عز بصدمة: چنى
نظرت مهرة خلفها فوجدت فتاة جميلة جدا
عز بغضب:انتي ايه اللي جابك هنا
چنى:وحشتني قلت اجي اسلم عليك
عز:وجودك مش مرحب بيه هنا وازاي اصلا تدخلي من غير اذن والسكرتيرة فين
چنى:مفيش حد يقدر يمنعني اني اعمل الحاجة اللي انا عيزاها
عز:اطلعي برة
چنى: متأكد يا عز عايزني اخرج برة؟عايز تطرد حبيبتك
عز باستنكار : حبيبتي
ثم قال بسخرية:حبيبتي اللي كانت بتستغلني علشان فلوسي وطلعت بتحب صاحبي؟ لا عجبتيني
چنى: بس انا سبته انا اسفة يا عز
عز: لا كتر خيرك مش عارف من غير اعتذارك ده كنت هعيش ازاي..انتي سبتيه بعد ما خسر كل فلوسه ورجعتيلي بعد ما بقيت صاحب الشركة دي والشركة كبرت مش حبا فيا انتي كل همك الفلوس..الفلوس وبس يا چنى
ثم قام بدفعها خارج المكتب
چنى بغضب:هتندم يا عز صدقني هتندم وخليك فاكر انك ليا انا وبس
قام عز باغلاق الباب بقوة
عز:لييه كل ما انساها ترجع تاني لييه
كان كل هذا تحت نظرات مهرة التي شعرت بالشفقة اتجاه عز..لا تنكر انها شعرت بكرهه اتجاهه في البداية بسبب معرفتها ان له علاقة بمصطفى ولكن ما ذنب عز في ما فعله مصطفى بها!
عز وهو ينظر اليها بغضب:انتي لسة واقفة لييه اطلعي برة
مهرة:اتكلم باسلوب احسن من كدة يعني قليل الادب وقليل الذوق كمان
كاد عز ان يفجر غضبه بها ولكنها خرجت مسرعة واغلقت الباب خلفها بقوة
خرجت مهرة من الشركة و ذهبت مسرعة الى بيتها وكأن شبحا يطاردها
في منزل عز وتحديدا في غرفة انجي
كانت انجي تهاتف رهف
انجي:رهف انا عايزة اخرج ما تقولي لطنط وتعالي نروح في اي حتة
رهف:فارس(اخو رهف) رايح النادي هروح معاه واستناكي هناك
انجي: تمام اوي هروح اقول لماما بقى
رهف:مستنياكي
في منزل مهرة
كانت مهرة شاردة تفكر فيما حدث
مهرة في نفسها : انا ازاي ضربته بالقلم...بس احسن محدش قاله يمسك ايدي..ده كان هيموتني لولا دخول البنت دي...اوووف الحمدلله..بس اكيد خسرت الشغل من قبل ما اخده
ثم تذكرت شكل عز وهو غاضب بعد خروج چنى من المكتب
مهرة:بس صعب عليا اوي ازاي في ناس كدة
ظلت تفكر كثيرا حتى قطع شرودها طرقات على باب الغرفة
افاقت مهرة من شرودها وقالت:ادخل
دخل لؤي وقال: فاضية
مهرة: اه ادخل
لؤي:طب ما تيجي معايا النادي
مهرة بتفكير:امممم موافقة
في منزل مصطفى
كان يجلس ينظر من النافذة ويتابع الشوارع بصمت ثم رأى مهرة وهي تركب سيارتها شعر بنغزة في قلبه بسبب فقدانه لها للابد
مصطفى:وحشتيني اوي يا ماما انا ضيعت مهرة بغبائي..انا مش بلومك لا انا كان لازم اتمسك بيها ودلوقتي بقيت لوحدي
سمع مصطفى طرقات على الباب
مصطفى بصوت مختنق:ادخل
يدخل والد مصطفى ويقول:مش هتاكل يبني
مصطفى بحزن : ماليش نفس يا بابا
والد مصطفى:يبني حرام عليك اللي بتعمله في نفسك ده
مصطفى:بعد اذنك يا بابا عايز اقعد لوحدي شوية
والد مصطفى بحزن:ماشي يبني
في النادي
فارس:ازيك يا انجي
انجي:الحمد لله،اخبار خطيبتك ايه
فارس:الحمدلله كويسة
انجي:مجبتهاش ليه ده القعدة معاها ميتشبعش منها
رهف:اصلها مسافرة مع اهلها يا بنتي
انجي:اها تتعوض بقى
فارس:ان شاءالله
رهف:ثواني يا جماعة جاتلي مكالمة تليفون
ثم قامت وذهبت لترد على الهاتف
في مكان اخر في النادي
مهرة: تعالى نقعد شوية
لؤي:تمام تعالي
اثناء سيره رأى انجي فابتسم ولكن سرعان ما تلاشت ابتسامته عندما رأى انها تجلس مع شاب....لا يعلم لما شعر بالضيق ولكنه حاول اظهار عدم الاهتمام وتابع مسيره
مهرة:مالك يا لؤي
لؤي:مالي
مهرة:ما انا بسألك
لؤي:ما انا كويس اهو
مهرة: هعمل نفسي مصدقة
كاد لؤي ان يتكلم ولكن قطع كلامه رنين هاتف مهرة
مهرة بفرحة:دي نور
ردت مهرة بسرعة:نور حبيبتي وحشتيني
نور:وانتي كمان اووي،عاملة ايه
مهرة:الحمد لله
نور: مفتقدة وجودك جدا بجد
مهرة بقليل من الحزن: ان شاء الله نتقابل قريب
نور:يارب،انتي مش في البيت ولا ايه
مهرة:اه انا ولؤي في النادي
نور: طبعا القعدة معاه مملة
مهرة بضحك:حرام عليكي ده كيوت
نور:ده كيوت ده...هنقول ايه اخوكي بقى
مهرة:معرفش مش بتطيقو بعض ليه
نور ببرائة:هو انا عملت حاجة
مهرة:اطلااقا انا اللي بعمل
نور: دي حقيقة
مهرة: بقى كدة
نور:بضحك معاكي يا مهرة ايه مبتضحكيش
مهرة بضحك:لا بضحك يختي
نور:المهم عملتي ايه في الشركة
مهرة:لما اروح بقى
نور:هستناكي...اسيبك شوية بقى
مهرة:اتفقنا
بمجرد اغلاقها مع نور رن الهاتف مجددا
لؤي:ردي يا ست المهمة
مهرة:ده رقم غريب
ثم قامت بالرد
مهرة:الو
المتصل:....
مهرة: بجد
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
