شهاب: احنا هنكتب كتابنا كمان يومين
مهرة بصدمة:انت بتقول ايه
شهاب: كان اقتراحي وعمي وافق وقالي افاجئك
مهرة بصوت مختنق: ايوة اتفاجئت فعلا
شهاب:انتي فيكي حاجة؟
مهرة:معلش انا عايزة اروح بس مصدعة وتعبت من الشغل
شهاب : حاضر احنا قربنا اهو
مهرة:تمام
شهاب:تحبي تسمعي حاجة
مهرة:لا شكرا
شهاب: انتي متأكدة انك تعبانة من الشغل بس وان مفيش حاجة
مهرة:ايوة متأكدة
شهاب بعدم تصديق:تمام قربنا نوصل وهترتاحي
باااك
نور:يعني انتي كمان يومين هتتجوزي
مهرة: اه
نور: بس انتي هتظلميه
مهرة:مش عارفة اعمل ايه اول مرة بابا يجبرني على حاجة...انا تعبت بجد يا نور
نور:اهدي يا حبيبتي وربنا هيخترلك اللي فيه الخير اكيد
مهرة:ياارب يا نور..انا هقفل انام علشان فصلت خالص
نور:تمام يا حبيبتي
كادت مهرة ان تنام بعد ما اغلقت مع نور ولكن استوقفها صوت طرق على الباب
نظرت مهرة على الساعة فوجدتها السابعة مساء فظنت ان والدتها تريدها ان تأكل معهم فقالت:انا هنام يا ماما مش هاكل
لؤي:انا مش ماما...شهاب عايزك تحت
مهرة لنفسها:اوووف عايز ايه ده كمان
ثم قالت:ثواني طيب
نزلت مهرة الى الاسفل وسلمت على خالتها
محمد: شهاب عايز يكلمك في حاجة يا بنتي
مهرة:خير
شهاب:استأذنك يا عمي ممكن تسيبنا 5 دقايق بس
محمد: اتفضل
ثم خرج وتركهما
مهرة:نعم
شهاب:انتي مش عيزاني يا مهرة
مهرة : اشمعنا بتقول كدة
شهاب:جاوبي على سؤالي يا مهرة
لم تستطع مهرة الرد
شهاب:انا لما شفت نظراتك انتي وعز حسيت ان في حاجة بس قلت ان ده مجرد احساس بس لما كنت خارج من اوضة اؤي سمعتك بتكلمي نور صحبتك وقولتيلها انك مبتحبنيش ومش عيزاني
مهرة باحراج:شهاب انا...
قاطعها شهاب قائلا:انا مكنتش حابب اني اتجوزك غصب عنك يا مهرة ومكنتش اعرف ان باباكي اللي قالك انا كنت بحسب انك موافقة بمزاجك..استني بس اسبوعين ولا حاجة وهقول لعمي اننا مرتحناش ومش هجيب سيرة انك رافضة متقلقيش بس على الاقل استني شوية علشان يقتنع بدل ما يحس بحاجة
مهرة: شهاب انا مفيش حاجة بيني وبين عز هو بس مديري واسفة بجد مكنتش عايزاك تزعل بس يعني انا خفت اظلمك وكنت متضايقة ان انا كنت مجبورة...المشكلة مش فيك صدقني المشكلة ان انا اللي مش عايزة اصلا اي ارتباطات
شهاب:انتي وعز نظراتكم فضحاكم اصلا يا مهرة ومتقلقيش انا فاهم ومش زعلان صدقيني
مهرة:مش عارفة اقولك ايه بجد بس شكرا يا شهاب اوي
شهاب:على ايه بس انا معملتش حاجة
دخل محمد اليهما
محمد:خلصتو
شهاب:اه يا عمي..عن اذنك انا بقى هاخد ماما واروح
محمد:ما تخليكم يبني شوية
شهاب:مرة تانية ان شاءالله
محمد:اللي تشوفه يا حبيبي
بعد خروج شهاب
محمد:لسة رافضة الجواز منه
مهرة: لا يا بابا
محمد: الحمد لله والله شهاب ده مش هتلاقي زيه
مهرة: احم اه فعلا يا بابا...عن اذنك بقى علشان هموت وانام والله
محمد:تصبحي على خير يا حبيبتي
مهرة:وانت من اهل الخير
في امريكا
كانت نور ذاهبة لشراء بعض الاغراض واثناء سيرها سمعت صوت شخص يناديها
الشخص: نور استني
نور: خير
الشخص: تعالي نقعد الاول في كافيه علشان نعرف نتكلم
نور: عايز ايه يا انور
