مريم:احم بصراحة انا بحب شهاب
مهرة:شهاب مين
مريم:مش ناقصة غباء يا مهرة انتي تعرفي كام شهاب يعني
مهرة:ايييه شهاب ابن خااالتي...ده حبتيه امتى وازاي وفين ومقولتيليش لييه...هو انتم كنتم بتتكلمو وبتتقابلو..هو ع...
قاطعتها مريم قائلة:اييه اهدي شوية ايه كل الاسئلة دي
مهرة:انا عايزة اجابة الاسئلة دي حالا
مريم:بكرة بقى انتي اكيد مرهقة وعايزة تنامي وبعدين ده حتى الوقت اتأخر
مهرة: مين قال اني مرهقة ده انا فايقة جداااا
مريم:ده انتي رخمة
مهرة:هعديهالك...يلا احكي
مريم:ماشي حاضر حاضر...بس لو حد عرف يا مهرة انتي حرة
مهرة:هو انا اعرف حد اصلا..قولي يلا
مريم:زمان لما كنت باجي العب معاكي وانا صغيرة قبل ما تبقو في البيت ده وكنتم في بيت العيلة كان دايما شهاب بيبقى هناك و كان بيهزر معايا كتير وكنت بحب اجي علشان العب معاه
قاطعتها مهرة قائلة:ايه البجاحة دي انتي بتقوليلي في وشي انك كنتي بتيجي علشانه مش علشاني
مريم:خلاص مش هكمل
مهرة:لا لا احكي هسكت اهو
تابعت مريم قائلة: المهم ان في مرة جيتلك وملقتهوش وعرفت انه مش موجود فاتضايقت و...
مهرة: وايه كملي
مريم:فاكرة اليوم اللي عيطت في وقعدت اقول عايزة اروح انا تعبانه وبطني بتوجعني ومرضتش العب معاكي فيه ده وانتي ساعتها عيطتي لما انا عيطت علشان تعبي
مهرة:اه فاكرة ولما روحنا للدكتور قال انك كويسة وانتي قعدتي تعيطي اكتر وتقوليلهم لااا انا تعبانة
ثم ضحكت وقالت:الدكتور مبقاش عارف يعملك ايه وانتي تقوليلو اعترف قول اني تعبانة
مريم:انا مكنتش تعبانة فعلا...بصراحة انا كنت عايزة اروح علشان اتضايقت انه مش موجود
مهرة:لالا بقى كدة كتير...مرضتيش تقعدي معايا علشان شهاب لا وكمان خلتيني اعيط معاكي على الفاضي
مريم:يووه يا مهرة كنت صغيرة
مهرة:لا ما هو واضح كملي
مريم:ففضلت فترة كل ما اجيلك ملاقيهوش وساعتها سألت مامتك ليه خالتوا سماح مبتجيش عرفت انهم مسافرين يتفسحو..وبعد اسبوع كدة كنا في بداية الدراسة وانتي غبتي علشان تعبتي فنزلت البريك لوحدي وفي ولاد كانوا بيضايقوني علشان انتي عارفة انا في ابتدائي كنت تخينة شوية...ساعتها لقيت شهاب جه وزعقلهم وقالي متعيطيش انا زعقتلهم...مكنتش اعرف انه اتنقل مدرستنا بس فرحت ساعتها اوي وفرحت انه عمل كدة...بعدين في اعدادي بقى انا نقلت بسبب ظروف بابا واتضايقت اني مش هشوفه تاني...فضلت 3 سنين مش بعرف اجيلك ولا اشوفه..وحاولت اتعود وفي ثانوي بقيت اقنع نفسي اني هبلة وان انا مراهقة وتفكيري غلط وبقيت بحاول اثبت لنفسي ان كل اللي انا حساه ده وهم...بس لما جينالكم زيارة وشفته كل اللي اقنعت نفسي بيه اختفى في ثانية وحسيت اني مش عايزة امشي من هنا...سلمت عليه لقيته مش فاكرني وبعدين قالي اه مريم ازيك قلتله الحمدلله وانت قالي تمام وسكتنا وبعدين قالي استأذن انا بقى ومشي...زعلت اوووي يا مهرة انه نسيني وانه كلمني ببرود كدة...بس يا ستي دي كل الحكاية
مهرة:يعني بتحبيه من ابتدائي ومقولتليش....بس حقك الصراحة شهاب جدع ويتحب
مريم:ها وايه كمان
قالت مهرة ضاحكة:كمان بتغيري
ثم قامت بالغناء وقالت:بااااين حبييييت ايوة انااا حبيييت
مريم:بس بس صوتك وحش
مهرة:بتحقدي عليا بس علشان معندكيش صوت حلو زي
ثم قالت وهي تتثائب:انا هنام بقى علشان بكرة ورايا شغل
مريم:اااه عرفتي اللي انتي عيزاه وهتنامي
مهرة:بالظبط فاخرسي بقى ونامي
مريم:ماشي ماشي...تصبحي على خيير
مهرة : وانتي من اهل الخير
مريم: مش هتكلمي نور
مهرة:بكلمها قبل ما اروح الشغل علشان تبقى فاضية..متنسيش ان فرق التوقيت ده مخلي المكالمة مش بالسهولة دي
مريم: تمام
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
