مهرة القلب

الفصل السادس عشر

محمد:مهرة انتي هتتجوزي شهاب
مهرة بصدمة:اييييه...لا يا بابا انا مش عايزة اتجوز وكمان انا معرفش شهاب وزمان كنت بعتبره اخويا الكبير وخلاص لكن جواز لا يا بابا
محمد:انا سيبتك براحتك كتير لكن يا بنتي انا مش هعيشلك انا راجل كبير في السن يبنتي ومبقتش ضامن عمري وعايز افرح بيكي
مهرة: بس يا بابا..
قاطعها محمد قائلا: مفيش بس يا مهرة انا كنت معاكي في كل قراراتك المرة دي لازم انتي اللي تسمعي الكلام
ثم قال بتذكر: اه صح لما تتجوزو هياخدك ويسافر امريكا علشان شغله هناك وكمان هتبقي مع صحبتك اعتقد هي هناك وتقريبا هتبقى قريبة منك
مهرة:يا بابا انا بحب نور وعايزة اشوفها واروحلها بس انا مش عايزة اتجوز شهاب
محمد:اومال عايزة تتجوزي مين
مهرة:مفيش حد يا بابا
محمد:متأكدة
مهرة:اه
محمد:اطلعي اوضتك يا مهرة ومستني ردك بكرة
عند فارس
كان فارس يجلس في غرفته يهاتف شهد
شهد:يعني بجد هنكتب كتابنا خلاص
فارس بابتسامة : ايوة الحمدلله يومين وهنكتب الكتاب
شهد:انا مش مصدقة بجد..المهم عمو كويس دلوقتي خلاص
فارس:اه وبيسلم عليكي جدا وعايز يشوفك
شهد:والله انا بعتبره زي بابا
فارس:وهو لسة قايلي انه بيعتبرك بنته
شهد:ربنا يخليه
فارس:ويخليكي ليا
في امريكا
ذهبت نور لمقابلة اسيل
في المول
نور:انتي مقولتيش ليه ان انور جاي معاكي
اسيل:والله مكنتش اعرف هو لما عرف اني هقابلك جه معايا وماما قالتلي مروحش من غيره
نور:مش هخلص انا عارفة
اسيل:طب بس علشان جاي
اتى انور اليهم
اسيل:كنت بتعمل ايه
انور: كنت بتكلم في التليفون
اسيل:تمام...تعالوا نقعد
انور:تمام تعالي
ذهبو معا وبمجرد جلوسهم وجدت اسيل انور يرسل لها رسالة
انور:اتحججي بأي حاجة وقومي عايز اكلمها
اسيل:عايزها ليه
انور:بطلي رخامة وقومي
اسيل:مااشي بس عد الجمايل
قالت اسيل لنور: انا هقوم اقابل واحدة اعرفها في كافيه قريب ثواني وجاية
نور:لا استني
اسيل:البنت مستعجلة مش هتأخر
وذهبت اسيل مسرعة
نور:يووه يا اسيل استني
انور:متخافيش مبعضش
نور:وانا اخاف منك انت ليه
انور:اومال مش عايزة تقعدي معايا ليه
نور:وانت مين علشان تقعد معايا
انور بثقة: خطيبك
نور: جايب الثقة دي منين هي اسيل مقالتلكش اني رفضت
انور:مش هاممني بس انا عارف انك هتبقي خطيبتي
نور:انت واخد مقلب في نفسك ليه وبعدين انا مش هوافق
انور: ليه ترفضي وبعدين ده انا الف بنت تتمناني
نور:يا اخي روح للالف بنت دول وسيبني في حالي وبعدين انا مش عيزاك اييه مبتفهمش اقولك اكتر من كدة ايه
انور: قلتلك مش فارق معايا كلامك..عامة اسيل جاية اهي..سلام يااا
ثم اقترب منها وقال بهمس: يا خطيبتي
نور: بني ادم مستفز اوووف بجد
اسيل: انا جيت..اتأخرت عليكي
نور:اسيل انا ماشية
اسيل:في ايه بس
نور: مفيش تعبت شوية بس ج
اسيل : متأكدة
نور: اه انا عايزة اروح بس
اسيل:تمام يا حبيبتي
ذهبت نور الى المنزل وجلست تحدث نفسها
نور:هو فاكر نفسه مين ده لا وبيتكلم بثقة اوي
ثم قامت بتقليده: سلام يا خطيبتي...قال خطيبته قال ده انساان بارد...انا هنام احسن.. دي حاجة مقرفة بني ادم غريب
في صباح اليوم التالي
استيقظت مهرة وارتدت ملابسها واثناء نزولها وجدت الجميع مجتمعين على الطاولة
محمد:تعالي يا مهرة
ذهبت اليه مهرة وقالت:نعم يا بابا
محمد بصوت منخفض:قررتي ايه
مهرة:انا رايحه الشركة اقدم استقالتي يا بابا