انور:عايز اتكلم معاكي
نور:لا
انور: انتي حرة بس مش هسيبك غير لما نتكلم
نور: ياربي بقى انا زهقت اتفضل خلينا نروح الكافيه علشان اخلص
في الكافيه
انور:انتي ليه رفضتيني
نور:انت جايبني كل ده علشان تقولي ليه رفضتيني
انور:ردي عليا يا نور
نور: مزاجي...انا مش عايزة اتجوزك
انور:بصي في عيني وقوليلي كدة
نور:يووه انت عايز ايه
انور:اديني فرصة حتى وبعدين هتبقى مجرد خطوبة لو مرتحتيش يا ستي همشي ومش هتشوفيني تاني
لم ترد نور
انور: لو سمحتي فكري شوية واديني فرصة
نور:بابا بكرة فاضي واعتقد انت عارف العنوان..سلام
وغادرت نور مهرولة وهي تشعر بطبول تدق في قلبها
انور لنفسه:شكلك هتغلبيني يا نور
في منزل نور
كانت جالسة تتذكر ما حدث منذ قليل
هل سيتقدم انور لخطبتها فعلا...لماذا هي سعيدة اذا...لماذا رفضته من البداية طالاما هي سعيدة هكذا
وجدت نور رسالة من اسيل
اسيل:انتي هتتخطبي انتي وانور بجد ولا بيضحك عليا
نور:مش بيضحك عليكي
اسيل:الله صحبتي هتبقى مرات اخويا...انتم لايقين على بعض اصلا..هتبقو نور وانور..بس رفضتيه من الاول ليه ها
نور:اييه كل ده يا بت والصراحة معرفش رفضته ليه
اسيل:انتي بتحبي انور؟
نور:هو انتي فاكرة اني لو بحبه هقولك ده انتي مبيتبلش في بؤك فولة
اسيل:بعيدا عن الاهانة بس كدة يبقى بتحبيه
نور:لا
اسيل:كذاابة بتحبيه
نور:احب مين يا بنتي هو انا شفته غير مرتين او تلاتة
اسيل:طب ما هو شافك مرتين او تلاتة وحبك
نور:ممكن يبقى اعجاب عادي
اسيل:لو اعجاب بس مكنش هيتقدملك
نور:اسيل انتي رغاية اوي وزنانة
اسيل: عارفة
نور:ده واضح ان انتم كلكم باردين...اقفلي يا اسيل اقفلي
اسيل: انتي عيلة فصيلة والله...سلام
في مكان اخر
وليد:ها هنعمل ايه
چنى: انا هعتذر لعز واحاول اقرب منه لحد ما يثق فيا
وليد:افهمي بقى عز مستحيل يثق فيكي تاني حتى لو بيعشقك
چنى:وبعدين يعني
وليد:في حد من رجالتي قالي ان مصطفى صاحبه بقى ضده اكيد ممكن يفيدنا
چنى:تفتكر
وليد: هنجرب
چنى: ما بلاش تغامر بدل ما يروح يعترف علينا
وليد:انا عارف مصطفى متقلقيش مستحيل يعمل كدة
چنى: متأكد
وليد: اسمعي مني بس
چنى : يبقى لازم نوصل لمصطفى ده
اشرقت شمس يوم جديد واستيقظت مهرة بنشاط واستعدت للذهاب الى عملها
قابلها لؤي وقال لها:الشغل ده غيرك خاالص بقيتي تصحي بدري ونشيطة لالا مش متعود عليكي كدة
مهرة:هو لا كدة عاجب ولا كدة عاجب وبعدين روح ذاكر
لؤي:لا انا في جامعة يعني مش بذاكر غير اخر شهر
مهرة:نعم؟ لا لا عيد تاني كدة..تذاكر اخر شهر..روح ذاكر يا لؤي
لؤي:هو لازم الناس كلها تكون دحيحة زيك
مهرة: طب احنا نقول لبابا بقى علشان يمنع مرواح النادي
لؤي:ده انتي رخمه...انا عارف ان انا جيت العيلة دي غلط اساسا ده انتم عيلة نكدية
ثم التفت ليغادر فوجد والده ووالدته
لؤي:احم انتم هنا من امتى
محمد: من اول انك مش بتذاكر غير اخر شهر لغاية اننا عيلة نكدية
لؤي:انت هتصدق الكلام ده يا حج برضو ده انت حبيبي انا بضحك عليها بكلمتين بس
محمد:فعلاا...طب ايه مش هتذاكر
