نور بصوت مختنق: ازيك يا مهرة
مهرة:مالك يا نور
نور بدموع:انا هستقر في امريكا يا مهرة ومش هرجع مصر تاني
مهرة بدموع:انتي بتتكلمي بجد يا نور
نور:للاسف لا انا هسافر بعد يومين خلاص
مهرة:بس انتِ صحبتي الوحيدة...هروح لمين لما اكون متضايقة...ومين هيستحملني زيك...مين هيساعدني ويشجعني على كل حاجة زيك
نور ببكاء:انا اسفة والله غصب عني
مهرة:طب تعالي قضي معايا اليوم النهاردة بس حتى
نور وهي تحاول ان لا تبكي:ده انا هاجي واقرفك طول اليوم
في منزل عز وبالتحديد في غرفة انجي
كانت انجي تهاتف صديقتها رهف
رهف:انا زهقانة جدا من قعدة البيت ما تيجي نروح النادي
انجي: خلاص تمام هقول لماما واعرفك
رهف:خلاص تمام وسلميلي على طنط القمر دي
انجي:انا ساعات بحس انك بتحبي ماما اكتر مني
رهف بضحك:طنط دي عسولة اصلا
انجي:طب اقفلي يختي علشان استأذن طنط العسولة
رهف:سلام
ذهبت انجي واخبرت والدتها انها ستذهب للنادي مع رهف ولم تعارض والدتها
في منزل مهرة
لؤي:مهرة انا خارج تيجي معايا
مهرة:لا انا مستنية نور
لؤي:انتي كويسة شكلك كنتي بتعيطي؟
مهرة بدموع:نور هتسافر وتستقر في امريكا
لؤي وهو يضم اخته:متزعليش اكيد هتتقابلو تاني
ثم قال بلهجة مرحة وهو يحاول التخفيف عن اخته:و بعدين يا ستي احمدي ربنا مش هتلاقي حد يصحيكي بدري تاني
قاطعتهم نور:هتصل بيها ماسنجر عادي
ركضت اليها مهرة وقامت باحتضانها:انتي جيتي امتى
نور:لسة جاية وطنط فتحتلي وقالتلي انكم في الصالون
لؤي وهو يتصنع التأثر:طب وحضن المطارات ده مش ناوي يخلص
نور ومهرة مع بعض:ملكش فيه
لؤي:ااه من غدر الاخوات مش كنتي لسة حضناني من شوية
ضحكت مهرة وقالت نور: يبني بطل حقد شوية
لؤي:يا ستي انا ماشي
نور:متقطعش الجاوبات بس
لؤي وهو ينظر لمهرة:معرفش بتعيطي عليها ليه دي،سلام
مهرة ونور:سلاام
في النادي
رهف: اخيرا خرجت من البيت وطبعا حضرتك مش فارق معاكي انتي كنتي برة البيت امبارح
انجي:هو انا كنت في فرح ده انا كنت في عزاء
رهف: مش مهم المهم خرجتي
انجي:اهو قرك ده اللي موديني في داهية وامبارح كنت هقع وقعة محترمة الصراحة
رهف برخامة:طب وموقعتيش ليه
شردت انجي قليلا وتذكرت ذاك الشاب الذي انقذها ولكن افاقت على صوت رهف وهي تقول :هيييي نحن هناا
انجي: معاكي معاكي
رهف بخبث: لا ما هو واضح قولتيلي بقى موقعتيش ليه
انجي:مقولتش
رهف:طب احنا لسة فيها قولي بقى
انجي:في شاب لحقني
رهف:اوبااااا
انجي:هو انا بقولك هتجوز؟ بقولك كنت هقع وحد لحقني عادي يعني
رهف:بس سرحانك ده مش عادي خالص
انجي:انتي رخمه ليه ها بقولك عا....
سكتت انجي وظلت تنظر خلف رهف
رهف:ايييه يا بنتي سرحتي تاني فين
انجي:رهف بصي وراكي
رهف:ايه في ايه
انجي:شايفة الولد اللي لابس تيشرت ابيض ده
رهف: اه شفته ماله
انجي:ده الشاب اللي لحقني امبارح
رهف:ميين قدك
انجي:رهف امشي من وشي
رهف:خلاص هسكت هسكت،طب انا هروح اجيب حاجة نشربها تيجي معايا
انجي بكسل:مش قادرة الصراحة
رهف:ماشي مش هتأخر
في منزل مهرة
نور:خلاص يا مهرة بقى بطلي عياط انا والله نفسي افضل معاكي بس غصب عني
مهرة ببكاء:انا ماليش صحاب غيرك مش عايزة ابقى لوحدي
نور بدموع:هتصل بيكي كل يوم والله وبعدين مش هنقضي اليوم كله دموع عايزين نخرج قبل ما اروح بقى
مهرة:هقوم البس اهو حاضر
في شركة عز
عز:اكرم(صديق عز ) احنا محتاجين مهندس ديكور
اكرم:خلاص يا صحبي انا هخليهم ينزلو اعلان اننا محتاجين مهندس او مهندسة ديكور،بس مهندس الديكور اللي كنت بتحبه ده راح فين
عز : طلع كان بينقل كل اخبار الشركة للشركة المنافسة لينا
اكرم بصدمه:بعد كل اللي عملته علشانه
عز بسخرية:شفت بقى
اكرم:ولا يهمك يا صحبي هنشوف حد احسن منه
عز :ياريت بسرعة يا اكرم
في النادي
شعرت انجي ان رهف قد تأخرت كثيرا فذهبت تبحث عنها واثناء سيرها اصطدمت بشخص ما
الشخص بضحك:انتِ تاني
انجي بارتباك:انا اسفة بجد مخدتش بالي
الشخص:لا ولا يهمك بس...
قاطع كلامه صديقه وهو ينادي عليه:لؤي هنتأخر
لؤي:عن اذنك
انجي: اه اه اتفضل
شردت انجي قليلا وفكرت ترى هل كان يعلم انها هنا ام ان القدر يريد ان يجمعهما مرة اخرى ثم رأت رهف قادمة فذهبت نحوها
انجي:كل ده بتجيبي عصير
رهف:معلش ماما اتصلت بيا عيزاني اروح
انجي:تمام انا كنت هروح انا كمان
في منزل مهرة
مهرة:نور انا قررت قرار
نور:قررتي ايه
مهرة:....
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
