مهرة القلب

الفصل الحادي عشر

مع اشراقة شمس يوم جديد كانت مهرة تغط في نوم عميق الى ان قطع نومها صوت سارة وهي تحاول ايقاظها وبمجرد ان فتحت مهرة عينيها احتضنتها سارة بشدة وقالت:وحشييييني
مهرة بصوت مختنق:بالراحة يا سارة هتموتيتي وهوحشك خالص بقى
ابتعدت عنها سارة وقالت بضحك: اسفة يا ستي
ثم قالت بتذكر:اه صح طنط بتقول انك عندك شغل النهاردة
مهرة :ياربي انا ازااي نسيت وسعي بسرعة علشان الحق البس وظلت تركض بجميع انحاء الغرفة ولا تدري ماذا تفعل وسارة تشاهدها وهي تضحك عليها بشده
سارة وهي لا تستطيع كتم ضحكاتها: بالراحة يا بنتي مش كدة مامتك قالت ان لسة بدري على معاد مرواحك للشغل اصلا
مهرة:مش عايزة اتأخر من اول يوم وهو اصلا ما هيصدق ويبهدلني
سارة بانتباه:هو مين
مهرة بدون تركيز:عز
سارة:عز ميين انطقيي حالاا
مهرة بارتباك:هاا انا قلت عز؟
سارة:اه
مهرة:عادي ده مدير الشركة فطبيعي لو اتأخرت هيعاقبني
سارة:فعلا
مهرة بمراوغة: اه طبعا وانا هكذب ليه ووسعي بقى علشان الحق امشي
سارة:هعديهالك دلوقتي بس لما تجيلي
في امريكا
كانت نور تجلس في غرفتها وتشعر بالملل فذهبت الى والدها
نور:بابا
والد نور:نعم يا حبيبتي
نور:مش حضرتك كنت ورتني مول ونادي قريبين مننا علشان لو حبيت اخرج
والد نور:اه يا نور عايزة تخرجي؟
نور:اه ولو ممكن يعني اخد عربيتك
والد نور:ماشي يا ستي خديها
نور وهي تقبله من خده:شكرا يا بابا
خرجت نور وركبت سيارة والدها وذهبت للمول
في المول
ذهبت نور لشراء القهوة واثناء سيرها اصطدمت بشخص ما وانسكبت عليه القهوة
الشخص بغضب:انتي تااني
نور:انا اسفة بجد
الشاب:يا بنتي هو انا كل ما اشوفك تكوني بتقعي
نور:على فكرة انت اللي بتظهر قدامي فجأة
الشاب بسخرية:اه فعلا انا اللي ببقى ماشي دايما مش شايف قدامي وبحرق الناس بالقهوة بتاعتي
نور: على فكرة انت بارد
الشاب:انور
نور:نعم؟
الشاب:انا انور مش بارد
نظرت له نور ولم تتحدث وتابعت سيرها
انور:طب مش هعرف اسمك طيب
تابعت نور سيرها ولم تنظر اليه
انور:هعرفه على فكرة...مستني الوقعة الجاية
نور في سرها:بني ادم رخم
عند مهرة
ظلت واقفة امام الشركة ثم قالت لنفسها:لازم اثبتله اني مش خايفة واصلا انا مغلطتش..ايوة هو اللي غلطان...استر يارب
دخلت الشركة وقابلت اكرم
اكرم:انسة مهرة ازيك
مهرة:اهلا بحضرتك
اكرم:تعالي اوريكي مكتبك
ذهبت مهرة الى مكتبها وبمجرد ان جلست سمعت طرقات على الباب
مهرة:ادخل
دخل عز الى المكتب وقال:يا اهلا وسهلا نورتي شركتنا
مهرة بتوتر: ميرسي ده من زوق حضرتك
ضحك عز وقال :حضرتي...انتي متأكدة انك نفس البنت اللي كانت عندي من يومين
مهرة:اه حضرتك اللي اضطرتني اعمل كدة
عز:وحضرتي عملت ايه
مهرة:مسكت ايدي
عز :فتضربيني؟مخفتيش اعمل فيكي حاجة ولا متتقبليش في الشركة
مهرة: انا خدت حقي مغلطتش ولو مكنتش اتقبلت كنت هشوف اي شركة تانية
عز:وطالاما حضرتك بقى مش طيقاني كدة وافقتي تيجي ليه
مهرة:انا مشاكلي الشخصية ملهاش علاقة بشغلي لو حضرتك بقى اللي مش عايزني ممكن امشي عادي جدا
عز: والله على حسب شغلك هيعجبني ولا لا
مهرة:لا من الناحية دي اتطمن جدا
عز:اما نشوف
مهرة:تمام حاجة تاني
عز:لا شوفي شغلك وهبعتلك حد يشرحلك هتعملي ايه
مهرة:تمام
عند انجي
كانت انجي جالسة في غرفتها ثم قامت لتنظر الى رسمتها التي قامت برسمها الامس
ثم قالت لنفسها وهي تنظر للرسمة:حتى لما رسمت رسمتك انت
نهضت من مكانها وذهبت لتاتهف رهف فوجدت هاتفها مغلق فذهبت لتنام وترتاح قليلا
عند رهف
كانت رهف تجلس في غرفتها تبكي
