في صباح يوم جديد وبينما كانت غارقة في احلامها السعيدة سمعت صوت رنين الهاتف فردت دون ان تنظر من المتصل فقد توقعت انها نور
مهرة:عايزة ايه يا نور على الصبح
المتصل بضحك:بس انا مش نور
مهرة بصدمة وهي تنظر للهاتف:مصطفى
مصطفى:ايوة كويس انك عرفتي صوتي
مهرة بتوتر: ها لا عادي يعني احنا عارفين بعض من زمان فطبيعي ابقى عارفة صوتك...بس هو في حاجة ولا ايه
مصطفى:هو لازم يكون في حاجة علشان اتصل بيكي
مهرة وهي تتصنع الجدية:اه طبعا انا لسة مش مراتك ولا حتى خطيبتك
مصطفى:تمام الرسالة وصلت
مهرة كادت ان تتكلم ولكن وجدت مصطفى انهى المكالمة
مهرة:يعني كان لازم اقوله كدة يعني
ثم ذهبت لتغسل وجهها وتهاتف نور
نور: ازيك يا عروسة
مهرة:يا اهلا وسهلا
نور:ايه سبب المكالمة بقى اكيد موحشتكيش
مهرة بضحك:لا طبعا..بس مصطفى اتصل بيا
نور:وقالك ايه
مهرة:مقالش انا اللي قلتله اتصل بيا ليه ولما قالي لازم يبقى في سبب قلتله اه وقلتله اني مش مراته ولا خطيبته
نور:عمل ايه بقى
مهرة:قالي الرسالة وصلت وقفل
نور:بصي هو انتي صح بس كنتي دبش وكان ممكن تجبيها بشكل احسن من كدة
كادت مهرة ان تجيب ولكن سمعت طرقات على الباب
مهرة:طب ثواني يا نور، ادخل
يدخل لؤي الغرفة ويقول: انزلي كلمي ماما
مهرة:متعرفش عيزاني ليه
لؤي:عارف
مهرة:طب قول
لؤي ببرود:تدفعي كام
مهرة:تصدق انا غلطانة اني بكلمك اصلا اتفضل بقى اطلع برة
لؤي:قال يعني بتطرديني من الجنة
بعد خروج لؤي من الغرفة ذهبت مهرة لترى والدتها
مهرة:صباح الخير يا ماما انتي كنتي عيزاني
منال بفرحة واضحه:اه يا حبيبتي
مهرة:خير يا ماما شكلك مبسوطة
منال:مصطفى عايز ياخدك بكرة تجيبو الشبكة وتعملو خطوبتكم بعد بكرة ايه رأيك يا حبيبتي
فهمت مهرة انه فعل هذا بسبب ما قالته له
مهرة بفرحة حاولت اخفائها : اللي تشوفيه يا ماما
منال:طب انا هروح اعرف باباكي
في منزل مصطفى
مصطفى: ها يا ماما قالولك ايه
والدة مصطفى: وافقت طبعا يا حبيبي
مصطفى:طب الحمدلله...انا طالع اوضتي
في غرفة مصطفى ذهب ليهاتف صديقه عز
عز:ازيك يا درش
مصطفى:حبيبي ازيك
عز:الحمدلله
مصطفى: بص بقى يا صحبي انا خطوبتي بعد بكرة وطبعا لازم تيجي
عز: طبعا يا حبيبي بس خطبت مين انت مش قلت انك بتحب جارتك
مصطفى بفرحة:اه ما انا هخطبها
عز: مبروك يا صحبي
مصطفى:الله يبارك فيك عقبالك بقى
عز بصرامة:اعتقد انت عارف رأي في الموضوع ده
مصطفى: لحد امتى هتفضل متعلق بيها بعد اللي هي عملته
عز بحدة: مصطفى خلاص
مصطفى:ماشي يا عز بس فوق لنفسك يا صحبي،سلام
عز:سلام
في منزل عز
عز:لحد امتى هفضل افكر فيكي اطلعي من دماغي بقى
تدخل انجي غرفة عز: عز يلا علشان تاكل
عز:حاضر يا حبيبتي انزلي وانا هاجي وراكي
ذهبت وجلست بجانبه
انجي:عز حبيبي انت كويس
عز وحاول ان لا يظهر حزنه ويعبث بشعرها:انا كويس يا حبيبتي
انجي : مش هضغط عليك بس لو حابب تتكلم انا موجودة
احتضنها عز وقبلها من جبينها:ربنا يخليكي ليا
انجي بمرح:متخفش هفضل قرفاك كدة
عز:طب يلا يا لمضة
انجي:متتأخرش طيب انت عارف مبقدرش اكل من غيرك
عز:طبعاا على يدي..ربنا يستر وانزل الاقي اكلي بس
انجي:لا تقلق يلا انا هنزل انا بقى
خرجت انجي وذهب عز ليغسل وجهه ثم يذهب لتناول الطعام
في منزل مهرة
مهرة:نور هو انتي ممكن تيجي معايا بكرة
نور:انا معنديش مانع اكيد بس تفتكري مصطفى هيوافق
مهرة:اه وهيرفض ليه
نور:معرفش
مهرة:تعالي بس انا عيزاكي معايا بجد
نور:امري لله بقى هاجي يا ستي
مهرة :حبيبتي انتي
نور:بكاشة
مهرة:انتي تعرفي عني كدة
نور بضحك:ده انتي ام كدة يا روحي
مهرة:متشكرين يا ستي ويلا بقى اجهزي علشان تيجي معايا اشتري فستان للخطوبة
نور:انا لو باخد فلوس على المشاوير دي كلها مش هتعملي فيا كدة
مهرة:يلااا يا نور
نور: حاضر حاضر سلام
مهرة:سلام
ذهبت مهرة لارتداء ملابسها ثم ذهبت لوالدها
مهرة وهي تقبل والدها:ازيك يا بابا
محمد:يا اهلا بعروستنا،هتروحي تشتري فستان الخطوبة دلوقتي ولا ايه
مهرة: اه يا بابا ونور هتيجي معايا
محمد:والله البنت دي جدعة
مهرة: جدا يا بابا والله،بس هي ممكن تيجي معايا بكرة كمان
محمد:اللي تشوفيه يا بنتي
مهرة وهي تضمه:شكرا يا بابا يا قمر انت
محمد بضحك:طب يلا يا حبيبتي علشان متتأخريش
خرجت مهرة فوجدت نور بانتظارها
مهرة:جيتي بسرعة كويس والله
نور:يا بنتي عيب عليكي
مهرة:طب يلا سيبي عربيتك واركبي معايا
نور:اشطا انا اصلا مكنش ليا مزاج اسوق
مهرة:طب يلا يا ستي
في المول
نور :حرام عليكي بقى يا مهرة انتي لففتينا المول كله ومفيش ولا فستان عجبك
مهرة:مفيش فستان عاجبني كلهم عادين، انا بقول نروح ونيجي بكرة
نور : مش هاجي معاكي تاااني انسيي
مهرة:اهون عليكي
نور:ما انا هنت عليكي وسبتيني الف معاكي بقالنا ساعتين وفي الاخر اشتريتي حاجات كتير ومشتريتيش الفستان
مهرة:خلاص يا ستي ولا تزعلي هعزمك عندي على الغداء
نور بضحك:اه لو فيها غداء ماشي
مهرة:طب يلا نروح طيب
في منزل مهرة ذهبت هي ونور لغرفتها وتفاجئت بصندوق كبير على السرير
نور:ايه ده
مهرة:معرفش
نور:افتحي طيب مستنية ايه
فتحت مهرة الصندوق وتفاجئت
مهرة:........
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
