مهرة:شفت بسنت
نور: ايه ده ودي ايه اللي جابها هنا دي...مش دي البنت اللي كانت معانا زمان في المدرسة ومشيت باين
مهرة:ايوة يا بنتي هي...البنت دي مش برتحلها
نور:ولا انا
مهرة:بس دي معرفتنيش
نور:كويس والله
مهرة :تفتكري جت ليه
نور:معرفش وانتي كمان متشغليش بالك...مش انتي جاية من الشغل تعبانة نامي بقى
مهرة:انا حاسة انك بتقفلي معايا بس بالزوق
نور:بالظبط كدة
مهرة: ميرسي جدا
نور:العفو جدا..يلا تصبحي على خير
مهرة:وانتي من اهل الخير
في مكان اخر
چنى:مصطفى بقى في صفنا خلاص
وليد:انتي رحتيله امتى
چنى:اكيد مرحتش علشان لو عز كان هناك
وليد:اومال
چنى:بعت بسنت
وليد:ملقيتيش غيرها..دي كلبة فلوس
چنى: مكنش ينفع حد فينا يروح وهي محدش يعرفها وهتعمل اي حاجة مقابل الفلوس
وليد:بعد المهمه دي احنا لازم نخلص عليها
چنى:متقلقش ده اللي كنت ناوية اعمله..المهم مصطفى هيتصل بينا قريب
وليد:تمام
چنى:عيزاك تبينله انك في صفه وانك عايز تساعده ومتقللش منه يا وليد بينله انك صاحبه مش ناقصين مشاكل
وليد: يا ستي يتصل هو بس
بعدما انهى جملته وجد هاتفه يرن
وليد:الو
مصطفى:انت وليد
وليد:اه ازيك يا مصطفى
مصطفى:تمام
وليد:اعتقد بسنت فهمتك احنا محتاجينك ليه
مصطفى:واعتقد انها قالتلك ردي
وليد:بس هي مقالتليش انت وافقت ليه وقالت ان انت اللي هتقولي
مصطفى بشر:ايوة قلتلها كدة وانا وافقت انتقم منه علشان خد حبيبتي مني...حب طفولتي خدها مني
ثم قال بحزن:قلتله بحبها قلتله اني عايزها
سكت قليلا ثم اضاف بسخرية: قالي حاول وعافر واطلب منها السماح واتاريه هو سايبني بحاول ارجعها وراح هو خدها مني
وليد وهو يمثل التأثر:انا اسف نيابة عنه حقيقي اتضايقت علشانك وصدقني انا هقف معاك وهرجعلك حقك..كدة كدة عز مش بيحب غير چنى وتلاقيه بيلعب وهيزهق ويسيبها وهي هتزعل ومش هتلاقي غيرك بس ده ميمنعش اننا هنجيب حقك منه
مصطفى:عز مش بيلعب انا عارف عز كويس عز بيحبها بجد انا شفت لمعه في عينه مشفتهاش حتى لما كان مع چنى
وليد:كل حاجة هتتحل واحنا معاك..احم انا اسف بس متضطر اقفل دلوقتي
مصطفى:ولا يهمك سلام
بعدما اغلق وليد مع مصطفى قالت چنى : ها قالك ايه
قص لها وليد ما حدث
چنى بصدمة: عز بيحب
وليد:مصطفى قالي كدة...اوعي تكوني زعلانة
چنى:ازعل ايه انا بس مش عارفة اعمل ايه كدة خطتنا باظت
وليد:طمنتيني...المهم نعمل ايه دلوقتي
چنى:اكيد مصطفى هيبقى عارف حاجة عنه ممكن تفيدنا
وليد:بكره هنشوف الموضوع ده
چنى:انا لازم اروح بقى
وليد: سلام
في منزل چنى
وصلت چنى الى المنزل متأخرة
والدة چنى : يا بنتي كل يوم ترجعي متأخر كدة
چنى بزهق:يوووه يا ماما انا تعبت بجد كل يوم نفس الاسطوانة
والدة چنى:لما تيجي تكلمي مامتك تكلميها بأدب انتي فاهمه وبعدين كنتي فين
چنى:زهقانه وخرجت وبعدين مامتي مين..مامتي اللي لما جوزها مات راحت تتجوز اكتر واحد كان بيكره بابا وكنتي بتضربيني علشانه ودلوقتي هو فين هاا؟ مسافر بيقضي شهر العسل مع عروسة جديدة...اتجوزك علشان فلوسك ومكنش بيحبك وبرضو اتجوزتيه وفضلتي عليا...انتي متستحقيش كلمة ماما...عمرك ما سمعتيني ولا عرفتي ايه اللي بيفرحني ويزعلني..عمرك ما حضنتيني وقعدتي معايا نتكلم...انتي كل همك كان ازاي تجمعي فلوس اكتر ولما بابا شركته افلست كنتي عايزة تطلقي وبعتيه في ثانية بعد ما كان بيحاول يعمل اي حاجة تفرحك...انتي زيك زي ابو عز انتم الاتنين بعتوه وسيبتوه في محنته..عارفة انتي اوحش منه كمان..طب هما كان في ما بينهم خلاف وحصلت مشاكل ما بينهم انما انتي..انتي سبتيه في اكتر وقت كان محتاجك فيه رغم انه دايما كان جنبك...انا بكرهك...بكرهك وعمري ما هعتبرك امي وملكيش دعوة بيا
انهت چنى كلامها ووجدت فجأة من يصفعها على وجهها
والدة چنى:اخرسي..انتي واحدة قليلة الادب انتي ازاي تكلميني كدة مش كفاية مستحملاكي ومستحملة قرفك
ابتسمت چنى بألم وقالت:عمرك ما هتتغيري
ذهبت چنى الى غرفتها
چنى لنفسها:وحشتني اوي يا بابا...انا اسفة اني بقيت كدة بس هما اللي اجبروني..متقلقش هجيبلك حقك من كل واحد اذاك
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