محمد: متخافيش يا مهرة شهاب هيخليكي تشتغلي معاه في شركته
مهرة: انا ماشية
في الشركة
وقفت مهرة امام مكتب عز واخبرت ندى ان تخبره انها اتت فسمح لها عز بالدخول
في المكتب
عز:ايه سبب الزيارة المفاجأة دي
مهرة بارتباك: انا...انا جاية اقدم استقالتي
عز: نعم؟
مهرة:زي ما حضرتك سمعت كدة
عز: هتقدمي استقالتك ليه
مهرة:اسباب شخصية
عز:مهرة انجزي مبحبش اعيد كلامي كتير
مهرة:دي حاجة ترجعلي اقول او لا وانا مش عايزة
عز:تمام استقالتك مش هتتقبل
مهرة:وانا بقول لحضرتك ان انا عايزة استقيل..هو مش انا ببوظ سمعة الشركة وحضرتك متضايق مني انا بعفيك من كل دخ واه برضو مش لازم تنقذ حياتي على فكرة...انا عايزة استقيل
عز:وانا بقولك هتستقيلي ليه
مهرة بصوت مختنق : هتخطب واتجوز واسافر هاا حاجة تاني اعتقد ان انا لما اسافر مش هقدر اشتغل فانا بقدم استقالتي
لا يدري لما شعر عز بنغزة في قلبه
عز:بس شغلك معانا مخلصش ومفيش حد يتعين مكانك فلازم تفضلي معانا شهر ع الاقل تخلصي في شغلك ونكون شفنا حد واعتقد انك مش هتتخطبي وتتجوزي وتسافري في شهر
مهرة: شكرا لحضرتك عن اذنك
خرجت مهرة من المكتب وذهبت الى مكتبها
مهرة لنفسها:انا مش عايزة استقيل ولا امشي يارب انا تعبت
في منزل مهرة
لؤي:بابا انا نازل
محمد:رايح فين يبني
لؤي:هقابل صحابي
محمد:تمام ابقى طمني عليك
لؤي:حاضر يا بابا عن اذنك
في النادي
كان لؤي يسير مع اصدقائه ورأى انجي واقفة بمفردها
ثم وجد شابا يضايقها
ذهب اليها لؤي وتشاجر مع الشاب
انجي:خلاص لو سمحت كفايا
نظر اليها لؤي غاضبا وتابع سيره
انجي:شكرا
لؤي:العفو بس خلي خطيبك ولا حبيبك ده ميسبكيش بعد كدة
انجي:خطيب مين وحبيب مين انت بتتكلم عن ايه
لؤي:اللي كنتي قاعده معاه هنا في النادي
انجي:احترم نفسك انا مش بقعد مع ولاد
ثم قالت بتذكر:انت قصدك فارس
لؤي:وانا مالي ب اسمه ولا هو مين
انجي: انت مالك فعلا بس عامة ده اخو صحبتي وخاطب وهيتجوز وبلاش تسئ الظن في حد عن اذنك
غادرت انجي ولم يعلم لماذا شعر بارتياح بعد معرفته انه ليس حبيبها
ثم سار قليلا فوجد فتاة اتت اليه وقالت له: لؤي استنى
لؤي بتعجب:مين حضرتك
الفتاة:انا. شروق اللي كنت جارتك زمان
لؤي بتذكر:ازيك عاملة ايه...معلش معرفتكيش
شروق:ولا يهمك بقالنا كتير متقابلناش فعلا
لؤي:فرصة سعيدة..احم عن اذنك بقى علشان مروح
شروق باحراج:ولا يهمك عن اذنك
كل هذا كان امام ناظري انجي التي شعرت بالحنق من تلك الفتاة
في الشركة
انتهت مهرة من عملها وهاتفت لؤي ليأخذها ولكن لا رد
ظلت مهرة واقفة قليلا فوجدت شهاب اتيا اليها
شهاب:ازيك
مهرة:تمام...خير في حاجة
شهاب:عمي قالي اجيبك علشان عربيتك بايظة ولؤي في النادي
مهرة في سرها:ياربي بقى
ثم قالت:تمام
في منزل مهرة
صعدت مهرة غرفتها لتهاتف نور
نور:وحشتيني اوي...الشغل بقى واخد كل وقتك
مهرة:ولا تزعلي يا ستي انا هستقيل
نور بصدمه:ايييه ليه
مهرة بدموع:هتجوز شهاب وهسافر امريكا
نور:الصراحة مش عارفة افرح علشان هتيجي امريكا ولا ازعل على موضوع الجواز ده
مهرة:انا مبحبش شهاب يا نور مبحبهوش مش عيزاه...النهاردة جه ياخودني اصلا
نور:وقال ايه
مهرة:...
فلاش باك
شهاب ومهرة في السيارة
شهاب: عاملة ايه
مهرة:كويسة
شهاب: والشغل ايه اخباره..استقلتي
مهرة:قدمت استقالتي بس هما محتاجني شهر معاهم اخلص شغلي
شهاب:حلو شهر..المهم انا عاملك مفاجأة
مهرة:خير
شهاب:......
مهرة:انت بتقول اييه