مجتش غير المول ده بابا مش عارف يفضى يفرجنا امريكا
اسيل:ليكي عندي خروجة قمر
نور:اتفقنا يا ستي
ظلا معا لساعات واكتفى انور بالصمت ومتابعتهما
بعد حلول المساء
نور:اووف انا اتأخرت اووي محستش بالوقت معاكي بجد
اسيل:معاكي عربية طيب يا بنتي
نور:لا جيت بتاكسي
انور:يبقى هنوصلك انتي قريبة مننا
نور:لا شكرا لحضرتك
انور:انا مش بستأذنك انا بعرفك
اسيل:يلا يا نور بقى
نور باستسلام:حاضر
ذهبت نور للمنزل وارتمت على فراشها من كثرة التعب ونامت
في صباح اليوم التالي
استيقظت مهرة على صوت سارة وهي تقول:يلا يا ست الكسولة عندك شغل
مهرة:كان لازم اشتغل يعني ياربي
سارة:قولي لنفسك بقى
مهرة:قمت يا سارة قمت
سارة:هو انا اللي اجبرتك تشتغلي..الحق عليا اني عايزة مصلحتك انتي مش مقدرة تعبي على فكرة
مهرة:بس خلااااص ايه جو الازهار الحزينة ده انا اسفة يا ستي انا اللي غلطانة
ثم قامت لترتدي ملابسها
ونزلت سلمت على والديها ولؤي وهمست للؤي في اذنه قائلة:بقالك يومين مش عاجبني متأكد ان مفيش حااجة
لؤي بابتسامة:ايوة كويس
مهرة:متأكد
لؤي:يا بت انتي عايزة تكئبيني وخلاص ...انا كويس متخافيش
مهرة:مااشي يا لؤي هصدقك
ذهبت الى الشركة وبمجرد دخولها شعرت بحركة غير طبيعية في الشركة فرأت سكيرتيرة عز فاتجهت اليها وسألتها:هو في ايه يا ندى
ندى:عز بيه عامل اجتماع للشركة كلها
مهرة :ده ليه يعني
ندى:مش عارفة
مهرة:اروح مكتبي ولا استنى هنا طيب
ندى:لا خليكي هما مانعين ان حد يدخل مكتبه دلوقتي
مهرة:تمام ربنا يستر

في منزل شهد
كان فارس يجلس مع والد شهد
والد شهد:خير يبني طلبت تقابلني ليه
فارس:هو حضرتك فعلا بتعتبرني ابنك
والد شهد:عندك شك في ده
فارس:طب يا عمي انا بابا تعبان...انا والله بحب شهد وهتجوزها بس مينفعش اعمل كدة وبابا محجوز في المستشفى اصلا
والد شهد:يبني انا محدش قالي ان هو تعبان الف سلامه عليه بس انا خايف على بنتي الواحد مش ضامن عمره
فارس:ربنا يديك طولة العمر يا عمي وانا والله بابا يخف بس وهكتب الكتاب وبعدها نعمل الفرح
والد شهد:ماشي يبني ربنا يعينك
فارس:ربنا يخليك يا عمي
في منزل رهف
كانت جالسة في انتظار انجي حتى سمعت طرقات على باب الغرفة
رهف:ادخل
دخلت انجي الغرفة
رهف:اخيرا جيتي
انجي:معلش يا بنتي كان في زحمة رهيبة...المهم انتي عاملة ايه
رهف:الحمدلله
انجي:وعمو عامل ايه
رهف:هيعمل عملية بكرة
انجي:ان شاءالله يقوم بالسلامة
رهف:يارب يا انجي يارب
انجي:طب ايه انا مفطرتش
رهف:يا بنتي انتي علطول همك على بطنك كدة
انجي:اومال اموت من الجوع يعني
رهف:لا تعالي كوليني
انجي:شكرا يا محترمة مش عايزة منك حاجة
رهف بضحك:خلاص يا ستي تعالي اجيبلك اكل بدل ما تموتيني
انجي:انا يا بنتي ده انا غلبانة
رهف:جداا انتي هتقوليلي..يلا علشان تاكلي يختي
في مكان اخر
مجهول 1: يعني ايه الخطة اتكشفت
مجهول 2:مش عارف...مكنش ينفع يجي في الوقت ده
مجهول 1:يعني بعد كل ده خطتنا تبوظ
مجهول 2: في احتمال متبوظش لو متكشفناش
مجهول 1:ده اكيد هيعترف علينا
مجهول 2:يبقى لازم نهرب
مجهول 1:غبي انت فاكر انك هتلحق تهرب او انه مش هيعرف يجيبنا
مجهول 2:وبعدين
مجهول 1:معرفش
مجهول 2:لازم نتصرف
في الشركة
عز:طبعا كلكم حابين تعرفو انا مجمعكم ليه
الكل:اكيد
عز: ورق الثفقة الاخيرة اتسرق فياريت اللي سرقه يعترف علشان انتم عارفين ان انا اقدر اجيبه بسهوله فلو اعترف هو هيخفف على نفسه العقاب شوية
موظف:احنا شغالين مع حضرتك من زمان ومفيش حد سرق حاجة قبل كدة يبقى حضرتك اكيد حد من الموظفين الجداد
ثم نظر الى مهرة وقال: ومفيش حد اشتغل جديد الفترة دي غير مهندسة الديكور
صدمت مهرة من كلام الموظف ونظرت الى عز بانتظار رده
عز:اولا مهرة مش هي اللي سرقته ولو هي جسوسة فهتبقى غبية اوي لو سرقت حاجة زي دي من تالت يوم شغل ثانيا انا عارف مين سرق و اه نسيت اقولكم..المكتب في كاميرات...فاعترف احسنلك
ساد الصمت على الجميع ولكن قطع هذا الصمت ذهاب عز باتجاه احد الموظفين وامساكه من قميصه بقوة وقال له:مين اللي قالك تسرق الملف
الموظف بخوف:محدش
عز:عايز تلبسها لوحدك؟ حلو
كاد ان يلكمه على وجهه لكن الموظف قال:خلاص خلاص هقول مين
عز والشرر يتطاير من عينيه : انجز
الموظف:........