لؤي:حالا..هطلع اذاكر حالا ده انا اصلا بحب المذاكرة..بنتك دي اللي بتحرضني على الفساد عمالة ترغي معايا وبتعطلني عن مذاكرتي
منال: طبعاا انا عارفة يا حبيبي
لؤي:حبيبتي يا ست الكل
مهرة:انا همشي بقى علشان هتأخر
محمد ومنال: سلام يا حبيبتي
في الشركة
وصلت مهرة الى الشركة واثناء ذهابها الى مكتبها رأت ندى اتية اليها وقالت:مهرة عز بيه عايزك وكان بيسأل عليكي
ذهبت مهرة الى مكتب عز
في المكتب
عز: اعتقد انك عندك شغل كتير ومحتاجه تنجزي علشان مش قدامك غير شهر
مهرة: متقلقش حضرتك انا هعرف اخلص شغلي كويس واه انا مش همشي خلاص
عز:يعني ايه
مهرة:يعني مش هسافر وهفضل ان شاءالله
فرح عز من حديثها ولكنه تحدث بلا مبالاة وقال:تمام
ثم قال:خطيبك وافق ولا ايه
مهرة بحنق:اه خطيبي وافق اه
عز: ويا ترى ده طلبك ولا طلبه
مهرة:هتفرق في ايه في الاخر القرار هيتنفذ وافضل في الشركة وخلاص
عز:واضح انك بتحبيه اوي
مهرة : اه اوي
عز وهو يقترب منها ويقول بهمس:متأكدة؟
مهرة بارتباك: اه
ثم قالت:عن اذنك عندي شغل
وغادرت المكتب بسرعة
مهرة لنفسها:ايه الانسان ده ياربي
ذهبت مهرة الى مكتبها وظلت تعمل وعند انتهاء العمل نزلت وكادت ان تتصل بلؤي ولكنها وجدت سيارتها فذهبت اليها ووجدت ورقة مكتوب بها:عارف انك مش هتبقي حابة اني اوصلك تاني فصلحتلك عربيتك وجبتهالك
ابتسمت مهرة لا اراديا
في تلك اللحظة شاهدها عز ولاحظ انها تحمل ورقة بيدها فخمن انها من خطيبها فشعر بنيران وكأن بركان يثور بداخله فانصرف مسرعا
وصل عز الى منزله
استقبلته والدته فقبل يديها وسلم عليها واثناء صعوده الى غرفته قالت :مش ناوي تتجوز بقى يبني وتفرحني
عز:يا امي مش نجاحي بيفرحك
والدة عز:اكيد يبني بس انا عيزاك تتجوز ويبقى عندي احفاد منك
عز: ان شاءالله يا ماما
والدة عز:دايما بتقولي كدة
عز:ماما انتي عارفة اني مش حابب اتجوز اصلا و وافقت علشانك بس لسة ملقتش البنت اللي تناسبني
والدة عز: ربنا يهديك يبني
وصلت مهرة الى منزلها وقبل ان تدخل وجدت محفظة تسقط من فتاة فلحقت بها لتعطيها اياها
مهرة: لو سمحتي استني محفظتك وقعت منك
الفتاة:شكرا
مهرة:هو انتي
الفتاة:انتي تعرفيني
مهرة:ها لا انا بس بشبه عليكي
الفتاة:ولا يهمك
دخلت مهرة المنزل وذهب الى غرفتها
حاولت مهاتفة نور لكنها لم تجب
مهرة لنفسها: ايه اللي جابها هنا دي
كادت ان تنام ولكنها سمعت رنين هاتفها
مهرة:ازيك يا نور
نور:الحمدلله وحشتيني اوي
مهرة:وانتي كمان اوي...ايه اخبارك
نور:تمام الحمدلله
مهرة: ايه مفيش اي جديد
نور: احم انور هيتقدملي
مهرة:احلفييي
نور: والله
مهرة:مبرووك...انا ماليش فيه تعملو الفرح هنا في مصر
نور:مش لو وافقت
مهرة:نعم؟
قصت لها نور كل ما حدث
مهرة:تصدقي انك معندكيش دم
نور:انا غلطانة اني حكيتلك يعني..المهم ايه اخبار شهاب
مهرة: شهاب ده طلع جدع اوي وحكت مهرة الحوار الذي دار بينها وبين شهاب
نور:على فكرة صعب عليا اوي حرام عليكي
مهرة:ميصعبش عليكي غالي...المهم تعرفي شفت مين النهاردة
نور:مين
مهرة:.......
نور: ايه ده ودي ايه اللي جابها هنا دي
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