دخل فارس الغرفة وجلس بجاورها وقال لها:اهدي يا رهف لو سمحتي ان شاءالله هيخف
رهف ببكاء:انت مسمعتش الدكتور بيقول اييه بابا مريض قلب وكان عارف وحالته خطر دلوقتي
فارس:ادعيله يا رهف وبطلي عياط العياط مش هيخففه...لازم يستقوى بينا
رهف:ياارب يبقى كويس يا فارس ياارب
في الشركة
انتهى دوام العمل وخرج عز وكاد ان يركب سيارته ولكنه وجد مهرة واقفة حائرة امام سيارتها
ذهب اليها عز وقال:في حاجة؟
مهرة:العربية مش راضية تدور
عز:طب تعالي اركبي اوصلك
مهرة:لا طبعا مينفعش اركب معاك
عز:هتعملي ايه
مهرة:هركب تاكسي
عز:ما هو مفيش تاكسي
مهرة :هدور عادي
عز:مفيش اي تاكسي بيعدي هنا ولو عدى بيبقى نادرا يعني وبيكون في ناس راكبة فيه وبعدين ايه مشكلتك ان انا اوصلك
مهرة:علشان انت غريب عني
عز بزهق:يعني سواق التاكسي ابن خالتك
مهرة:مينفعش اركب
عز:طب وريني هتعملي ايه
نظرت مهرة حولها ووجدت انه لا يوجد غيرهما وخافت ان تسير وحدها ولا تجد اي وسيلة نقل لتركبها
مهرة:اوووف طب عربيتي
عز:هخلي حد يصلحها
مهرة:انت مش ملزم تعمل كدة
عز:اللهم طولك يا روح هبقى اخصم الفلوس من مرتبك
مهرة:مااشي
ذهبت لتركب السيارة وعندما كادت تجلس بالخلف اوقفها صوت عز الذي قال:لا ما هو انا برضو مش السواق الخاص بتاع سيادتك
مهرة:مش انت اللي عرضت عليا سيبني اركب براحتي بقى
عز:انتي عنيدة لييه نفسي افهم...اتفضلي اركبي في اي حتة زهقتيني
مهرة:مش حضرتك اللي عرضت مالك بقى مش فاهمه
عز:ششششش اركبي
ركبت مهرة السيارة وركب عز بعدها
مهرة:انت سايق ورايح فين انا مقولتش العنوان
عز:عارفه واهدي شوية
مهرة:عرفته ازاي
عز: قبل ما تشتغلي انتي كتبتي بياناتك وكتبتي عنوانك وانا شفته
مهرة:وانت اي عنوان بتشوفه بتحفظه
عز: يا ستي انتي بيتك جنب بيت صاحبي واسكتي بقى زهقتيني
مهرة بصوت منخفض:ده انت بارد
عز وهو ينظر لها في المرآة:شكرا
مهرة:انت سمعت ازاي
عز: بدل ما تتأسفي بتقولي سمعت ازاي؟؟
مهرة:اسفة
عز:اممم سامحتك
لم ترد مهرة وفضلت الصمت
وصلت مهرة الى منزلها واثناء نزولها قالت:شكرا لحضرتك
عز بابتسامه:العفو حضرتك
وذهب عز
ولم يكن عز يعلم انه كانت هناك اعين تراقبهما
دخلت مهرة الى المنزل ثم سلمت على والدها ووالدتها وصعدت لغرفتها
ذهبت اليها سارة وقالت:عملتي ايه
مهرة:تمام الحمدلله
سارة:مش هتقوليلي بقى مين عز
مهرة:حاضر هقولك
سارة:يس...يلا احكي
حكت مهرة لسارة كل ما حدث
سارة:يااربي كل ده حصل
مهرة:شفتي بقى
سارة:خلي بالك من نفسك يا مهرة بجد
مهرة:متقلقيش عليا يا قلبي..انا هروح اكلم نور
بمجرد ان انتهت من جملتها وجدت نور تهاتفها
ردت مهرة وقالت بضحك:بنت حلال كنت لسه هكلمك
نور:شفتي قلبي كان حاسس
مهرة:وحشتيني جدا بجد
نور:وانتي كمان اوي يا مهرة
سارة:هاتي اكلمهااا
نور:ايه ده هي سارة عندك
مهرة :اه خديها اهي
سارة:نووري وحشااني
نور:وانتي كمان يا بنتي اووي
سارة:اخبار امريكا ايه
نور:ماشي الحال
سارة:طب الحمدلله
مهرة:ممكن اكلم صحبتي بقاا
سارة:هكلمك انا بقى بعدين خدي الزنانة دي
نور:اتفقناا
مهرة اخذت الهاتف وقالت:احكيلي عملتي ايه
نور:قابلت الولد اللي خبطت فيه تاني
ثم ضحكت وقالت وبرضو كنت هقع ودلقت عليه القهوة
مهرة:اييه يا بنتي ده
نور:انا مالي هو اللي غلطان
مهرة:ايوة ايوة
نور:قوليلي انتي عملتي ايه
مهرة بنعاس:لااا ده في حوار طويل وانا نعساانه لما اصحى هحكيلك
نور:هستناكي
مهرة:اشطا،سلام
نور:سلام
في مكان اخر
مجهول1:ها وصلت لايه
مجهول 2:هانت ونهايته هتكون على ايدي
مجهول1:يااريت
                                      ****