اغلق لؤي الهاتف وذهب الى المنزل
لؤي لنفسه:انا حاسس اني عارف البنت دي
فدقق في ملامحهاا وقال: دي ايه اللي جابها هنا دي وفي وقت زي ده....
صعد لؤي الى المنزل
استقبلته والدته وقالت له:كل ده تأخير
لؤي:الطريق كان زحمة وبعدين لسة مجوش اهم
منال:وهو احنا كنا هنستنى لحد ما يجو
لؤي:مش مهم بقى يا ماما المهم اني جيت...مهرة عرفت ولا لسة
منال:لا لسة
لؤي:هموت واشوف ردة فعلها
منال:هما اتأخرو ولا بيتهيألي..انت مشفتش حد تحت
لؤي:مش عارف
منال:هروح اسأل باباك
لؤي:اشطا وانا رايح. ارخم على مهرة
منال:ربنا يهديكم
في غرفة والد مهرة
منال:متعرفش يا محمد جم ولا لسة
محمد:جم واتصلو بيا اعتذرو على التأخير بسبب الزحمة وقبل ما يطلعو جالو مكالمة شغل مهمه فاضطر يرد قبل ما يطلع
منال: تمام انا هقول لمهرة
في غرفة مهرة
مهرة:انا مش مرتاحة للضيوف اللي جاين دول
مريم:يا بنتي اتهدي بقى من ساعة ما جيتي وانتي عمالة تلفي في الاوضة تعبتلك يا شيخة اقعدي بقى
مهرة:اصل اليوم ده غريب...عز يديني اجازة وبابا يقولي اجي بدري علشان ضيوف..ضيوف مين اللي يخلوني اروح بدري علشانهم
مريم:يا خبر النهاردة بفلوس...دي كلها دقايق وتعرفي هما مين
مهرة:يا بت انتي باردة ليييه
مريم:انتي اللي واخدة الموضوع على اعصابك
قاطع حديثهما طرقات على باب الغرفة
كادت مهرة ان ترد ولكنها وجدت لؤي يدخل الغرفة
مهرة:هو انا قلتلك ادخل
لؤي:وهو انتي كنتي هتقوليلي لا اصلا...انا قلت اريحك واريحني وادخل علطول
مهرة:بارد
لؤي:من بعض ما عندك
مريم:اهدو بقى
لؤي ومهرة:انتي مالك
مريم:لا والله
لؤي:اه والله
مهرة:متعرفش الضيوف دول مين يا لؤي
لؤي:اناا يبنتي..اطلاقااا
مهرة:يبقى عارف..مين هااا
لؤي:ناس هتحبيهم اوي
مهرة:انت بتتريق
لؤي:اومال بتكلم جد
مهرة:اخرج يا لؤي من هنا
دخلت والدة مهرة الى الغرفة
وقالت:اجهزو يلا الناس جت
مهرة:مين دول يا ماما
منال:انزلي يا مهرة وهتعرفي
مهرة:والله مش مرتحالكم
في الاسفل
منال:يلا يا لؤي علشان نستقبل الضيوف على ما مهرة تجيب العصير وتقدمه
لؤي:حاضر
خرج لؤي لاستقبال الضيوف مع والده وتفاجئ بوجود الفتاة
لؤي بصدمه وهو يحدث نفسه:دي طلعت جاية عندنا
محمد:اهلا بيكم اتفضلو ادخلو منورين
الضيف:بنورك يا حج محمد
عند مهرة
مهرة:مش عايزة اخرج يا ماما
منال:بلاش دلع بقى اخرجي يلا وقدمي العصير
مريم:اوڤر اوي يا مهرة كل ده ما تخرجي يا ستي
مهرة:انتي بالذات تخرسي خالص
مريم:ده انتي عيلة نكدية وفصيلة وموسوسة
مهرة:اناااا موسوسة
مريم:يعني انتي سيبتي نكدية وفصيلة ومسكتي في موسوسة...اه موسوسة لو مكنتيش كدة كان زمانك خرجتي من غير توتر فظيع كدة
مهرة:خااارجة خاارجة يكش نخلص
دخلت مهرة الى الصالون
وقالت بصدمة:انت
محمد:تعالي يا بنتي
قدمت مهرة لهم المشروب وهي مصدومة
الضيف:قمر ماشاءالله يا زين ما اخترت يا عز...ازيك يا بنتي
مهرة:الحمدلله
والد عز:انا يا حج محمد جاي النهاردة علشان اطلب ايد بنتك مهرة لابني عز
محمد:والله يا حج على عيني وعلى راسي بس الكلمة في الاول والاخر للعروسة
عز:طب ممكن اتكلم مع مهرة لوحدنا شوية يا عمي ولو حابة تعرف حاجة عني تسأل
محمد:اتفضل
خرجو جميعا وتركوها
مهرة لنفسها:بقى انا تضحكو عليا وتحطوني قدام الامر الواقع
عز:هتفضلي ساكتة كدة كتير
مهرة:اتكلم اقول ايه...انا مش موافقة على الجوازة دي
عز بجد:ليه
مهرة بتوتر:هو كدة وخلاص
عز:هو احنا بنلعب..هو ايه اللي كدة وخلاص
مهرة:انا بقولك مش عايزة اتجوز
عز:وانا بقولك ليه
مهرة:مش عايزة اتجوز ومش عيزاك وبعدين انت علطول بتتخانق معايا ومش طايقلي كلمة عايز مني ايه بقى
عز:يعني هي دي مشكلتك
مهرة:لا...وبعدين اصلا انت بتحب
عز باستغراب:بحب مين
مهرة:چنى..البنت اللي جاتلك في المكتب كان واضح جدا انك بتحبها
عز:اااه قولي بقى انك بتغيري
مهرة:اغير اييه واغير من مين واغير لييه اصلا...انا لا بحبك علشان اغير عليك ولا دي واحدة تستاهل اني اغير منها
عز:متأكدة انك مش بتحبيني
مهرة:اه
عز:كذابة وبعدين ده انا مليون واحدة تتمناني
مهرة:روح للمليون دول وسيبني في حالي
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
